Kivi - kjo pemë ekzotike vjen nga Kina dhe konsiderohet si fryt nacional kinez.
Ka shije intensive të lëngshme, është e butë dhe me fara të zeza. Kivi është një nga ushqimet më të shëndetshme. Është i mbushur me antioksidant dhe përmban vitaminë C dhe atë në sasi më të madhe se portokalli. Është burim i shkëlqyeshëm i kaliumit, fibrave, vitaminave A dhe E.
Është e rëndësishme të theksohet se kivi përmban një sasi të madhe të vitaminës C, E dhe A. Vitamina C është një antioksidant që shkrihet në ujë e është provuar se mbron trupin tonë nga radikalet e lira,përmireson shëndetin e individëve të cilët e konsumojnë rregullisht atë kundër të gjitha llojeve të sëmundjeve,që nga problemet kardiovaskulare, kancere si dhe obezitetin. Vitamina E është vërtetuar të ketë efekte të ngjashme, por është i tretshëm në yndyrë dhe kështu është ndihmës për vitaminën C në funksionet e saj. Frutat e kivit i përmbajnë të dyja këto vitamina në sasi të lartë, të cilat ndihmojnë për të mbrojtur trupin tonë nga radikalet e lira. Kivi përmban sasi të lartë të fibrave të cilat përmirsojnë sëmundje të tilla si diabeti sepse mban nivelin e sheqerit nën kontroll dhe kancerin e zorrës së trashë sepse fibrat lidhen me komponimet toksike në zorrën e trashë dhe na ndihmojnë të dëbojmë ato. Fibrat gjithashtu janë provuar se zvogëlojnë nivelin e kolesterolit, përmirësojnë kushtet e pacientëve me sëmundje kardiovaskulare dhe zvoglojnë probabilitetin e sulmeve të zemrës.
Dy hemisferat dhe shtatë kontinentet përbëjnë gjeografinë e përhapjes së kivit.Nga Zelanda e Re,prodhimet e para të eksportit filluan më 1952.Ishte një ngarkesë vetëm prej 13 ton që u nis drejt Anglisë dhe disa vjet më vonë u eksportuan edhe drejt Shteteve të Bahkuara të Amerikës e më pas edhe në Europë.Klifornia është shteti i parë i SHBA-ve që e kultivoi këtë frut.Kivi në Europë u përhap gjerësisht në fund të viteve 60-të e në fillim të viteve 70-të.Në fillim në Francë e më pas në Itali ,Spanjë,Greqi .Pak më vonë kivin e gjejmë edhe në vendet e ish Jugosllavisë,rreth e rrotull nesh.Përveq vendeve europiane kjo bimë kultivohet në Amerikën Latine.Frutat e Kivit i gjen edhe në tregjet tona.Kivi rritet edhe në Kamboxhia,Vietnam e Laosin jugor.Edhe Turqia eksporton fruta kivi.Në Iran e konsiderojnë si produktin më të shëndetshëm në botë sepse nuk permban pesticide kimike.
This article uses material from the Wikipedia Shqip article Kivi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.