Biblioteka E Qytetit Në Ulqin
Biblioteka e Qytetit – Ulqin, dikur Biblioteka popullore Mirko Sërzentiq, është bibliotekë në Ulqin, Mali i Zi.
Biblioteka është themeluar në vitin 1884 dhe me ndërprerje të shkurtra punon dhe sot. Kohët e fundit është dorëzuar iniciativa për dryshimin e emrit të bibliotekës në Gjon Buzuku ose Hafiz Ali Ulqinaku.
| Biblioteka e Qytetit në Ulqin | |
|---|---|
.svg) | |
| Shteti | Mali i Zi |
| Lloji | Bibliotekë e qytetit |
| Themelimi | 1884 |
| Vendndodhja | Ulqin |
| Drejtori | Ardita Rama |
| Uebfaqja | Faqja zyrtare në facebook |
.svg)
Historia
Fillet e bibliotekarisë publike në Ulqin fillonë më 1884, me hapjen e Sallës së leximit (malazisht: čitaonica), me nismën e qytetarëve ulqinakë. Kjo Sallë e leximit, e hapur atëbotë në shtëpinë e Dushan Hajdukoviqit, kishte rreth 50 libra. Pesë vjet më vonë, ajo kishte këshillin e vet i cili, pas ndërprerjes së përkohshme të veprimtarisë gjatë luftërave ballkanike, vazhdon punën në vitin 1922 me një fond prej 400 librash. Prej vitit 1927-1937 quhet Salla popullore e leximit, pastaj Salla e leximit e Gajretit, ndërsa prej vitit 1947 punon si bibliotekë popullore e leximi e vendosur në Shtëpinë e Kulturës në Ranë, me një fond prej 3000 librash. Në vitin 1971 biblioteka zhvendoset në një objekt të veçantë, afër Mezgjahut. Në vitin 1984 ndërtohet ndërtesa e re e bibliotekës, e cila është edhe sot, në pjesën e re të qytetit dhe në kuadër të Qendrës për Kulturë.
Struktura
Prej vitit 1984 punon në lokalet e reja të cilat janë rregulluar veçmas për nevojat e bibliotekës. Kjo mundësoi që Biblioteka të organizojë punën në reparte, të cilat janë:
- Reparti i librit për fëmijë (rreth 9000 libra)
- Reparti i librit për të rritur (rreth 24.000 libra)
- Reparti i librit shkencor (rreth 8000 libra)
- Reparti i periodikut
- Reparti i katalogut
- Reparti i fondit të vendlindjes
Pranë bibliotekës punojnë edhe dy salla të leximit, salla për fëmijë me 20 vende dhe salla për të rritur me 50 vende. Biblioteka është organizator i shumë manifestimeve kulturore dhe promovime librash. Fondi i librave është rradhitur sipas sistemit KUD, në të cilin ekzistojnë rreth 66.000 libra.
Referime
Lidhje të jashtme
This article uses material from the Wikipedia Shqip article Biblioteka e Qytetit në Ulqin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.