Hulumtim (përdoret edhe si kërkim apo gjurmim) është puna kreative e ndërmarrë në mënyrë sistematike për të rritur njohuritë, duke përfshirë njohuritë mbi njerëzit, kulturën dhe shoqërinë, dhe përdorimi i kësaj njohurie për të hartuar aplikime të reja .
Hulumtimi përdoret për të krijuar ose konfirmuar faktet, për të riafirmuar rezultatet e një pune të mëparshme, zgjidhjen e problemeve të reja apo ekzistuese, të mbështesë një teorema, apo të zhvillojë një teori të re. Një projekt hulumtues mund të jetë një zgjerim mbi punën e kaluar në atë fushë. Për të testuar vlefshmërinë e instrumenteve, procedurave, apo eksperimenteve, hulumtimi mund të përsërië elementet e projekteve të mëparshme, apo projektin në tërësi. Ka disa forma të hulumtimeve: shkencore, humaniste, artistike, ekonomike, shorërore, në biznes, në marketing, etj.
Hulumtim është përcaktuar në disa mënyra të ndryshme.
Një përkufizim i gjerë i hulumtimit është dhënë nga Martyn Shuttleworth - "Në kuptimin më të gjerë të fjalës, përkufizimi i hulumtimit përfshin çdo mbledhjen e të dhënave, informatave dhe fakteve për avancimin e njohurive" .
Një përkufizim i hulumtimit është dhënë nga Creswell i cili thekson se - "Hulumtimi është një proces i hapave të përdorura për të mbledhur dhe analizuar informata, për të rritur të kuptuarit tonë të një teme apo çështje". Ai përbëhet nga tre hapa: Parashtrimi i pyetjes, mbledhja e të dhënave për t'iu përgjigjur pyetjes, dhe paraqitja e një përgjigje për pyetjen .
Fjalori Online Merriam-Webster e përkufizon hulumtimin në më shumë detaje, si - "një hetim studimor apo ekzaminim; në veçanti: hetimi apo eksperimentim që synon zbulimin dhe interpretimin e fakteve, rishikimin e teorive të pranuara ose të ligjeve nën dritën e fakteve të reja, ose aplikimi praktik i teorive ose ligjeve të reja" .
Hulumtime shkencore është një mënyrë sistematike e mbledhjes së të dhënave dhe të shfrytëzimit të kureshtjes. Ky hulumtimet ofron informata shkencore dhe teori për shpjegimin e natyrës dhe vetitë e botës. Kjo bën të mundur aplikime praktike. Hulumtimi shkencor financohet nga autoritetet publike, nga organizatat bamirëse dhe nga grupet private, duke përfshirë shumë kompani. Hulumtimi shkencor mund të ndahet në klasifikime të ndryshme në bazë të disiplinave të tyre akademike dhe aplikimit. Hulumtimi shkencor është një kriter i përdorur gjerësisht për të gjykuar qëndrimin/pozitën e një institucioni akademik, të tilla si shkollat e biznesit, por disa argumentojnë se vlerësime të tilla janë të pasakta për institucionet, për shkak se cilësia e hulumtimit nuk tregon për cilësinë e mësimdhënies (këto jo domosdoshmërisht duhet të kenë plotësisht lidhje) .
Hulumtime në shkencat humane përfshin metoda të ndryshme të tilla si për shembull hermeneutika dhe semiotika, dhe një më ndryshe, epistemologji më relativiste. Studiuesit e shkencat humane zakonisht nuk kërkojnë për përgjigje përfundimtare të saktë të një pyetjeje, por shqyrtojnë problemet dhe detajet që e rrethojnë atë. Konteksti është gjithmonë i rëndësishëm, dhe konteksti mund të jetë shoqëror, historik, politik, kulturor ose etnik.
Hulumtime artistike shihet gjithashtu si "hulumtime të bazuara në praktikë", mund të marrë formën kur vepra krijuese konsiderohen edhe hulumtimi edhe objektin i vetë hulumtimit. Ajo është organi i dishkutueshëm i mendimit i cili ofron një alternativë për metodat e krejtësisht shkencore në hulumtim të kërkimit të tij për njohuri dhe të vërtetën.
This article uses material from the Wikipedia Shqip article Hulumtimi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.