George Pușcaș: Futbollist rumun
George Alexandru Pușcaș (lindur më 8 prill 1996) është një futbollist profesionist rumun i cili luan si sulmues për klubin anglez Reading dhe kombëtaren rumune.
| Të dhënat vetjake | |||
|---|---|---|---|
| Emri i plotë | George Alexandru Pușcaș | ||
| Datëlindja | 8 prill 1996 | ||
| Vendlindja | Marghita, Rumani | ||
| Gjatësia | 1.88 m (6 ft 2 in) | ||
| Pozicioni | Sulmues | ||
| Të dhënat e klubit | |||
Klubi aktual | Reading | ||
| Numri | 47 | ||
| Karriera me të rinjtë | |||
| 2008–2012 | Liberty Oradea | ||
| 2013–2014 | Internazionale | ||
| Karriera me klube* | |||
| Vitet | Klubi | Ndeshje | (Golat) |
| 2012–2013 | Liberty Oradea | 0 | (0) |
| 2012–2013 | → Bihor Oradea (huazim) | 13 | (2) |
| 2013–2018 | Internazionale | 4 | (0) |
| 2015–2016 | → Bari (huazim) | 17 | (5) |
| 2016–2018 | → Benevento (huazim) | 32 | (8) |
| 2018 | → Novara (huazim) | 19 | (10) |
| 2018–2019 | Palermo | 33 | (10) |
| 2019– | Reading | 12 | (3) |
| Karriera ndërkombëtare‡ | |||
| 2011–2012 | Rumania U–17 | 5 | (0) |
| 2014– | Rumania U–19 | 5 | (3) |
| 2014– | Rumania U–21 | 3 | (2) |
| *Ndeshjet dhe golat me klubet llogariten vetëm për ligën vendase ‡ Ndeshjet dhe golat me ekipin kombëtar të redaktuar më 3 nëntor 2014 | |||
Karriera me klube
Internazionale
Pușcaș bëri debutimin e tij zyrtar me Interin më 1 shkurt 2015 duke luajtur në minutat e fundit të humbjes 3–1 ndaj Sassuolo në javën e 21të të Serie A. Njëzet e pesë ditë më vonë, ai debutoi edhe në UEFA Ligën e Evropës në një ndeshje të fituar 1–0 kundër Celtic duke zëvëndësuar Rodrigo Palacion në minutën e 89të. Pușcaș luajti ndeshjen e tij të parë si titullar për Zikaltrit në barazimin 1–1 në shtëpi ndaj Parmës në kampionat; ai u zëvëndësua në fillim të pjesës së dytë nga Mateo Kovačić.
Huazimi te Bari
Më 4 gusht 2015, Pușcaș, sëbashku me shokun e skuadrës Gaston Camara, u huazua te Bari në Serie B për sezonin 2015–16. Ai debutoi me ekipin pesë ditë më vonë në ndeshjen e raundit të dytë të Coppa Italias kundër Foggias, duke zëvëndësuar Anthony Partipilo në minutën e 60të. Ndeshja e tij e parë në Serie B erdhi më 22 shtator në disfatën 4–1 ndaj Crotones në transfertë ku ai luajti 57 minuta. Më 1 mars 2016, Pușcaș shënoi në dopietë në fitoren 4–0 kundër Ternanës, duke regjistruar golat e parë me klubin. Ai e mbylli sezoin e tij me Barin me 18 ndeshje, 5 gola dhe asist.
Huazimi te Benevento
Më 15 korrik 2016, Pușcaș vazhdoi qëndrimin e tij në Serie B, këtë herë duke u huazuar te Benevento në një marrëveshje dy-vjeçare. Ai debutoi më 7 gusht në ndeshjen e raundit të dytë të Coppa Italias kundër Salernitanës; ndeshja dhe koha e rregullt u mbyll në barazim pa gola, por në gjuajtjet e penalltive, Benevento u mposht 4–2. Më 27 gusht, Pușcaș e nisi kampionatin me një gol në fitoren 2–0 në shtëpi ndaj SPAL-it, duke shënuar tetë minuta pasi hyri në fushë në minutën e 71të në vend të Fabio Ceravolo. Më 19 nëntor, ai shënoi golin e dytë të sezonit në suksesin 4–0 kundër Brescias; ai shënoi sërisht pasi ishte aktivizuar si zëvëndësues. Në qershor 2017, Pușcaș shënoi golin që i siguroi Beneventos ngjitjen në Serie A për herë të parë në histori.
Pușcaș e nisi sezonin e tij të dytë me Beneventon duke luajtur 80 minuta në disfatën 4–0 kundër Perugias në ndeshjen e vlefshme për raundin e tretë të Coppa Italias. Më 20 gusht, ai zhvilloi ndeshjen e parë në Serie A për Beneventon në humbjen 2–1 në transfertë ndaj Sampdorias. Më 3 dhjetor, Pușcaș shënoi golin e tij të parë në Serie A në barazimin 2–2 kundër Milanit, duke ndihmuar Beneventon të fitonte pikën e tyre të parë në elitën e futbollit italian. Në janar 2018, ai u rithirr nga Interi, duke bërë që aventura e tij me Beneventon të mbyllej me 34 ndeshje dhe 8 gola.
Huazimi te Novara
Më 29 janar 2018, Pușcaș u dërgua në huazim sërisht, këtë herë duke u rikthyer në Serie A te Novara. Debutimi i tij zyrtar erdhi pesë ditë më vonë në humbjen 2–1 në shtëpi ndaj Ascoli, duke shënuar golin e vetëm të ekipit të tij. Një javë më vonë, në ndeshjen e tij të dytë, Pușcaș shënoi tregolëshin e parë në karrierë duke i dhënë Novarës fitoren 3–1 në transfertë kundër Cittadellës.
Palermo
Më 8 gusht 2018, Pușcaș u bashkua me Palermon në një marrëveshje katër-vjeçare. Ky transferim u raportua se kushtonte rreth 3.25 milion € plus bonuse. Më 3 nëntor, ai regjistroi golin e parë për ekipin siçilian në triumfin 2–1 kundër Cosenzës; goli i tij, i shënuar në minutën e 90të, ishte goli i fitores. Në përfundim të sezonit, pasi Palermo u rrëzua në Serie D, Inter ushtroi të drejtën e riblerjes për sulmuesin rumun.
Reading
Më 7 gusht 2019, Pușcaș firmosi një kontratë pesë-vjeçare me Reading për 8 milion € plus 2 milion € në bonuse, duke u bërë blerja më e shtrenjtë në historinë e klubit. Ai shënoi golin e parë për Reading në një ndeshje të Kupës EFL kundër Wycombe Wanderers më 13 gusht; ndeshja shkoi në gjuajtjet e penalltive, ku ai shënoi në gjuajtjen e tij, duke ndihmuar Reading të fitojë. Pesë ditë më vonë, ai shënoi dy gola në debutimin e tij në shtëpi kundër Cardiff City.
Karriera ndërkombëtare
Pușcaș shënoi shtatë gola me Rumaninë U21 në kualifikueset e Kampionatit Evropian nën-21 të Futbollit, duke ndihmuar ekipin e tij të fitonte grupin dhe të siguronte një biletë në finalet e turnamentit në Itali. Më 19 qershor 2019, ai fitoi një penallti të cilën e shënoi vetë në fitoren 4–1 kundër Kroacisë në San Marino Stadium. Ai shënoi sërisht në ndeshjen e rradhës të Grupit C kundër Anglisë, duke parakaluar Ionuț Luțun si golashënuesi më i mirë në historinë e Tricolorii mici.
Referime
This article uses material from the Wikipedia Shqip article George Pușcaș, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.