Çmimet Shkencore Kombëtare

Me themelimin e këtyre çmimeve Akademia e Shkencave ka për qëllim të identifikojë e vlerësojë për çdo vit arritjet më cilësore dhe më me ndikim në zhvillimin shoqëror të vendit; të dëshmojë origjinalitetin e punës shkencore dhe nxisë konkurrencën; të zgjerojë rrethin e bashkëpunëtorëve të saj në institucione kërkimore-shkencore dhe nga radhët e kërkuesve të pavarur; të forcojë ndërveprimin midis brezave dhe të rrisë shkëmbimin e përvojave mes tyre. Me çmimet shkencore kombëtare vlerësohen kontributeve shkencore origjinale në shkencat shqiptare dhe për zhvillimin në Shqipëri. Ato janë të ndara në katër kategori: çmimi “Eqrem Çabej”, “Petrit Radovicka”, “Çmimi i karrierës” dhe “Çmimi i studiuesit të ri”. Juria e ngritur për këtë qëllim vlerëson kandidatët dhe shpall e fituesit për vepra monografike, projekte dhe arritje në kërkimin shkencor teknik dhe patenta të regjistruara për një periudhën kohe. Çmimet Shkencore Kombëtare jepen çdo vit. Ata u dhanë për herë të parë në vitin 2017. 

Viti 2016

Per vitin 2016 çmimet u ndanë si më poshtë:

• Çmimi “Eqrem Çabej”, për veprat më cilësore origjinale monografike në shkencat shoqërore dhe albanologjike
  • Pëllumb Xhufi me studimin monografik “Arbërit e Jonit, Vlora, Delvina e Janina në shekujt XV-XVII”
• Çmimi “Petrit Radovicka”, për veprat, projektet apo patentat e regjistruara më të rëndësishme në shkencat natyrore dhe teknike
  • Niko Pano me studimin “Pasuritë ujore të Shqipërisë”
• Çmimi i karrierës akademike, për merita jetësore në të dyja fushat e përmendura e që jepet duke iu referuar vlerësimit retrospektiv të rezultateve në kërkimin akademik-universitar, me rëndësi për shkencën shqiptare dhe jetën e vendit
  • Akademik Idriz Ajeti, Prishtinë, Kosovë
• Çmimi për studiuesin e ri më të suksesshëm, që përzgjidhet prej brezit më të ri të kërkuesve qysh në fillimet e punës së tyre shkencore.
  • Andi Rëmbeci dhe Sokol Çunga me veprën “Katërungjillëshi i dekoruar i Korçës” dhe Rigers Bakiu me punimin “Molecular evaluation”

Viti 2017

Per vitin 2017 çmimet u ndanë si më poshtë:

• Çmimi “Eqrem Çabej”, për veprat më cilësore origjinale monografike në shkencat shoqërore dhe albanologjike
  • Kolec Topalli, për fjalorin etimologjik të shqipes
• Çmimi “Petrit Radovicka”, për veprat, projektet apo patentat e regjistruara më të rëndësishme në shkencat natyrore dhe teknike
  • Nazim Gruda dhe Andrea Shundi për veprën Hortikultura: vështrim enciklopedik
• Çmimi i karrierës akademike, për merita jetësore në të dyja fushat e përmendura e që jepet duke iu referuar vlerësimit retrospektiv të rezultateve në kërkimin akademik-universitar, me rëndësi për shkencën shqiptare dhe jetën e vendit
  • Ismail Kadare
• Çmimi për studiuesin e ri më të suksesshëm, që përzgjidhet prej brezit më të ri të kërkuesve qysh në fillimet e punës së tyre shkencore.
  • Studiuesve rusë Aleksandër Novik, Denis Ermolin, Maria Morozova, Aleksandra Dugushina, Julia Buçatskaja për veprën "Ekspedita e detit Azov, gjuha e shqiptarëve të Ukrainës".