Mahmud Abas

Ai ka qenë kryetari i Organizatës Çlirimtare të Palestinës (PLO) që nga 11 nëntori 2004 dhe presidenti palestinez që nga 15 janari 2005 (Autoriteti Kombëtar i Palestinës që nga 15 janari 2005 dhe Shteti i Palestinës që nga 8 Maj 2005). Abas është anëtar i partisë Fatah dhe u zgjodh kryetar i Fatahut në vitin 2009.

Mahmud Abas Ebu Mazen
مَحْمُود عَبَّاس أَبُو مَازِن
Presidenti i Autoritetit Kombëtar të Palestinës
Titullar
Në detyrë 15 janar 20051
Kryeministri	Ahmed Kurei Nabil Shaath (ushtrues detyre) Ahmed Kurei Ismail Hanije Selam Fajjad Rami Hamdallah Mohammad Shtaje
Paraprirë nga	Rauhi Fattuh (i përkohshëm)
Presidenti i 2-të i Shtetit të Palestinës
Titullar
Në detyrë 8 maj 2005 si ushtrues detyre: 8 maj 2005 – 23 nëntor 2008
Paraprirë nga	Yasir Arafat
Kryetari i 4-të i Organizatës Çlirimtare të Palestinës
Titullar
Në detyrë 29 tetor 2004 si ushtrues detyre: 29 tetor 2004 – 11 nëntor 2004
Paraprirë nga	Jaser Arafat
Kryeministri i 1-rë i Autoritetit Kombëtar të Palestinës
Në detyrë 19 mars 2003 – 6 shtator 2003
Presidenti	Jaser Arafat
Paraprirë nga	Pozita u themelua
Pasuar nga	Ahmad Kurei
Të dhëna vetjake
U lind më	15 nëntor 1935 (85 vjet) Safed, Mandati britanik i Palestinës
Nënshtetësia	Palestinez
Partia politike	Fatah
Bashkëshortja/et	Amina Abas
Fëmijët	Mazen Abas Yasser Abbas Tarik Abbas
Vendbanimi	Ramallah, Bregu Perëndimor
Shkollimi	Universiteti i Damaskut Universiteti i Miqësisë së Popujve Patrice Lumumba
1) Afati i Abasit si President skadoi më 15 janar 2009, që kur Aziz Dueik ishte njohur si President nga qeveria Haniyeh në Rripin e Gazës, ndërsa Abas njihet si President nga qeveria Fajjad në Bregun Perëndimor dhe të gjitha shtetet që njohin pavarësia e Palestinës, si dhe e OKB-së. Në prill 2014 ai u njoh nga Haniyeh në kontekstin e Qeverisë së Unitetit.

Mahmud Abas lindi më 15 nëntor 1935 në Safed, në rajonin e Galilesë të Mandatit të Palestinës (tani Izrael). Familja e tij u arratis në Siri gjatë luftës në Palestinë 1948. Para se të shkonte në Egjipt, Abas u diplomua në Universitetin e Damaskut, ku studioi për drejtësi.

Abas më vonë hyri në studime pasuniversitare në Universitetin Patrice Lumumba në Moskë, ku fitoi një gradë Kandidat i Shkencave (ekuivalenti sovjetik i PhD).

Ai është i martuar me Amina Abas dhe kanë tre djem. Më i madhi, Mazen Abas, drejtoi një kompani ndërtimi në Doha dhe vdiq në Katar nga një sulm në zemër në vitin 2001 në moshën 42 vjeç. Djali i tyre i dytë është Jaser Abas, një biznesmen kanadez i cili u emërua pas Jaser Arafat. Djali i vogël është Tarik, një ekzekutiv i biznesit. Abas ka tetë nipër e mbesa, gjashtë prej të cilëve janë pjesë e iniciativës Farërat e Paqes duke i sjellë ata në kontakt me izraelitë të rinj.