Konstantinos Kostis Stefanopulos (lindur më 1926 në Patra, Greqi - 20 nëntor 2016) avokat, politikan, president i Greqisë, ortodoks greqishtfolës nga Greqia.
Stefanopulosi u diplomua për drejtësi në Universitetin e Athinës, me të cilin ai ka qënë lidhur për pjesën më të madhe të karrierës profesionale të tij.
Më 1964, Stefanopulos u zgjodh anëtar i parlamentit grek prej Bashkimit Kombëtar Radikal. Dhjetë vjet më vonë, ai u bashkua me partinë Demokracia e Re (ND) dhe u zgjodh në komitetin qëndror të saj. Atij gjithashtu iu ngarkua funksioni i zëdhënësit të partisë. Më 1985, Stefanopolos u largua nga ND dhe u bë njëri prej bashkëthemeluesve të partisë Ringjallja Demokratike (DHANA). Më 1994, ai e shpërndau DNANA-në dhe vendosi të largohej nga politika, pas dështimit të partisë për të fituar përfaqësim në Parlamentin Evropian.
Në mars 1995, Stefanopulosi u zgjodh në mandatin presidencial të tij të parë. Ai u propozua për këtë funksion nga partia Pranvera Politike ("Politiki Anixi") dhe u mbështet nga PASOK (Lëvizja Socialiste Panhelenike) në pushtet. Në shkurt 2000, parlamenti grek e rizgjodhi atë. Kandidatura e tij u mbështet nga dy partitë politike kryesore në Greqi.
Gjatë karrierës së tij, Stefanopulosi ka shërbyer si Ministër i Tregtisë (1974), Ministër i Brendshëm (1974-1976), Ministër i Shërbimeve Sociale (1976-1977) dhe Ministër i Presidencës (1977-1981).
This article uses material from the Wikipedia Shqip article Konstantinos Stefanopulos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.