Islam Spahia i njohur popullorshe si Baba Lami (Kolesjan, 1833/8 - 1928) ka qenë pleqnar kanunor dhe prijës fisnor i krahinës së Lumës.
U lind në Kolesjan të Lumës, në një familje me pesë vëllezër të tjerë, i biri i Tahirit. Nisi punë si shegert çobani tek punëdhënësi i të atit.
Kuvende të mëdha do t'i mbante në Kullën e Shehlerëve në Ceren, nepër kullat e fshatit Fshat e Kalis e deri në Kalanë e Dodës. Për urtësinë e tij njihej në të gjithë krahinen si Baba Lami. Vjeshten e 1893 Sinan Pasha rrethon Prizrenin. Luma me në krye Baba Lamit përballen me Sinan Pashen, përkrah vullnetarëve të Drenices e Gjakoves e e detyrojnë të tërhiqet. I priu malësorët e Lumës në luftimet kundër gjeneralëve turq: Shemsi Pasha (1903-4, 1906), Xhavit Pasha (1909), Shefqet Dërgut Pasha (1910). Ndihmoi për hapjen e shkollës së parë shqipe nga i biri (Riza Spahia, që shërbeu si mësues) në Kolesjan me 1911. Islam Spahiu u priu malësorëve të Lumës në luftimet kundër gjeneralëve turq: Shemsi Pasha (1903-4, 1906), Xhavit Pasha (1909), Shefqet Turgut Pasha (1910), si dhe kundër agresorëve serbë në nëntor 1912. Me 22 shtator 1913 u ngrit flamuri në Dibër, ku Baba Lami ishte i pranishëm. Me ardhjen e Princit Vid, Baba e përkrahu, e kur Esat Toptani kerkon që t'i japë hua ndikimin që kishte në ato malësi, i kthehet "S’blehet shqiptari me flori or pezdeveng". Ftohet në Kongresin e Lushnjës për të përfaqësuar Lumën, ku nuk mundet të shkojë sepse me çetat e Hasit, Lumës e Sllovës u shkon në ndihmë vëllezërve kosovarë që ishin në kryengritje qysh në prillin e vitit 1919. Vdiq në vitin 1928.
This article uses material from the Wikipedia Shqip article Islam Spahia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.