Sajehäämi
Sajehäämi lii morfologisâš sujâttemkategoria.
Puoh uuraallijn kielâin láá sajehäämih. Sajehamijguin puáhtá oovdânpyehtiđ sehe kuávdáš (om. aageent, patient) já periferaallijd (om. saje, koskâuámi) kielâopâlijd funktioid teikkâ semantlijd roolâid. Nomináid kullee säniluokah sojeh sajehaamijn, mut meid infinitlijn verbâhaamijn, adverbijn já adpositioin puáhtá leđe tievâslâš teikkâ rájášum sujâttemparadigma.
Sajehäämih anarâškielâst
Anarâškielâst láá oovce sajehäämmid: nominativ, genetiv, akkusativ, illativ, lokativ, komitativ, abessiv, essiv já partitiv.
| Sajehäämi | Ovdâmerkkâ (ol.) | Ovdâmerkkâ (ml.) |
|---|---|---|
| Nominativ | Ákku lii puáris. | Ááhuh láá puáráseh. |
| Genetiv | Puáris ááhu táálu lii muččâd. | Puáris ááhui tááluh láá muččâdeh. |
| Akkusativ | Mun tuubdâm puáris ááhu. | Mun tuubdâm puáris ááhuid. |
| Illativ | Mun adelâm skeeŋkâ puáris áákun. | Mun adelâm skeeŋkâ puáris áhhoid. |
| Lokativ | Puáris ááhust lii mučis táálu. | Puáris ááhuin láá mučis tááluh. |
| Komitativ | Mun moonâm káávpán puáris áhhoin. | Mun moonâm káávpán puáris áhuiguin. |
| Abessiv | Mun moonâm káávpán puáris áhuttáá. | Mun moonâm káávpán puáris áhuittáá. |
| Essiv | Sun kočoduvvoo puáris ákkun. | |
| Partitiv | Siijdâst láá 14 puáris ákkud. | |
Sajehaamij mereh uuraallijn kielâin
Uuraallijn kielâin láá jieškote-uv stuárusiih sajevuáháduvah (3–27).
| Kielâ | Meeri |
|---|---|
| komikielâ | 23 |
| uŋgarkielâ | 17–27 |
| vepsákielâ | 16–18 |
| suomâkielâ | 15 |
| virokielâ | 14 |
| setokielâ | 13 |
| selkupkielâ | 13 |
| udmurtkielâ | 12–21 |
| kärjilkielâ | 12–16 |
| mordvakielah | 12–13 |
| marikielah | 9–10 |
| nuorttâlâškielâ | 9 |
| kieldâsämikielâ | 9 |
| tavehantikielâ | 9 |
| nganasankielâ | 8–9 |
| maadâsämikielâ | 8 |
| juulevsämikielâ | 8 |
| liivikielâ | 8 |
| nuorttâmansikielâ | 8 |
| neeneeckielâ | 7 |
| kamaskielâ | 7 |
| orjâlâškielâ | 6 |
| tavemansikielâ | 6 |
| eeneeckielâ | 6 |
| tavehantikielâ | 3 |
Käldeeh
This article uses material from the Wikipedia Anarâškielâ article Sajehäämi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.