Tavenääpi

Tavenääpi lii Eennâmpállu aksel tavekeeči.

Tot lii Eennâmpáálu tavemus saje (kobdodâh 90 cekkid, 0 miinut já 0 seekunt tavveen). Tavenääpi lii Arktâsâš kuávlust Tave-Jieŋâmeerâst kaskoo morrum- já kidâsjieŋâkuávlu. Jieŋâkuávlu snoorrân já vijđán iveääigi mieldi. Täälvi koskâliegâsvuotâ lii -40 °C já keessiv tot lii 0 °C. Kiiđâst čoohčân Piäiváš páštá ubâ ääigi, mon maŋa skammâ pištá ihepele.

Tavenääpi
Tavenääpi kaskoo Tave-Jieŋâmeerâ
Tavenääpi
Jieŋâ minimilavdâm tavenäävi kuávlust iivij 1979–2007 (tavenääpi = čapis tiälkku).

Tavenääpi sirdâšuvá čiččâm ive ääigi suulân oovce meetterid Eennâmpáálu aksel suáibum tiet.

Arktâsâš näpijieŋâ ucco ko Eennâmpáálu šoŋŋâdâh lieggân. Taan suujâst lii árvustâllum, ete tavenäävi jienah suddeh loppâkeesi jo muádi ihelove keččin.

Tavenäävi väldidem

Näpikuávluh láá lamaš Eennâmpáálu majemuuh väldidum kuávluh. Tavenäävi väldidii esken 1900-lovvoost váiváás luándutile tiet veikkâ toos lijjii viggâm moonnâđ jo neljičyet ihheed. Ive 1909 ovtâstumstaatâlâš Robert Peary vuolgij Ellesmeresuolluu tavekeejist tavenäävi njeigâ. Fáárust lijjii meid 133 pennud já 19 riehâd. Peary lâi irâttâm määđhi jo kuohtii, mutâ taan tove šoŋŋâ lâi hiäivulâš. Cuáŋuimáánu 6. peeivi 1909 Peary já suu mätkiskipáreh pessii tavenáápán. Sij lijjii vuossâmuuh ulmuuh tobbeen.

Elleevalje

Motomin tavenáápán vajâldeh jieŋâkuobžah purrâmuš usâdijnis já harvii tobbeen iälá meid njaalâ. Meerâst lii eenâb eellim ko jieŋâ alne. Rapuellei, maaŋgâi kuolij já merâtäsniraasij lasseen čääsist láá aiccâm nuárjuid-uv. Stuorrâ merânjomâtteijeeh, tego čuárviválláh, láá härvinâš kuállejeijeeh. Tyellittälli almeest uáinojeh kesilodeh, tego čierriheh.

Käldeeh

Tavenääpi 
Jurgâlus
Taat artikkâl teikkâ uási tast lii jurgâlum teikkâ toos láá uccum tiäđuh ereskielâlâš Wikipedia artikkâlist.
Algâalgâlâš artikkâl: fi:Pohjoisnapa

Tags:

EennâmpálluPiäiváš

🔥 Trending searches on Wiki Anarâškielâ:

Cuáŋuimáánu 27.VietnamPäijänne17851910Listo lavluin, moh pessii listo njunošân ive 2020 (Irland)KierinkiPorgemáánu 29.Skammâmáánu 28.NjälmiseksiCuáŋuimáánu 15.Syeinimáánu 27.786Porgemáánu 3.TadžikistanRjazanSkammâmáánu 4.1925Porgemáánu 7.VanuatuKielâtieđâKerry Washington1640Juovlâmáánu 9.Njuhčâmáánu 6.Britney SpearsLeibi (muorâ)Porgemáánu 16.Vyesimáánu 1.1928Listo lavluin, moh pessii listo njunošân ive 2022 (Irland)RyevdiKuovâmáánu 14.Porgemáánu 22.Uđđâivemáánu 30.SiidaAlbert EinsteinMaadâ-Sudan2015Toto CutugnoSämikielah1767Laila MattsonNjuhčâmáánu 30.OKuovâmáánu 16.Slovenia1871Skammâmáánu 21.195520181964SambiaXNjuhčâmáánu 10.19731200New YorkKesimáánu 12.MaliWilliam Shakespeare1951JyelgipálluRoovvâdmáánu 19.OregonListo albumijn, moh pessii listo njunošân ive 2022 (Irland)Elizabeth IIBrysselThe BeatlesUđđâivemáánu 25.🡆 More