Hanumshahe Abdullahu-Zymberi

Hanumshahe Abdullahu - Zymberi u lind në vitin 1962 në Gjilan në një familje me traditë patriotike e humanitare.

Hanumshahja rrjedh nga një familje të mahallës së Musajve të Busavatës,e cila kah viti 1890-1900 shpërngulet në Gjilan.

Hanumshahja ishte nxënëse e dalluar e edhe studente e dalluar. Ajo me sukses kreu fakultetin Filozofik- Dega e gjuhës dhe letërsisë shqipe. Në shkollën fillore “Rexhep Elamzi” punoi si arsimtare e pastaj edhe drejtoreshë e kësaj shkolle në Gjilan.

Si studente e Universitetit të Prishtinës, aktivizohet në Lëvizjen studentore kosovare për të kërkuar më shumë liri dhe të drejta për shqiptarët. Hanumshaja u dallua edhe në Aksionin e Pajtimit të Gjaqeve.

Me bashkëshortin e sajë prof. Tefik Zymberin nga Vërbica e Zhegocit në pranverë të 1999 , u bashkohen radhëve të Ushtrisë Çlirimtare të Kosovës-Zonës së Karadakut.

Më 15 prill 1999, duke kryer një detyrë të Shtabit Operativ të Zonës së Karadakut, vriten në Malet e Zhegocit nga forcat policore e ushtarake serbe, të cilat e kishin rrethuar Zhegocin e Vërbicën.

Ky artikull në lidhje me një biografi individi është i cunguar. Ju mund të ndihmoni Wikipedian duke e zgjeruar atë.