Inxhinieria e informacionit është disiplinë inxhinierike që merret me gjenerimin, shpërndarjen, analizën dhe përdorimin e informacionit, të të dhënave dhe njohurive në sisteme.
Kjo fushë studimore është shumë e re pasi që u bë e njohur vetëm nga fillimi i shekullit XXI e këtej.
Komponentët e inxhinierisë së informacionit përfshijnë më shumë fusha teorike si mësimi makinerik, inteligjenca artificiale, teoria e kontrollit, përpunimi i sinjalit, teoria e informacionit dhe fusha të aplikuara si vizioni kompjuterik, përpunimi i gjuhës natyrale, bioinformatika, informatika mjekësore e imazheve, kiminformatika, robotika autonome, robotika mobile dhe telekomunikacioni. Shumë prej tyre e kanë origjinën nga shkenca kompjuterike, si dhe degë të tjera të inxhinierisë si inxhinieria kompjuterike, inxhinieria elektrike dhe bioinxhinieria.
Fusha e inxhinierisë së informacionit bazohet shumë në matematikë, veçanërisht në probabilitet, statistikë, llogaritjet, algjebër lineare, optimizim, ekuacione diferenciale, llogaritë variacionale dhe analizat komplekse.
Inxhinierët e informacionit shpesh kanë një diplomë në inxhinierinë e informacionit ose në një fushë të ngjashme dhe shpesh janë pjesë e një organi profesional siç është Institucioni i Inxhinierisë dhe Teknologjisë ose Instituti i Matjes dhe Kontrollit. Ata janë të punësuar në pothuajse të gjitha degët e industrisë për shkak të përdorimit të gjerë të inxhinierisë së informacionit.
Termi inxhinieri e informacionit zakonisht është përdorur për të përcaktuar një metodologji të inxhinierisë së softverit që tani njihet më shpesh si inxhinieri e teknologjisë së informacionit ose metodologjia e inxhinierisë së informacionit. Ajo filloi të zhvillohet në kuptimin e saj aktual në fillim të shekullit XXI.
This article uses material from the Wikipedia Shqip article Inxhinieria e informacionit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.