Elvis Sina (lindur më 14 nëntor 1978) është një ish futbollstë shqiptar i cili e ka shpenzuar shumicën e karrierës së tij duke luajtur për klubin kryeqytetas KF Tirana në Kategorinë Superiore.
Gjithashtu, Sina ka qënë pjestar i kombëtares shqiptare nga viti 2002 e deri në vitin 2005. Sina e ka shpenzuar shumicën e karrerës te KF Tirana, ku ka luajtur gjatë periudhave 1999–2006, 2007–2008 dhe nga viti 2009 e deri tani.
Elvis Sina në aksion. | |||
Të dhënat vetjake | |||
---|---|---|---|
Emri i plotë | Elvis Sina | ||
Datëlindja | 14 nëntor 1978 | ||
Vendlindja | Tirana, Shqipëria | ||
Gjatësia | 1.67 m (5 ft 6 in) | ||
Pozicioni | Mbrojtës | ||
Karriera me klube* | |||
Vitet | Klubi | Ndeshje | (Golat) |
1999–2006 | KF Tirana | 288 | (8) |
2006–2007 | KF Elbasani | 25 | (1) |
2007–2008 | KF Tirana | 24 | (0) |
2008–2009 | Dinamo Tirana | 30 | (0) |
2009–2014 | KF Tirana | 107 | (0) |
Karriera ndërkombëtare‡ | |||
2002–2005 | Shqipëria | 5 | (0) |
*Ndeshjet dhe golat me klubet llogariten vetëm për ligën vendase – redaktuar më 25 dhjetor 2014 ‡ Ndeshjet dhe golat me ekipin kombëtar të redaktuar më 25 dhjetor 2014 |
Sina e filloi karrerën e tij në vitin 1999 te KF Tirana, dhe që në moshën 19 vjeçare u bë lojtar i skuadrë së parë, që nga ajo kohë, Sina ka ndihmuar skuadrën e tij të fitoje 6 herë Superligën Shqiptare, 4 herë Kupën e Shqipërisë dhe 5 herë Superkupën e Shqipërisë përpara se të largohej nga skuadra në vitin 2006 për tu transferuar te KF Elbasani. Ai luajti vetëm 1 sezon me Elbasanin përpara se të rikthehej sërisht te Tirana në sezonin 2007–08. Ai sërisht luajti 1 sezon me Tiranën për tu transferuar tek rivalët e KS Dinamo Tirana në verën e vitin 2008, ai luajti vetëm në sezonin 2008–09 dhe arriti të fitojë Superkupën e Shqipërisë përpara se të rikthehej edhe njëherë tek KF Tirana në vitin 2009. Që nga ajo kohë, ai ka arritur të fitojë Kupën e Shqipërisë dhe Superkupën e Shqipërisë, të dyja në vitin 2011. Më 8 prill 2014, Sina lajmëroi se në fund të sezonit 2013–14 do të tërhiqet nga futbolli.
Sina bëri debutimin e tij me kombëtaren në barazimin 1–1 kundër Zvicrës më 12 tetor 2002, ai hyri në fushë si zëvëndësim në minutën e 89 në vend të Ervin Fakajt. Paraqitja e tij e dytë kombëtare erdhi katër ditë më vonë në ndeshjen kundër Rusisë në Volgograd, Sina edhe këtë herë hyri si zëvëndësim por në minutën e 60, ai zëvëndësoi Fatmir Vatën ku ndeshja ishte me rezultatin 4–1 për Rusinë. Prania e Sinës në fushë e ndihmoi Shqipërinë që të mos pësonte edhe golin e pestë. Mbrojtësi luajti ndeshjen e tij të tretë me kombëtaren më 29 maj 2005 në një ndeshje miqësore kundër Polonisë. Ishte ndeshja e tij e parë nën urdhërat e trajnerit të ri Hans-Peter Briegel. Ai hyri në fushën e lojës në minutën e 78 për të zëvëndësuar mesfushorin Klodian Duro Ndeshja tjetër kombëtare e Sinës do të vinte në kualifikueset e Kupës së Botës 2006 kundër Danimarkës më 8 qershor 2005. Si të gjithë ndeshjet e tjera, Sina hyri si zëvëndësim në minutën e 92 në vend të mesfushorit Redi Jupi. Ndeshja e fundit kombëtare e Sinës do të vinte më 17 gusht 2005 në një ndeshje miqësore në Tiranë kundër Azerbajxhanit. Ndryshe nga herët e tjera, kjo ishte ndeshja e parë e tij si titullar , ai gjithashtu fitoi për herë të parë një ndeshje me kombëtaren. Ai e filloi ndeshjen në mesfushë dhe u zëvëndësua në minutën e 90 me kosovarin Armend Dallku pas një ndeshje fantastike.
This article uses material from the Wikipedia Shqip article Elvis Sina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.