Vivien Leigh
Nissoonuáiviroolâ Oscar já Golden GlobeA Streetcar Named Desire
| Vivien Leigh | |
|---|---|
 | |
| Persovntiäđuh | |
| Šoddâm | skammâmáánu 5. peeivi 1913 |
| Darjeeling, India | |
| Jáámmám | syeinimáánu 8. peeivi 1967 (53-ihásâžžân) Lontoo, Eŋland |
| Karrieer | |
| Aktiivlâžžân | 1933–1967 |
| Merhâšittee roolah | Scarlett O'Hara (Gone with the Wind) Blanche DuBois (A Streetcar Named Desire) |
| Palhâšumeh | |
| Nissoonuáiviroolâ Oscar Gone with the Wind | |
| Peerâ | |
| Pelikyeimi | Herbert Leigh Holman (1932–1940) Laurence Olivier |
| Párnááh | 1 |
| Lasetiäđuh | |
| IMDb-sijđo | IMDb |
Vivien Leigh (algâalgâlâš nommâ Vivian Mary Hartley; 5. skammâmáánu 1913 Darjeeling, India – 8. syeinimáánu 1967 Lontoo, Ovtâstum kunâgâskodde) lâi brittilâš čaittâleijee. Sun vuoitij pyeremuu nissoonuáiviroolâ Oscar-palhâšume kuohtii: Scarlett O'Hara roolâst elleekooveest Gone with the Wind já Blanche DuBois roolâst elleekooveest A Streetcar Named Desire, roolâ mon sun lâi jo čaittâlâm teatterist.
Eellim
Vivian Mary Hartley šoodâi skammâmáánu 5. peeivi 1913, Darjeelingst, Indiast. Ubâ peerâ varrij maasâd Eŋlandân, ko Vivian lâi 6-ihásâš. Nubálovihásâžžân sun juuđij škoovlâ Eŋlandist, Ranskaast, Italiast já Saksaast-uv, já sust šoodâi njyebžilis ranska- já italiakielâ sárnoo. Čaittâlem sun luuvâi Lontoost, Royal Academy of Dramatic Artist.
Vivien Leigh naajâi Herbert Leigh Holmanáin ive 1932, já suoi láin oovtâst iivij 1932–1940. Sunnui šoodâi ohtâ pärni, Suzanne Holman (š. 1933). Vivien keevtij suu vuosmuu pelikyeimi koskânoomâ Leigh ubâ karrieer ääigi. Ive 1940 sun naajâi Laurence Olivieráin, mutâ forgâ Vivien mielâtiervâsvuotâ suáibuškuođij, ko sun puáccái kyevtsundásii mielâtilehemâdâsân. Suoi iäránáin ive 1960. Vivien Leigh jaamij 53-ihásâžžân tuberkulosân.
Karrieer
Vivien Leigh algâttij karrieeris teatterist 1930-lovvoost. Debyytroolâs Lontoo luovij aln sun raahtij ive 1935. Sust šoodâi pegâlmâs ubâ maailmist ive 1939, ko elleekove Gone with the Wind almostui. Elleekove pyevtitteijee David O. Selznick uusâi uáivipersovn Scarlett O'Hara roolân nissoon paijeel kyehti ive. Sun ij tuhhiittâm roolân tagarijdgin noomâid ko Katharine Hepburn, Tallulah Bankhead, Paulette Goddard já Bette Davis, mutâ talle viijmâg teeivâi Leigh, kii lâi suu mielâst aaibâs tego kirje O'Hara.
Filmografia
| ||
| Gone with the Wind já A Streetcar Named Desire postereh. |
.jpg)
Elleekoveh
| Elleekoveh | |||||
|---|---|---|---|---|---|
| Ihe | Algâalgâlâš nommâ | Roolâ | Huámášutmeh | Käldeeh | |
| 1935 | The Village Square | Rose Venables | noomáin Vivian Leigh | ||
| Gentleman's Agreement | Phil Stanley | noomáin Vivian Leigh | |||
| Look Up and Laugh | Marjorie Belfer | noomáin Vivian Leigh | |||
| Things Are Looking Up | škovlânieidâ | ||||
| 1937 | Fire Over England | Cynthia | |||
| Dark Journey | Madeleine Goddard | ||||
| Storm in a Teacup | Victoria Gow | ||||
| 1938 | A Yank at Oxford | Elsa Craddock | |||
| St. Martin's Lane | Liberty | ||||
| 1939 | Gone with the Wind | Scarlett O'Hara | vuáittám: Oscar, nissoonuáiviroolâ | ||
| 1940 | 21 Days | Wanda | |||
| Waterloo Bridge | Myra | ||||
| 1941 | That Hamilton Woman | Emma Lady Hamilton | |||
| 1945 | Caesar and Cleopatra | Cleopatra | |||
| 1948 | Anna Karenina | Anna Karenina | |||
| 1951 | A Streetcar Named Desire | Blanche DuBois | vuáittám: Oscar, nissoonuáiviroolâ | ||
| 1955 | The Deep Blue Sea | Hester Collyer | |||
| 1961 | The Roman Spring of Mrs. Stone | Karen Stone | |||
| 1965 | Ship of Fools | Mary Treadwell | |||
Kovegalleria
Fáádást eres soojijn
Wiki Commonsist láá koveh teikkâ eres tiätuvuárháh fáádást Vivien Leigh.
Käldeeh
This article uses material from the Wikipedia Anarâškielâ article Vivien Leigh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.