Sámi Grand Prix 2014
Sámi Grand Prix 2014 lâi Sámi Grand Prix -juoigâm- já lávlumkišto, mon Säämi muusikfestivaal -servi ornij Kuovdâkiäinust Taažâ peln lávurduv cuáŋuimáánu 19.
Tot lâi 25. tohe, ko kišto uárnejui. Juoigâmuási vuoitij tavesämmilâš Jörgen Stenberg juáigusáin Nejla, já lávlumuási vuoitij anarâš lávlumjuávkku Aila-duo. Ive 2014 anarâškielâ kullui Sámi Grand Prix -kišto finalist vuossâmuu keerdi, ko Heli Aikio já Jessika Lampi lávloin pitá Naharij kandâ, mut kielâ kullui meid oosij kooskâst, ko Amoc ráppái jieijâs uđđâ pitá.
Nurâldâhskiäru iä almostittám siämmáá ive nuuvtko ovdebij iivij. Esken ive 2016 SGP almostitij ive 2014 já ive 2015 kištoi pittáin ohtâsii nurâldâhskiäru CD-skiärrun. Nurâldâhskiärru siskeeld puoh ive 2014 já 2015 Sámi Grand Prix -kištoi juoigâm- já lávlumoosij uásálistei 32 pittád, moh päddejuvvojii kištoi ääigi.
Juoigâm- já lávlumuásih
Ovdebij iivij náál kištoost lijjii kyehti uási: juoigâmuási já lávlumuási.
Juoigâmuási
Juoigâmuásist lijjii 10 uásálisted. Taam uási vuoitij Jörgen Stenberg, kii uásálistij jo 3. keerdi kiišton. Sun juoigâi päärnis pittáin Nejla. Nubben lâi Marit Kristine Hætta Sara, kii juoigâi ristnieidâs pittáin Mia Alehtta, já kuálmádin lâi Ann Caroline Eira pittáin nieidâstis Aina Cecilie.
Juoigâmuási uásálisteeh
| Staatâ teikkâ eennâm | Uásálistee | Juáigus |
|---|---|---|
 Taažâ | Ann-Karoline Eira | Aina Cecilie |
| Taažâ | Isak NP Eira | Issát Ánte |
| Taažâ | Nils Peder A. Gaup | Beaska-Niillas |
| Taažâ | Mathis A. Oskal | Duollet dálle |
 Suomâ | Nils-Heikki Paltto | Aletta |
| Taažâ | Per Mathis Skum | Mathias |
| Taažâ | Marit Kristine Hætta Sara | Mia Alehtta |
 Ruotâ | Jörgen Stenberg | Nejla |
| Suomâ | Petra Biret Katarina Magga-Vars | Anna Frida |
 Ruoššâ | Valentina Kirillova | Piet djirven |
Lávlumuási
Lávlumuásist lijjii 6 uásálistee. Uási vuoitij lávlumjuávkku Aila-duo anarâškielâg pittáin Naharij kandâ. Nubben lâi Josef Per Buljo pittáin Eallin manná viidásit, já kuálmádin lâi Marit Susanne Utsi pittáin Eatnis.
Lávlumuási uásálisteeh
| Staatâ teikkâ eennâm | Uásálistee | Laavlâ |
|---|---|---|
| Suomâ | Aila-duo | Naharij kandâ |
| Taažâ | Marit Susanne Utsi | Eatnis |
| Taažâ | Josef Per Buljo | Eallin manná viidáset |
| Taažâ | Sunna Maret Gaup Utsi | Dál mun dan dovddan |
| Taažâ | Guovssahas | Gula mu |
| Ruoššâ | Vasiliy Maminov | Moai vuite |
Áillohaš-muusikpalhâšume
Ive 2014 Áillohaš-muusikpalhâšume vuoitij Sofia Jannok.
Käldeeh
This article uses material from the Wikipedia Anarâškielâ article Sámi Grand Prix 2014, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.