Burak Özçivit: Aktor turk

Aktrimi i tij filloi nga viti 2006 në serialin Eski 18, i cili ka luajtur si një policë me emrin Murat. Ai tani është i njohur në serialinë Dashuri e pafund me emrin Kemal. Ai aktualisht po luan si Osman Beu në serinë e bazuar në histori dhe aventura Kuruluş: Osman (2019). Gjatë gjithë karrierës së tij të aktrimit Özçivit ka qenë fitues i vlerësimeve të shumta. Eshte i martuar me aktoren e njohur turke Fahriye Evcen.

Burak Özçivit lindi më 24 dhjetor 1984 në Stamboll, Turqi, i biri i Bülent Özçivit dhe Ceyhan Özçivit. Ai ka një motër të quajtur Burçun Özçivit. Ka studiuar në Shkollën e Mesme Kazım İşmen. U diplomua në Universitetin e Marmarës, Fakulteti i Arteve të Bukura, Departamenti i Fotografisë.

Në vitin 2003, Özçivit u zgjodh Top Model i Turqisë dhe ai filloi të punojë me Agjencitë e Modelëve. Në vitin 2005, ai u zgjodh modeli i dytë më i mirë në botë. Karriera e aktrimit e Özçivit filloi me serinë televizive Eksi 18 më 2006. Më vonë ai luajti në serialet Zoraki Koca, İhanet dhe Baba Ocağı. Ai u shfaq në filmin Musallat dhe serinë televizive Küçük Sırlar, përshtatje turke e Gossip Girl.

Ai luajti në Sulejmani i Madhërishëm si Malkoçoğlu Balı Bey. Më pas luajti si Kamran në Çalıkuşu, bazuar në romanin me të njëjtin emër me Fahriye Evcen. Së bashku me Evcen, ai bëri filmin Aşk Sana Benzer dhe më vonë luajti në filmin Kardeşim Benim së bashku me Murat Boz. Në vitin 2015 ai luajti në serialin dramë turk Dashuri e pafund si Kemal Sojdere.

Në vitin 2018, ai fitoi çmimin "Aktori më i admiruar i vitit 2018" duke luajtur në filmin Can Feda me Kerem Bürsin.

Özçivit është gjithashtu një producent i BRK'S Production.

Sezoni i parë i serisë televizive Kuruluş: Osman, me protagonist Özçivit, u shfaq me sukses të madh në Turqi më 20 nëntor 2019. Seriali tregon historinë e Osman Beut, djalit dhe pasardhësit të dinastisë osmane, Ertuğrul, heroit të serialit të famshëm televiziv Diriliş Ertuğrul. Aktualisht, sezoni i dytë po transmetohet në Turqi me sukses të madh. Seriali, i cili u vlerësua i denjë për 10 çmime, 3 prej të cilëve ishte aktori më i mirë Burak Özçivit, u ble nga 35 vende, përfshirë Pakistani, Shqipëria dhe Tunizia.

Özçivit banon në Istinye, Sarıyer, Istanbul. Ai u fejua me Fahriye Evcen më 9 mars 2017 në Gjermani, dhe u martuan në Stamboll më 29 qershor 2017. Djali i tyre, i quajtur Karan, lindi në 13 Prill 2019.