Ovtâstum Staatah

USA) láá vuáđulavâlâš littostaatâ iänááš Tave-Amerik-nannaam koskâuásist. Ovtâstum staatâin láá 50 uásistaatâd. Toi lasseen Ovtâstum staatâin láá Columbia littopirrâdâh (eŋgâlâskielân District of Columbia) já territorioh Karibia- já Kuálhismeerâst. Ässeelovo peeleest Ovtâstum staatah láá maailm kuálmádin stuárráámus eennâm. Ovtâstum staatâi uáivikaavpug lii Washington, D.C..

Amerik ovtâstum staatah United States of America (eŋgâlâskielân)
lippu	vaakun
Staatâhäämi	vuáđulavâlâš littostaatâ
President	Joe Biden
Uáivikaavpug	Washington, D.C.
Eres kaavpugeh	New York (8 622 698 äs.), Los Angeles (3 928 864 äs.), Chicago (2 722 389 äs.)
Vijđodâh	9 826 630 km²
Aalmuglâšlaavlâ	The Star-Spangled Banner

Ovdâhistorjá

Ovdil eurooplij asâiduttem Amerikân, assii meid tááláin Ovtâstum staatâin maaŋgah sierâ algâaalmugeh, kiäid kuhháá kočodii indiaanin. Taah algâässeeh vajâldii Amerikân Aasiast Beringčuálmi peht suulân 20 000–35 000 ihheed tassaaš. Beringčuálmi saajeest lâi talle kuátku, mon mield sij pessii jotteeđ. Maaŋgâ tuhháát ive ääigi algâässeeh vijđánij ubâ Amerik nannaamân. Tave-Amerik nubbe algâaalmug lii inuiiteh, kiäh ääsih tááláá Alaska kuávlust sehe meid Kanadast, já kiäh vajâldii toho váhá maŋeláá.

Euroop sirdokodeh

Christopher Columbus lâi vuosmuš eurooplâš, kii purjâstij Atlant rasta Amerikân ive 1492, já nuuvt euroopliih šoddii tiettiđ uđđâ nanamist. Vuosmuuh sirdokodeh lijjii espanjalij vuáđudem sirdokodeh Pensacolast já Fort Carolinest. Vuosmuu pišteváá sirdokode vuáđudij espanjalâš Pedro Menéndez de Avilés ive 1565 St. Augustinen, Floridan.

Brittiliih irâttii meid vuáđudiđ sirdokuudijd Tave-Amerikân vuosmuu tove jo ive 1585 tast luhostuuhánnáá. Ive 1607 luhostuvvii sij viijmâg, já šoodâi sirdokodde Jamestownist, Virginiast. Tastoo Amerikân varrii ain eenâb já eenâb siirdâliih.

Ovtâstum staatâi jiečânâsvuotâ

Ive 1760 Ovtâstum staatâin lijjii jo 1 500 000 eurooplâžžâd. Eŋland čovgâdij viäruttem. Ive 1773 asâttui tejâlaahâ. Tot suttâdij uđâsässeid já ilâttij ovdánem, mii tuálvui vääldikoomeetmân. Vistig nuuvt kočodum Boston tejâpovdiimijn ive 1773 sirdokodáliih leggistii tuulist luovâsmittum tejâlaastâ meerân.

Syeinimáánu 4. peeivi 1776 Ovtâstum staatah kulluuttii jiečânâsvuođâs, já rijjâvuođâsuáti Britannia vuástá jotkui ain ive 1783 räi.

Ässeeloho

Käldee: Wikidata

Kielah

Ovtâstum staatâin ij lah virgálâš kielâ teikkâ aalmuglâškielâ, mut amerikeŋgâlâskielâ kiävttoo de facto -kiellân. Ton sajan jyehi uásistaatâ uážžu meridiđ jieijâs virgálâš kielâ teikkâ kielâid. Koskâttuvvâi amerikliih savâstâleh eŋgâlâskielâst virgálâžžân kiellân, mut maaŋgâs vuástálisteh jurduu täst.

•   Wiki Commonsist láá koveh teikkâ eres tiätuvuárháh fáádást Ovtâstum staatah.