Bajram Kosumi: Politikan kosovar

Ka qenë kryeministër i qeverisë së Kosovës.

Përgatitja profesionale e tij Fakulteti Filologjik, dega e Letërsisë dhe Gjuhës Shqipe Magjistër i shkencave filologjike. U agazhua si gazetar në vitet 1991-1993, gjatë viteve 1994-1996 dhe 2000-2002 ishte kryetar i Partisë Parlamentare të Kosovës. Mori pjesë si anëtar i delegacionit të Kosovës në Konferencën e Rambujesë (1999) pas luftës kreu funksionin e ministrit të informimit në qeverinë e përkoshme të Kosovës gjatë viteve 1999-2000. Që nga themelimi i Partisë AKK ishte nënkryetar i saj. Si antarë i Kryesisë së Kuvendit të Kosovës ishte gjate viteve 2001-2004 dhe nga ky funksion në vitin 2004 zgjidhet ministër i Mjedisit dhe Planifikimit Hapsinor dhe nga aty pas paraburgimit të Kryeministrit të Qeverisë së Kosovës Ramush Hajredinaj emërohet Kryeministër i Qeverisë së Kosovës.

Bajram Kosumi ka bërë disa publikime si "Koncept për subpolitikën", botuar në Prishtinë më 1995, "Fjalor i barbarëve", Prishtinë, 2000, "Koncept për mendimin e ri politik", Prishtinë, 2001 dhe 2004 "Lirika e Fishtës (studim)", i botuar ne Tiranë, më 2004. Po ashtu është bashkautor i publikimeve "Libri i lirisë", Prishtinë, 1991 dhe librit te cenzurar "Letra nga burgu" Prishtinë, 2004.

Bajram Kosumi përpos gjuhës amtare (shqipes) flet edhe serbishten dhe anglishten.

• Libri i lirisë (bashkautor), Prishtinë, 1991
• Koncept për subpolitikën, Prishtinë, 1995
• Fjalor i barbarëve, Prishtinë, 2000
• Koncept për mendimin e ri politik, Prishtinë, 2001
• Letra nga burgu - libri i censuruar (bashkautor), Prishtinë, 2004
• Lirika e Fishtës (studim), Tiranë, 2004
• Letërsia nga burgu, Toena , Tiranë 2006
• Një vit vendimtar, Toena, Tiranë 2006