Shkrimtari francez, Lui Aragon (Louis Aragon), lindi më 23 tetor të vitit 1897 në Paris dhe vdiq më 24 dhjetor të vitit 1982, ishte shkrimtar, teoricien letrar dhe publicist francez.
Me shkrimtarin Andre Breton dhe të tjerë ka themeluar surrealizmin në Francë. Asaj kohe dhe atij orientimi i përket romani i tij Fshatari parisien (1926), në të cilin ka paraqitur fatin e njeriut në vorbullën e metropolit.
Në një fazë të mëvonshme të jetës, Aragoni ka ndërruar pikëpamjet politike dhe është bërë anëtar i partisë komuniste, me ç'rast e ka përqafuar edhe realizmin socialist, ndërsa qëndrimin e vet të ri e ka paraqitur në traktatin Për realizmin socialist (1935). Në këtë frymë Aragoni ka shkruar një sërë romanesh, të botuara me titullin e përbashkët Bora reale.
Gjatë Luftës së Dytë Botërore ka marrë pjesë në lëvizjen e rezistencës. Këtë tematikë ai e ka trajtuar në disa vepra (përmbledhja e poezive e vitit 1944 Të përshëndes, Franca ime, romani Komunistët i vitit 1949 dhe Java e shenjtë i vitit 1958 etj.).
This article uses material from the Wikipedia Shqip article Lui Aragoni, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.