Kjo faqe është e palidhur nga faqe të tjera. Ndihmoni që faqet e tjera me temë të ngjashme të lidhen me të. (Data: shtator 2012)

Biografia

Në vitin 1937 mbaron shkollën fillore të Shijakut. Në 1938 regjistrohet dhe fillon shkollën teknike të Tiranës. Me pushtimin fashist Agimi rreshtohet përkrah nxënësve e mësuesëve të tjerë në demosttrata, për të kërkuar armë kundër pushtimit fashist. Në 1942 mbaron shkollën teknike dhe në fillim të vitit 1943 del partizan, ku mori pjesë që në krijimin e Çetës së Dajtit. Mbas luftës krijon një grup të vogël teatral, sipas traditës partizane dhe luanin së bashku në skenën e teatrit katolik (Kino Rinia, ose Kisha Katolike sot). Nga viti 1945 deri në 1947 kryen detyra të ndryshme si n/drejtor i Portit të Durrësit, si shef kuadri në një shoqëri elektrifikimi shqipnon taro-jugosllave, etj. Në 1947 dërgohet për studime në Çekosllovaki në degën e kinematografisë për kino-operator. Në Çekosllovaki vazhdon studimet deri në vitin 1949, kur u kthye në Atdhe dhe emërohet në Ndërmarrjen Kinematografike. Kinoditari i parë i Agim Fortuzit është "1 maj 1949" dhe më pas vijnë një sërë kronikash e dokumentarësh me vlera të mëdha arkivale, historike. Në maj të 1951-shit së bashku me një grup kineastësh u dërguan në BS për specializim, ku qëndruan një vit. Me rastin e 25-vjetorit të Çlirimit të Atdheut në 1969 nderohet me titullin e lartë "Artist i Merituar".