Keylor Antonio Navas Gamboa (lindur më 15 dhjetor 1986) është një futbollist profesionist kosta rikan i cili luan me klubin francez Paris Saint-Germain në Ligue 1 dhe me Kosta Rikën si portier.
Navas me Real Madridin | |||
Të dhënat vetjake | |||
---|---|---|---|
Emri i plotë | Keylor Antonio Navas Gamboa | ||
Datëlindja | 15 dhjetor 1986 | ||
Vendlindja | Pérez Zeledón, Kosta Rika | ||
Gjatësia | 1.86 m (6 ft 1 in) | ||
Pozicioni | Portier | ||
Të dhënat e klubit | |||
Klubi aktual | Paris Saint-Germain | ||
Numri | 1 | ||
Karriera me të rinjtë | |||
Saprissa | |||
Karriera me klube* | |||
Vitet | Klubi | Ndeshje | (Golat) |
2005–2010 | Saprissa | 60 | (0) |
2010–2012 | Albacete | 36 | (0) |
2011–2012 | → Levante (huazim) | 1 | (0) |
2012–2014 | Levante | 46 | (0) |
2014–2019 | Real Madrid | 104 | (0) |
2019– | Paris Saint-Germain | 50 | (0) |
Karriera ndërkombëtare‡ | |||
2003 | Kosta Rika U17 | 3 | (0) |
2008– | Kosta Rika | 93 | (0) |
*Ndeshjet dhe golat me klubet llogariten vetëm për ligën vendase – redaktuar më 13 janar 2019 ‡ Ndeshjet dhe golat me ekipin kombëtar të redaktuar më 30 tetor 2016 |
Pasi filloi karrierën te Saprissa, ai kaloi te Albacete, dhe më pas te Levante në La Liga. Navas u transferua te Real Madrid në vitin 2014 për 10 milion €
Navas ka luajtur më shumë se 60 ndeshje me Kosta Rikën që nga koha kur bëri debutimin e tij në vitin 2008. Ai e ka përfaqsuar vendin e tij në dy edicione të CONCACAF Kupës Gold dhe në Kupën e Botës 2014, ku bëri performanca impresionuese duke ndihmuar skuadrën e tij të arrinte deri në çerek–finale të turnamentit.
Lindur në San Isidro de El General, Navas bëri debutimin e tij si profesionist me Deportivo Saprissa më 6 nëntor 2005, në një ndeshje të ligës kundër Asociación Deportiva Carmelita. Ai ishte portieri titullar në dy sezonet e fundit me klubit, duke fituar shtatë tituj, përfshirë gjashtë kampionate kombëtare.
Në korrik 2010, Navas firmosi me Albacete Balompié e Segunda División në Spanjë ekzaktësisht 20 vite pas bashkëkombasi i tij Luis Gabelo Conejo u transferua në këtë klub, i cili gjithashtu luante si portier. Ai luajti 36 ndeshje nga 42 në sezonin e tij të parë, por skuadra e tij ra nga liga pasi e përfundoi sezonin në vendin e fundit.
Në sezonin 2011–12, Navas arriti La Ligan, duke u huazuar te Levante për një sezon. Ai bëri debutimin e tij me klubin më 13 maj 2012 në ndeshjen e javës së fundit ku Levante mposhti me rezultatin 3–0 Athletic Bilbao duke u kaulifikuar për herë të parë në histori në Ligën e Evropës, dhe më pas u bashkua me klubin valencian duke firmosur një kontratë tre vjeçare në korrik të atij viti. Pavarësisht se klubi bleu portieri uruguajian Gustavo Munúa, Navas ishte portieri i parë i skuadrës për sezonin 2013–14.
Më 3 gusht 2014, Real Madrid pagoi klauzolën prej 10 milion € për kartonin e Navas, i cili firmosi me klubin një kontratë gjashtë vjeçare. Në intervistën e tij, Navas tha se ai do të punoj shumë për të luajtur si titullar. Ndeshja e tij e parë ishte më 12 gusht, ku ai u ul në stol me Iker Casillas që luajti si titullar në ndeshjen e 2014 UEFA Super Kupës, me Realin që fitoi ndeshjen me rezultatin 2–0 kundër Seviljes në stadiumin Cardiff City.
Navas ka qënë pjesë e skuadrës Kosta Rikane U–17 që luajti në 2003 Kampionatin Botëror U–17 që u mbajt në Finland. Ai u thirr për herë të parë në kombëtaren e parë të Kosta Rikës në gusht 2006, për të luajtur në një turnament miqësor në Europë kundër Austrisë dhe Zvicrës, por ai luajti ndeshjen e parë me kombëtaren dy vite më vonë.
Navas u paraqit me Los Ticos në dy edicione të CONCACAF Kupës Gold, duke u emërua portieri më i mirë i turnamentit në edicionin e vitit 2009, ku Kosta Rika arriti deri në gjysmë–finale. Ai bëri debutimin e tij në Kupën e Botës më 14 qershor 2014, në fitoren 3–1 kundër Uruguajit në ndeshjen e parë të grupit në Fortaleza, dhe pësoi vetëm një gol në tre ndeshjet e grupit me Kosta Rikën e cila u kualifikua për në fazën me eleminim direkt si fituesja e grupit.
Më 29 qershor, në ndeshjen e raundit të 16 kundër Greqisë, Navas u shpall lojtari i ndeshjes pas disa pritjeve në kohën e rregullt dhe pasi priti penalltinë e Theofanis Gekas në gjuajtjet e penalltive duke bërë që Kosta Rika të arrij për herë të parë në histori në çerek–finale. Ai e përfundoi turnamentin me tre ndeshje pa pësuar Gol nga pesë që luajti, me Kosta Rikën që u eleminua nga Hollanda në çerek–finale nga gjuajtjet e penalltive, ku ai u emërua lojtari i ndeshjes për herë të tretë në këtë turnament. Ai ishte gjithashtu një nga tre kanditatët për të fituar Çmimin Doreza e Artë, por ai humbi pasi ky çmim i fitua nga Manuel Neuer i Gjermanisë.
Navas është i Krishterë. Ai foli për besimin e tij duke thënë, "Zoti vjen i pari për mua. Përpara çdo ndeshje, unë ulem në gjunjë, hap krahët dhe lutem ... Paragrafi im i preferuar te Bibla është Galatians 1:10 që thotë: "Nëse unë do të përpiqesha ende për të kënaqur një njeri, unë nuk do të isha shërbëtor i Krishtit.
Wiki Commons has media related to Keylor Navas. |
This article uses material from the Wikipedia Shqip article Keylor Navas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.