Lucas Sebastián Torreira Di Pascua (lindur më 11 shkurt 1996) është një futbolliist profesionist uruguajian i cili luan si mesfushor mbrojtës për klubin anglez Arsenal dhe kombëtaren uruguajiane.
Torreira me Uruguajin në Kupën e Botës 2018 | |||
Të dhënat vetjake | |||
---|---|---|---|
Emri i plotë | Lucas Sebastián Torreira Di Pascua | ||
Datëlindja | 11 shkurt 1996 | ||
Vendlindja | Fray Bentos, Uruguay | ||
Gjatësia | 1.68 m (5 ft 6 in) | ||
Pozicioni | Mesfushor mbrojtës | ||
Të dhënat e klubit | |||
Klubi aktual | Arsenal | ||
Numri | 11 | ||
Karriera me të rinjtë | |||
2010–2013 | 18 de Julio | ||
2013 | Montevideo Wanderers | ||
2013–2014 | Pescara | ||
Karriera me klube* | |||
Vitet | Klubi | Ndeshje | (Golat) |
2014–2015 | Pescara | 5 | (0) |
2015–2018 | Sampdoria | 71 | (4) |
2015–2016 | → Pescara (huazim) | 29 | (4) |
2018– | Arsenal | 23 | (2) |
Karriera ndërkombëtare‡ | |||
2018– | Uruguaji | 13 | (0) |
*Ndeshjet dhe golat me klubet llogariten vetëm për ligën vendase – redaktuar më 19 janar 2019 ‡ Ndeshjet dhe golat me ekipin kombëtar të redaktuar më 24 nëntor 2018 |
Torreira filloi karrierën e tij futbollistike me klubin e qytetit të tij të lindjes I.A. 18 de Julio i Fray Bentos. Në 2013, ai u bashkua me të rinjtë e Montevideo Wanderers.
Në dhjetor 2013, pasi ishte vëzhguar për rreth një vit nga Roberto Druda, ai u mor në Itali tek Pescara sëbashku me katër uruguajianë të tjerë; ishte vetëm Torreira ai që fitoi besimin e ekipit nga Abruzzo, i cili bleu kartonin e tij.
Pasi luajti për rreth 18 muaj me ekipin Primavera, Torreira bëri debutimin e tij me ekipin e parë më 16 maj 2015, duke luajtur si titullar në ndeshjen e Serie B ndaj Varese; ai luajti për 58 minuta para se të zëvndësohej nga italiani Matteo Politano.
Më 1 korrik 2015, Torreira u transferua te klubi italian Sampdoria për 1.5 milion €, por u dërgua menjëherë në huazim tek Pescara për sezonin 2015–16 për të fituar përvojë.
Më 2 korrik 2015, ai u huazua te Pescara. Me delfinët, Torreira shënoi golin e parë si profesionist kundër F.C. Südtirol në 2015–16 Coppa Italia. Në kampionat, ai shënoi tre herë në 26 ndeshje.
Torreira u rikthye tek Sampdoria pas huazimit tek Pescara më 1 korrik 2016. Ai debutoi zyrtarisht në Serie A më 21 gusht në ndeshjen e parë sezonale ndaj Empolit në Stadio Carlo Castellani.
Ai ishte një titullar i përherëshm në ekip gjatë sezonit 2016–17, një status që e mbajti edhe gjatë sezonit 2017–18. Ai gjithashtu shënoi disa gola të rëndësishëm gjatë sezonit të tij të dytë, përfshirë edhe golin e dytë të fitores 3–2 në shtëpi kundër Juventusit më 19 nëntor 2017.
Më 10 korrik 2018, klubi anglez Arsenal kompletoi transferimin e Torreiras për një shifër të raportuar prej 26.4 milion £. Menjëherë pasi transferimi përfundoi, Torreira mori vlerësime nga trajneri i ekipit Unai Emery, i cili tha: "Është një mesfushor me kualitet të mirë. I kam shijuar performancat e tij tek Sampdoria në dy sezonet e fundit, dhe ne e kemi parë atë të bëjë mirë për Uruguajin në Kupën e Botës 2018. Ai është një lojtar i ri me përvojë të mirë, i cili ka dëshirë të vazhdoj të rritet. Atij ju dha fanella me numrin 11, i cili për herë të fundit ishte mbajtur nga Mesut Özil; gjermani mori fanellën me numrin 10, i cili u la bosh pas largimit të Jack Wilshere.
Torreira bëri debutimin e tij në Premier League më 12 gusht në humbjen 2–0 ndaj Manchester City; ai hyri në 20 minutat e fundit të takimit. Ai dhuroi asistin e parë të sezonit, me pasimin e tij që u shëndrua në gol nga Alexandre Lacazette, në një fitore 3–2 ndaj Cardiff City. Më 2 dhjetor, Torreira shënoi golin e parë me Arsenalin, që mposhti rivalët londinez Tottenham Hotspur 4–2 dhe gjithashtu u shpall edhe lojtari i ndeshjes. Një javë më vonë, ai shënoi sërisht, këtë golin e fitores ndaj Huddersfield Town me një rofeshatë në minutën e 83të.
Torreira ka lindur në Uruguaji, dhe është me origjinë spanjolle nga ana e gjyshit i cili ishte nga Galicia. Ai gjithashtu ka pasaportë spanjolle, dhe para se të luante me Uruguajin ai u mor në konsideratë nga vëzhgues të kombëtares italiane.
Ai u thirr në ekipin e parë të Uruguajit për Kupën e Kinës 2018 në mars 2018. Ai bëri debutimin e tij në fitoren 2–0 ndaj Republikës Çeke në gjysëm-finalen e turnamentit. Në finale Uruguaji mposht Uellsin, me Torreiran që luajti nga minuta e 70të.
Në maj 2018, ai u thirr në skuadrën paraprake prej 26 lojtarësh që do të merrte pjesë në Kupën e Botës 2018 në Rusi. Ai luajti në çdo ndeshje të ekipit që u eliminua në çerek-finale nga Franca. Performancat e tij u vlerësuan nga mediat.
Klubi | Sezoni | Liga | Kupa | Evropa | Tjetër | Total | ||||||
---|---|---|---|---|---|---|---|---|---|---|---|---|
Divizioni | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | ||
Pescara | 2014–15 | Serie B | 5 | 0 | 0 | 0 | — | 3 | 0 | 8 | 0 | |
Pescara (huazim) | 2015–16 | Serie B | 29 | 4 | 2 | 1 | — | 3 | 1 | 34 | 6 | |
Gjithsej | 34 | 4 | 2 | 1 | 0 | 0 | 6 | 1 | 42 | 6 | ||
Sampdoria | 2016–17 | Serie A | 35 | 0 | 1 | 0 | — | — | 36 | 0 | ||
2017–18 | Serie A | 36 | 4 | 2 | 0 | — | — | 38 | 4 | |||
Gjithsej | 71 | 4 | 3 | 0 | 0 | 0 | 0 | 0 | 74 | 4 | ||
Arsenal | 2018–19 | Premier League | 23 | 2 | 3 | 0 | 3 | 0 | — | 29 | 2 | |
Gjithsej karriera | 128 | 10 | 7 | 1 | 3 | 0 | 6 | 1 | 144 | 12 |
1 Të tjera turnamente përfshirë play-off-et e Serie B
Uruguaji | ||
---|---|---|
Viti | Ndsh | Gola |
2018 | 13 | 0 |
Total | 13 | 0 |
Wiki Commons ka materiale multimediale në lidhje me: Lucas Torreira. |
This article uses material from the Wikipedia Shqip article Lucas Torreira, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.