Komiteti Qendror për Mbrojtjen e të Drejtave të Kombësisë Shqiptare apo Komiteti i Sambollit u formua në qytetin e Stambollit, Turqi, atëherë kryeqyteti i Perandorisë Osmane, më 18 dhjetor 1877 nga një grup intelektualësh, patriotësh, dhe politikanësh shqiptarë.
Anëtarët e komitetit ishin Hasan Tahsini, Abdyl Frashëri, Vesel Dino, Iljaz Pashë Dibra, Ymer Prizreni, Sami Frashëri, Zija Prishtina, Ahmet Koronica, Mehmet Pashë Vrioni, Seid Toptani, Mustafa Nuri Vlora, Pashko Vasa, Jani Vreto, Mihal Harito, Pandeli Sotiri, Koto Hoxhi, Mane Tahiri. Kryetari i Komitetit u zgjodh Abdyl Frashëri. Komiteti do të njihet më vonë me emrin Komiteti i Stambollit.
Qëllimi i komitetit ishte që të përhap idenë e krijimit të një rajoni autonom shqiptar në kuadër të Perandorisë Osmane. Panet dhe idealet e komintetit u shtypën në gazetën Tercümân-i-Şark dhe parashikuan themelimin e një vilajeti të vetëm shqiptar, që do përfshinte vilajetet e Kosovës, Manastirit, Janinës dhe Shkodrës. Shpesh u përfshinte edhe Vilajeti i Selanikut. Si pasojë e rritjes së mbështetjes për komitetin dhe idenë e një Shqipërie të bashkuar autonome, përkrahësit vendosën të takohen në qytetin e Prizrenit. Kjo mbledhje u bë njohur si Lidhja e Prizrenit.
Në tetor të vitit 1879, anëtarët e lartë të komitetit formuan Shoqërinë e të Shtypurit Shkronja Shqip, e cilat do të kryente detyrën e krijimit të një alfabeti dhe abetareje të njësuar, si dhe dhe përhapjen e shkrimeve shqipe.
This article uses material from the Wikipedia Shqip article Komiteti Qendror për Mbrojtjen e të Drejtave të Kombësisë Shqiptare, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.