Hipokrizia (greq.
υποκρισία, shtirje) është veprimi dënues apo thirrje për dënim e një personi tjetër kur qortuesi është fajtor i veprimit për të cilin ai kërkon që i padituri (i akuzuari) të dënohet. Hipokrizia është shtirja e një njeriu që pohon se zotëron cilësi, (virtyte, morale, besime, parime,) mendime apo ndjenja që në të vërtetë nuk i ka.
Një njeri është hipokrit kur veprimet e tij kundërshtojne besimet e brendëshme dhe qëndrimet e pohimeve të tij apo anasjelltas.
Hipokrizia përdor manipulimin e njerëzve të tjerë apo mbajtjen e një figure pozitive të vetvetes tek të tjerët apo për vetveten.
Hipokrizia është veprimi apo gjendja e të pohuarit e të qenurit më i mirë se dikush apo të ketë ndjenja apo besime të cilat një njeri nuk i ka.
Hipokrizia është përshkruar shpesh si mungesë e çiltërsisë (sinqeritetit), dhe një veti që tërheq përbuzje të veçantë në kohët e sotme. Shumë sisteme besimesh i dënojnë sjelljet që lidhen me hipokrizinë.
Në psikologji, sjellja hipokrite lidhet ngushtë me gabimin cilësues themeltar: njerëzit anojnë ti shpjegojnë veprimet e tyre sipas rrethanës në të cilën ndodhen, duke çuar në gjykimin e të tjerëve e ndërkohë në përligjen (justifikimin) e veprimeve të tyre.
Poashtu, disa njerëz në të vërtetë dështojnë të vërejnë se kanë një karakter të sëmurë të cilin pastaj e dënojnë ndër të tjerët. Kjo quhet projeksion psikologjik.
This article uses material from the Wikipedia Shqip article Hipokrizia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.