Rooma väldikodde (távjá meid antiik Rooma, läättinkielân Imperium Romanum) lâi Rooma kaavpugstaatâst šoddâm vijđes imperium ubâ Koskâmeerâ kuávlust.
Arâdumos meerhah asâmist Rooma kaavpug kuávlust láá pronssipaajeest suullân 1300-lovvoost oKr. Kaavpuglum lâš álgám 700-lovvoost oKr. Rooma šoodâi ihečuođij ääigi Koskâmeerâ pirâstittee väldikodden. Ive 395 väldikodde juáhádâđâi kyevti uásán, Uárji- já Nuorttâ-Rooma väldikodden. Uárji-Rooma kuittâg tuušâi jo ive 476, kuás ton majemuš kiäisár kaartâi luoppâđ vääldist. Nuorttâ-Rooma irâttij vala ovtâstittiđ Rooma väldikode, mut arabij väldikodde pajanij 600-lovvoost kuávlu merhâšitteemus väldikodden. Nuuvttii Nuorttâ-Rooma, mii kočodui meid Bysantin, siäilui ive 1453 räi, kuás turkkiliih väldidii ton uáivikaavpug Konstantinopol.
This article uses material from the Wikipedia Anarâškielâ article Rooma väldikodde, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.