Ariel Marcus Rosenberg (i lindur më 24 qershor 1978), gjithashtu i njohur si Ariel Pink, është muzikant dhe kantautor amerikan, veprimtaria e të cilit merr shumë nga pop-i i viteve 1970 dhe 1980.
Estetika e tij lo-fi dhe albumet e inçizuara në shtëpi ndikuan në shumë muzikantë indie që nga fundi i viteve 2000. Ai shpesh përmendet si "kumbara" i lëvizjeve hypnagogic pop dhe chillwave, dhe merret si nxitësi i një trendi më të madh që përfshin thirrjen e mediave, tingujve, dhe teknologjive të vjetëruara të dekadave të mëparshme.
Ariel Pink | |
---|---|
Background information | |
Emri i lindjes | Ariel Marcus Rosenberg |
Lindi | 24 qershor 1978 |
Origjina | Los Angeles, California, SHBA |
Zhanret | Lo-fi, hypnagogic pop, rock |
Muzikant, këngëshkrues, producent | |
Instrument(et) | Vokal, kitarë, bass, tastierë |
Vitet aktik | 1996 - prezent |
Labeli | Ballbearings Piñatas, Paw Tracks, UUAR, Human Ear Music, JesusWarhol, Gloriette, Tiny Creatures, Mexican Summer, 4AD |
Website | ariel-pink.com |
Një vendas i Los Angeles, Pink filloi të eksperimentonte me inçizimin e këngëve në pajisjen Portastudio tetë-linjëshe gjatë adoleshencës. Inspirimet e tij të hershme ishin artistët si Michael Jackson, the Cure, dhe R. Stevie Moore. Shumica e inçizimeve të tij burojnë nga një periudhë e bujshme 8 vjeçare (1996–2003) në të cilën ai akumuloi mbi 200 kaseta me material. Praktikisht shumica e muzikës së tij e lansuar në vitet 2000 ishte shkruar dhe inçizuar para vitit 2004, vit në të cilin ai debutoi në kompaninë distributive Paw Tracks të grupit Animal Collective me albumet The Doldrums (2000), House Arrest (2002) dhe Worn Copy (2003). Albumet tërhoqën menjëherë ndjekje kulti.
Në vitet 2000, tingulli i pazakontë i Pink nxiti një diskutim kritik të përtërirë të fenomeneve hauntologjike, në të cilin ai ishte figurë qendrore. Deri në vitin 2004, inçizimet e tij zakonisht janë lansuar me emrin "Ariel Pink's Haunted Graffiti", një solo projekt nganjëherë i bashkuar me grupin e tij për turne. Fama dhe njohja e tij eskaluan pas suksesit të albumit Before Today (2010), i cili ishte albumi i parë i inçizuar në studio profesionale. Që nga ajo kohë, ai ka inçizuar edhe tri albume tjera: Mature Themes (2012), Pom Pom (2014), dhe Dedicated to Bobby Jameson (2017). Pink ka bashkëpunuar me një larmi artistësh të tjerë.
This article uses material from the Wikipedia Shqip article Ariel Pink, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.