Simone De Beauvoir
Simone de Beauvoir (š.
Simone Lucie Ernestine Marie Bertrand de Beauvoir; 9. uđđâivemáánu 1908 Pariisi, Ranska – 14. cuáŋuimáánu 1986 Pariisi, Ranska) lâi ranskalâš kirječällee, filosof já feminist. Sun lâi ohtâ Ranska eksistentialistfilosofijn oovtâst Albert Camusáin já Jean-Paul Sartrein. Eksistentialistin Beauvoir lâi ton uáivilist, ete ulmuin lii ovdâsvástádâs tast, magarijd merhâšuumijd sij adeleh elimân.
Eellim
Simone de Beauvoir eeči lâi juuriist Georges de Beauvoir já enni lâi Françoise Brasseur. Pärnin sun juuđij katolilii nieidâškoovlâ. Beauvoir meridij jo 15-ihásâžžân, ete sun šodâččij kirječällen. Sun luvâškuođij filosofia Pariisi ollâopâttuvvâst já teeivâi tobbeen Jean-Paul Sartre. Suoi láin avepiäiválii koskâvuođâst, mut suoi iävá naaijâm iäváge aassâm oovtâst. Sunnust iä meidgin lamaš párnááh. Beauvoir čođâlditij totkosijd matematiikist já filosofiast já luuvâi tast maŋa matematiik Institut Catholiquest, kirjálâšvuođâ já kielâid Institut Sainte-Mariest já filosofia Sorbonnest.
Pargo
Simone de Beauvoir tobdosumos kirje lii Le Deuxième Sexe (suomâkielân Toinen sukupuoli, 1949), mii kieđâvuš almai já nisonij koskâsijd suhâpiälálijd iäruid. Beauvoir vaikuttâs feminismân lâi kuávdášlâš 1970-lovo aalgâst, kuás feministlâš lihâstâs nanosmij merhâšitteht.
Käldeeh
This article uses material from the Wikipedia Anarâškielâ article Simone de Beauvoir, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.