Kosova, sprovë e ndërgjegjes mjekësore ishte simpozium që u mbajt në Zagreb më 9 qershor të vitit 1990, në sallën Drustveni Dom në Kaptol.
Ky simpozium u organizua si përgjigje ndaj dy raporteve federative, që ishin përpiluar për helmimet në Kosovë. Në këto dy raporte,nga dy komisionet federative të RSF Jugosllavisë, që punuan në këtë çështje, thuhej se nuk është zbuluar shkaktari i cili kishte mundur të shkaktonte "fenomenin e helmimeve" në Kosovë, apo më mirë të përdoret termi tjetër zyrtar i tyre "shqetësime shëndetësore".
Pas helmimeve të ndodhura në Kosovë, Beogradi zyrtar filloi një propagandë të egër ndaj shqiptarëve të Kosovës, posaçërisht ndaj personelit mjekësor shqiptar që kujdesej për të helmuarit. Minimizohej tragjedia e rinisë kosovare, të gjithë të helmuarit, afër 6500 nxënës dhe foshnje u quajtën "Aktorë të Kanës" !
I gjithë ky vrer dhe histeria antishqiptare që vinte nga Beogradi, në masë të madhe irritoi shqiptarët që ndodheshin jashtë Kosovës. Ata ishin të informuar shumë mirë nga burime të sigurta se në Kosovë që të helmuarit ishin viktima të sigurimit sekret serb.
Edhe në Kroaci, sidomos në Zagreb, ekzistonte një bërthamë veprimtarësh shqiptarë të cilët vazhdimisht sensibilizonin opinionin kroat me të dhëna të sakta.
Nga një takim spontan dhe miqësor në fund të prillit të vitit 1990, nga dr. Besnik Bardhi dhe dr. Slobodan Lang, Ministër i shëndetësisë, i qytetit të Zagrebit, lindi ideja që të organizohet një takim me ekspertë të ndryshëm ndërkombëtar dhe të vendit. Në këtë takim, temë boshti do të ishte: Helmimi i rinisë shqiptare në Kosovë !
http://www.youtube.com/watch?v=AxqWgGS6s0c&feature=related
Ky artikull nga Historia është një faqe cung. Mund të ndihmoni Wikipedian duke e përmirësuar. |
This article uses material from the Wikipedia Shqip article Kosova sprovë e ndërgjegjes mjekësore, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.