Sahwira
Shoko rokuti sahwira (family-recognized best friend) rinoreva shamwari yepedyo-pedyo yepamoyo yaunokurukura nayo zvakadzika-dzika zvoupenyu hwako.
iyi ishamwari inozivikanwa kumhuri kuti ndiyo shamwari yepedyo.
Mabasa aSahwira
- Sahwira ndiye anodanwa kuzopinda muguva newe musi wekunzi wafa uye ndiye waunodana kuzopinda muguva nemwana wako musi wekunzi mwana afa.
- Sahwira munhu wokuti anoita mutamba-pakati kana paine zvanetsa mumusha kuti ave anoyananisa. Musi wokuti wanetsana nemwana kana numudzimai zvokutadza: kuwirirana; kunzwanana kana kudzorana, sahirwa anokwanisa kuudzwa kuti auye aenzanise nokuyananisa.
- Sahwira anokwanisa zvakare kushanda semupi weamazano nokuti ishamwari yepamoyo.
- Sahwira anokwanisazve kudanwa kuzobata basa rokuva munyayi pakuroora kwemanakomana wako.
- Muimbi Oliver Mtukudzi akaimba rwiyo rwunoti zvamunoona husahwira hunokunda hukama.
Mitauro yeBantu
- Kinande vanoti obwira (n. friendship, intimacy) kureva hushamwari.
- VaYao vanoti mbilo (n. a friend who performs burial rites) vachireva sahwira.
- VaLomwe vanoti saweera, sawiira kana yaweera (n. duty).
This article uses material from the Wikipedia chiShona article Sahwira, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki chiShona (DUHOCTRUNGQUOC.VN) is an independent company and has no affiliation with Wiki Foundation.