Libri me poezi të zgjedhura Litota është botuar nga SH.B.
Onufri e Tiranës në vitin 2007. Kritiku Mark Marku që ishte edhe përzgjedhësi i poezisë së Antologjisë së Hamitit ka thënë “Ishte shumë e vështirë të bëja përzgjedhjen sepse është një poet i konsoliduar dhe si i tillë ai nuk krijon mundësi që të nxjerrësh jashtë antologjisë poezitë e tij” Sabri Hamiti futet tek ata poetë që ka një krijimtari e cila përsoset dhe sjell të reja. Poetika e Sabri Hamitit është një poetikë e hapur, është reflektim i mungesës së lirisë. Për të marrëdhënia me fjalën është fillesa e poezisë. Marku mendon se Hamiti në fillimet e tij është ndikuar nga Lasgush Poradeci. “Ai krijon lirinë dhe robërinë e tij krijon të vërtetën dhe realen. Realiteti poetik i krijuar nga ai është unik. Ai e shpreh ritualin e natyrës ndryshe. Ai nuk e shkruan gjuhën por e kompozon atë" thekson Marku. Ndërsa Besnik Mustafaj e vlerëson Hamitin si poet. "Hamiti është një poet erudit që nuk ka ndërhyrë në poezitë e tij të krijuara para 35 viteve, as tani në botimin e antologjisë dhe kjo tregon se ai ndjehet përgjegjës vetëm artistikisht për ato poezi" thekson Mustafaj.
Ky artikull nga Letërsia është një faqe cung. Mund të ndihmoni Wikipedian duke e përmirësuar. |
This article uses material from the Wikipedia Shqip article Litota, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.