Haki Sharofi (Dibër e Madhe, 10 ose 22 prill 1894 - Tiranë, 1977) ka qenë arsimtar, alim, drejtor i Komunitetit Mysliman Shqiptar, hartues tekstesh shkollore, publicist, studjues i shkencave diturore islame si dhe i letërsisë së bejtexhinjve.
Më 1993 u nderua me titullin "Mësues i Popullit".
Haki Sharofi |
---|
U lind në vitin 1894 në shehrin e Dibrës, më 1904 kreu mësimet fillore në mejtepin e xhamisë së re në vendlindje dhe më tej po aty ndoqi dhe kreu ruzhdien (plotoren) ku ishte drejtor Abdyl efendi Balliu, më pas të mesmen tek "Darul-Mualim" (shq. shkolla e mësuesve, pedagogjike) po në vendlindje si dhe në Normalen e Elbasanit.
Më 1912 u emërua mësues në Gjyras të Manastirit dhe më 1913 në Manuretal, Peshkopia (1914), ku ai ishte mësuesi i parë në Trojak dhe Slovë të Dibrës (1916 dhe 1920), në internatin e Kastriotit (1923), në Krumë (1928), në Vlorë (1929). Në vitet 1930 u vendos në Tiranë, ku u bë drejtor i medreses dhe drejtor i revistës Zani i Naltë, organ i Komunitetit Mysliman Shqiptar që drejtoi nga viti 1930 deri në vitin 1939. Ai gjithashtu punon në Kulturën e Islamit. Është autor i poezive dhe i shumë librave e teksteve shkollore me përmbajtje fetare. Në vitet e fundit të jetës së tij bashkëpunoi me Arkivin Qendror të Shtetit dhe Arkivin e Institutit të Historisë, duke dhënë kontribute të çmuara në përkthimin e dokumenteve historike nga arabishtja, turqishtja dhe persishtja.
This article uses material from the Wikipedia Shqip article Haki Sharofi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.