Suomâ lippu lii ohtâ Suomâ aalmuglâšsymbolijn.
Lippu lii vielgâd, já tast lii čuovjis ristâ. Kovos vuáđuduvá tave-eennâmlâš ristâliipun. Ovdâskodde tuhhiittij čuovjisristâliipu Suomâ staatâlippun vyesimáánu 28. peeivi 1918, já seenaat nonnij laavâ čuávuváá peeivi.
Nubbe muulsâiähtu liipu ivnen lâi ruopsisfiskislippu. Seenaat lâi iävtuttâm ive aalgâst leijoonliipu staatâlippun. Eero Snellman já Bruno Tuukkanen vuáváin čuovjisristâliipu. Suomâst láá kulmâ čuovjisristâliipu tiijpâ: aalmuglippu ađai táválâš čuovjisristâlippu, njuálguroobdâg staatâlippu já staatâlippu, mast láá kuárvih.
Suomâst láá aainâs-uv čiččâm virgálâš liputtempeivid já 12 vuáhádum liputtempeivid. Juáhhást lii kuittâg vuoigâdvuotâ keessiđ Suomâ liipu lippustáágun ain, ko sun ana tom tárbulâžžân. Staatâ já virgetoimâttuvah ferttejeh keessiđ Suomâ liipu pajas lippustáágun virgálij liputtempeeivij. Táválávt lippu kiässoo lippustáágun tme käävci iđedist, já tom lyeštih vuálus ehidist majemustáá tme 21.
Wiki Commonsist láá koveh teikkâ eres tiätuvuárháh fáádást Suomâ lippu. |
This article uses material from the Wikipedia Anarâškielâ article Suomâ lippu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.