Dymali (greqisht Ερεικούσσα/Erikusa, italisht Merlera) është një ishull grek në detin Jon pranë Korfuzit.
Ka më pak se 500 banorë (2011) dhe një sipërfaqe prej 3,7 km².
Erikusa është emri grek për ishullin. Në shqip quhet Dymal se nga Himara duken dy majat kodrinore të ishullit: Gritsiatika dhe Nikolaitika.
Dymali ndodhet në detin Jon, përballë Himarës dhe në veriperëndim të Korfuzit. Ndodhet 14 milje detare larg nga bregu i Himarës. Rreth 6,6 milje detare në perëndim të Dymalit ndodhet ishulli i Strakënasë.
Dymali ka dy plazhe: plazhin Porto te porti dhe plazhin ranor Bragjini në skajin lindor. Emri i këtij plazhi lidhet me fisin Bragjinaj që mërguan në Dymal nga Qeparoi.
Dymali, bashkë me Strakënanë, gjatë kohës së Perandorisë Osmane shpesh u bënë shtrehë të familjeve të arratisura nga Piluri (pas 1650), Qeparoi dhe Kallarati. Fisi Bragjinaj nga Qeparoi mërgoi drejt Dymalit për shkak të konflikteve ndërfisnore me fshatrat Borsh dhe Kuç.
Lagjet janë: Dendra, Gjitonia, Paliokaliva, Porta, Soukia dhe Tandoulis.
This article uses material from the Wikipedia Shqip article Dymali, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.