Achraf Hakimi: Futbollist maroken
Achraf Hakimi Mouh (Arabisht: ; lindur më 4 nëntor 1998) është një futbollist profesionist marokien i cili luan si mbrojtës për klubin francez Paris Saint-Germain dhe kombëtaren marokiene.
Përveç rolit të mbrojtësit të djathtë, ai mund të luajë si dhe anësor i avancuar në krahun e majtë.
.jpg) Hakimi me Marokun në FIFA Kupën e Botës 2018 | |||
| Të dhënat vetjake | |||
|---|---|---|---|
| Emri i plotë | Achraf Hakimi Mouh | ||
| Datëlindja | 4 nëntor 1998 | ||
| Vendlindja | Madrid, Spanjë | ||
| Gjatësia | 1.81 m (5 ft 11 in) | ||
| Pozicioni | Mbrojtës, anësor | ||
| Të dhënat e klubit | |||
Klubi aktual | Paris Saint-Germain | ||
| Numri | 2 | ||
| Karriera me të rinjtë | |||
| 2005–2006 | Ofigevi | ||
| 2006–2016 | Real Madrid | ||
| Karriera me klube* | |||
| Vitet | Klubi | Ndeshje | (Golat) |
| 2016–2017 | Real Madrid Castilla | 28 | (1) |
| 2017–2020 | Real Madrid | 9 | (2) |
| 2018–2020 | → Borussia Dortmund (huazim) | 54 | (7) |
| 2020–2021 | Internazionale | 37 | (7) |
| 2021– | Paris Saint-Germain | 20 | (3) |
| Karriera ndërkombëtare‡ | |||
| 2016 | Maroku U20 | 2 | (0) |
| 2016 | Maroku U23 | 2 | (0) |
| 2016– | Maroku | 46 | (7) |
| *Ndeshjet dhe golat me klubet llogariten vetëm për ligën vendase – redaktuar më 11 shkurt 2022 ‡ Ndeshjet dhe golat me ekipin kombëtar të redaktuar më 30 janar 2022 | |||
Jeta e hershme
Hakimi lindi në Madrid të Spanjës nga prindër marokien. Ai u bashkua me akademinë e Real Madridit në vitin 2006 në moshën tetë vjeç nga CD Colonia Ofigevi.
Karriera me klube
Real Madrid
Pasi kaloi nivelet e moshave në La Fábrica, Hakimi u promovua te ekipi i rezervave në qershor 2016. Pak pas kësaj, ai u thirr në ekipin e parë për turin e tyre para-sezonal në Shtetet e Bashkuara.
Hakimi bëri debutimin e tij me Los Blancos në ndeshjen e parë turnamentit veror International Champions Cup 2016, ku Reali u mposht 3–1 nga Paris Saint-Germain. Ai më pas u rikthye te ekipi B, duke bërë debutimin e tij zyrtar më 20 gusht 2016 në fitoren 3–2 në shtëpi ndaj Real Sociedad B në Segunda División B, duke e nisur ndeshjen si titullar.
Hakimi shënoi golin e parë si profesionist më 25 shtator në barazimin 1–1 ndaj CF Fuenlabrada. Ai e mbylli sezonin e tij të parë me 28 ndeshje (26 si titullar dhe 2305 minuta), me Castillan që e mbylli kampionatin në vendin e 11të. Në përfundim të sezonit, ai ishte ende i ri për të luajtur me ekipin e të rinjëve në finalen e Copa del Rey Juvenil 2017.
Më 19 gusht 2017, Hakimi u rikthye në ekipin e parë si një rezervë e Dani Carvajal dhe Nacho, duke marrë fanellën me numrin 19. Ai debutoi zyrtarisht më 1 tetor, duke luajtur si titullar në fitoren 2–0 ndaj RCD Espanyol në La Liga. Goli i tij i parë në La Liga erdhi më 9 dhjetor 2017 në fitoren 5–0 kundër Seviljes. Në Ligën e Kampioneve të sezonit 2017–18, Hakimi luajti dy ndeshje me Real Madridin që fitoi titullin e tretë rresht dhe të 13tin gjithsej. Edhe pse nuk ishte pjesë e ekipit në ndeshjen finale, ai sërisht mori medalen e fituesit dhe u bë marokieni i parë që fiton këtë kompeticion.
Huazimi te Borussia Dortmund
Më 11 korrik 2018, Borussia Dortmund njoftoi transferimin e Hakimit në një huazim dy-vjeçar. Ai shënoi golin e parë me klubin e ri më 27 shtator në fitoren madhore 7–0 kundër 1. FC Nürnberg në Bundesligë. Më 24 tetor, në debutimin e tij në Ligën e Kampioneve me ekipin, Hakimi prodhoi tre asiste për herë të në karrierë në një fitore 4–0 kundër spanjollëve të Atlético Madrid.
Më 2 tetor 2019, Hakimi shënoi dy golat e tij të parë në Ligën e Kampioneve në ndeshjen e fazës së grupeve kundër Slavia Prague. Ai shënoi edhe dy gola të tjerë në fitoren me përmbysje 3–2 ndaj Interit në Westfalenstadion.
Në shkurt 2020, ai vendosi një rekord të ri shpejtësie në Bundesligë kur ai kapi shpejtësinë 36.5 km/h (22.67 mph) në një ndeshje ndaj 1. FC Union Berlin, duke thyer rekordin 36.2 km/h (22.5 mph) që ai kishte vendosur tre muaj më parë në një ndeshje kundër RB Leipzig.
Më 31 maj 2020, Hakimi shënoi në fitoren 6–1 të Dortmundit kundër SC Paderborn. Pasi shënoi golin, ai hoqi fanellën e tij për të zbuluar me bluze me shkrimin "Justice for George Floyd" (Drejtësi për George Floyd), një person me ngjyrë që u vra nga policia një javë më parë. Shoku i tij, Jadon Sancho, shpalosi të njëjtin mesazh pasi shënoi gjithashtu.
Internazionale
Më 2 korrik 2020, Inter njoftoi transferimin e Hakimit në një kontratë pesë-vjeçare, duke paguar një shifër të raportuar prej 40 milion €. Ai bëri debutimin e tij zyrtar më 26 shtator në ndeshjen hapëse të Interit në Serie A kundër Fiorentinës; ai u aktivizua si zëvëndësues në pjesën e dytë dhe asistoi golin e Lukakut, me Interin që fitoi 4–3 në San Siro. Katër ditë më pas, në ndeshjen e tij të parë si titullar, Hakimi asistoi një tjetër gol të Lukakut vetëm 28 sekonda pas fillimit të ndeshjes si dhe shënoi golin e parë me klubin e ri në fund të pjesës së parë, me Interin që regjistroi një fitore 5–2 kundër Beneventos në Stadio Ciro Vigorito.
Karriera ndërkombëtare
Të rinjtë
Pasi luajti me ekipet nën-17 dhe nën-20, Hakimi bëri debutimin e tij me kombëtaren nën-23 më 5 qershor 2016 në fitoren 1–0 në miqësoren ndaj Kamerunit.
Ekipi i parë
Hakimi bëri debutimin e tij me kombëtaren e parë më 11 tetor 2016, duke u aktivizuar si zëvëndësues në vend të Fouad Chafik në fitoren 4–0 kundër Kanadasë. Goli i tij i parë erdhi më 1 shtator 2017 në fitoren tenistike 6–0 kundër Malit.
Në maj 2018, ai ishte pjesë e listës paraprake të Marokut për FIFA Kupën e Botës 2018 në Rusi, kurse më 4 qershor ishte pjesë e listës përfundimtare me 23 lojtarë.
Stili i lojës
Gjatë kohës së tij te Dortmundi, Hakimi u përshkrua si një mbrojtës i shpejtë, dinamik dhe i fortë i cili ishte taktikisht dhe teknikisht i aftë të jepte topa të gjatë të saktë nga mbrojtja. Përveç këtij pozicioni, Hakimi mund të luajë edhe si anësor.
Jeta personale
Hakimi është i martuar me aktoren spanjolle Hiba Abouk; ajo është me origjinë tuniziane dhe libiane. Fëmia i tyre i parë, një djal, lindi në vitin 2020.
Statistikat e karrierës
Klube
- Redaktuar më 1 tetor 2020
| Klubi | Sezoni | Liga | Kupa | Evropa | Tjetër | Gjithsej | ||||||
|---|---|---|---|---|---|---|---|---|---|---|---|---|
| Divizioni | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | ||
| Real Madrid Castilla | 2016–17 | Segunda División B | 28 | 1 | — | — | — | 28 | 1 | |||
| Real Madrid | 2017–18 | La Liga | 9 | 2 | 5 | 0 | 2 | 0 | 1 | 0 | 17 | 2 |
| Borussia Dortmund (huazim) | 2018–19 | Bundesliga | 21 | 2 | 2 | 1 | 5 | 0 | — | 28 | 3 | |
| 2019–20 | 33 | 5 | 3 | 0 | 8 | 4 | 1 | 0 | 45 | 9 | ||
| Gjithsej | 54 | 7 | 5 | 1 | 13 | 4 | 1 | 0 | 73 | 12 | ||
| Internazionale | 2020–21 | Serie A | 2 | 1 | 0 | 0 | 0 | 0 | — | 2 | 1 | |
| Gjithsej karriera | 93 | 11 | 10 | 1 | 15 | 4 | 2 | 0 | 120 | 16 | ||
Kombëtarja
- Redaktuar më 19 nëntor 2019
| Ekipi kombëtar | Viti | Ndsh | Gola |
|---|---|---|---|
| Maroku | 2016 | 1 | 0 |
| 2017 | 5 | 1 | |
| 2018 | 12 | 0 | |
| 2019 | 10 | 1 | |
| Gjithsej | 28 | 2 | |
Golat me kombëtaren
- Redaktuar më 19 nëntor 2019. Rezultatet e Marokut të listuara të parat, kolonat e golave tregojnë rezultatin pas çdo goli të shënuar nga Hakimi.
| Nr. | Data | Vendi | Ndsh | Kundërshtari | Goli | Rezultati | Kompeticioni |
|---|---|---|---|---|---|---|---|
| 1 | 1 shtator 2017 | Prince Moulay Abdellah Stadium, Rabat, Marok | 2 |  Mali | 4–0 | 6–0 | Kualifikueset e FIFA Kupës së Botës 2018 |
| 2 | 19 nëntor 2019 | Stadiumi Prince Louis Rwagasore, Bujumbura, Burundi | 28 |  Burundi | 3–0 | 3–0 | Kualifikueset e Kupës së Kombeve Afrikane 2021 |
Trofe
Klube
- Real Madrid Castilla
.jpg)
- Copa del Rey Juvenil: 2017
- Real Madrid
- UEFA Liga e Kampioneve: 2017–18
- FIFA Kupa e Botës për Klube: 2017
- Borussia Dortmund
- DFL-Supercup: 2019
Personale
- Fillestari i Muajit i Bundesligës: shtator 2018, nëntor 2018
- CAF Lojtari i Ri i Vitit: 2018, 2019
- CAF Ekipi i Vitit: 2019
- Formacioni i Talentëve të UEFA Ligës së Kampioneve: 2019
- Globe Soccer Awards Lojtari më i Mirë i Ri Arab i Vitit: 2019
Referime
Lidhje të jashtme
| Wiki Commons ka materiale multimediale në lidhje me: Achraf Hakimi. |
- Achraf Hakimi Arkivuar 21 shtator 2020 tek Wayback Machine te inter.it
- Achraf Hakimi Arkivuar 15 maj 2020 tek Wayback Machine – Rekordi në kompeticionet e FIFA-s
- Achraf Hakimi – Rekordi në kompeticionet e UEFA-s
- Achraf Hakimi te World Football
- Achraf Hakimi te Football Database
This article uses material from the Wikipedia Shqip article Achraf Hakimi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.