Monika Fagerholm

Monika Kristina Fagerholm (š.

Monika Fagerholm
Monika Fagerholm
Šoddâm kuovâmáánu 26. peeivi 1961 (ahe 63)
Helsig, Suomâ
Pargo
Áámmát kirječällee
Noomah Monika Kristina Fagerholm
Kielâ ruotâkielâ
Peerâ
Vanhimeh Nils-Erik Fagerholm já Eva Kristina Fagerholm
Pelikyeimi Hilding Nylund

kuovâmáánu 26. peeivi 1961 Helsig, Suomâ) lii suomâruátálâš kirječällee. Sun čáálá jieijâs eenikielân ađai ruotâkielân. Fagerholm kirjeh iä lah val jurgâlum anarâškielân.

Eellim

Monika Kristina Fagerholm šoodâi kuovâmáánu 26. peeivi 1961 Helsigist, Suomâst. Suu eeči lâi diplom-insner Nils-Erik Fagerholm (1928–1995), kii lâi tassaažist professor Helsig teknisâš ollâškoovlâst. Suu enni lâi Rikhardinkatu kirjerááju párnáiuásáduv hovdâ já kirjerájuamanuens Eva Kristina Fagerholm (j.s. Herrgård; 1933–2002). Stuorrâuábbi Pia lâi suulân 2-ihásâš, ko Monika šoodâi. Ton lasseen páárnášpääihist aasâi párnáitipšoo.

Monika šoddâm maŋa peerâ varrij Helsig Puotilan, kost sij assii čujottâsâst Rusthollarinkatu 9. Tobbeen sun rávásmij já juuđij ruotâkielâg škoovlâ. Pajeuáppen sun čaalij ive 1980.

Tast maŋa Fagerholm luvâškuođij psykologia Helsig ollâopâttuvvâst, mut sun ij kuássin valmâštum psykologin. Maŋeláá sun maacâi Helsig ollâopâttâhân, mut talle válduamnâsin lâi kirjálâšvuođâtieđâ. Jo uápui ääigi sun poorgâi Kulosaari kirjeráájust ehidij já meid toimâttij oovtâst ustevijdiskuin tegu Henrika Ringbomáin já Kjell Westöin kirjálâšvuođâloostâid BlåKlo. Fagerholm valmâštui humanistlâš tiettui kandidaatin ive 1987.

Karrieer

Ovdil valmâštume Fagerholm vuolgij ihepiälán Ruotân čäällimškoovlân. Tobbeen sun čäliškuođij jieijâs vuossâmuu nooveelčuágálduv Sham já finnij toos kuástidemsopâmâš. Sham almostui ruotâkielân ive 1987. Kulmâ ive tast maŋa almostui uđđâ ruotâkielâg nooveelčuágáldâh Patricia.

1990-lovvoost

Ko ive 1994 almostui Fagerholm vuossâmuš roomaan Underbara kvinnor vid vatten, te sust šoodâi pegâlmâs kirje áánsust. Čuávuváá ive Fagerholm finnij taan kirjeest sehe Runeberg-palhâšume já Takkâ kirjeest -tubdâstâspalhâšume. Kirje lâi meid iävtukkâssân el. ive 1994 Finlandia-palhâšume uážžon, ive 1995 August-palhâšume uážžon, ive 1996 Aristeion-palhâšume uážžon já ive 1998 International IMPAC Dublin Literary Award uážžon.

FILI mield Underbara kvinnor vid vatten lii jurgâlum käävci kielân. Kirjeest šoodâi elleekove-uv, ko suomâruátálâš elleekovestivrejeijee Claes Olsson stivrij siämmáánommâsii elleekove ive 1998.

Ive 1998 almostui Fagerholm nubbe roomaan Diva, mast sun vuoitij sehe Ruotâ kirjálâšvuođâservi Suomâst -palhâšume já Uusimaa taaiđâtoimâkode taaiđâpalhâšume. Maŋeláá ive 2003 sun finnij kirjijnis Underbara kvinnor vid vattenDiva meid Längmanska kulttuursiäđus -palhâšume.

Ive 1998 Fagerholm finnij meid Pro Artibusist já Tammisaariseervist kuulmâ ive pargostiipeend, mon tiet sun peesâi siämmáá ive juovlâmáánust Tammisaarin aassâđ taaidâr-residensist Villa Snäcksund. Tobbeen Fagerholm uápásmij villa tálualmajân Hilding Nylund. Sunnust šoodáin usteveh, te suoi rähistuin. Suoi naajáin, já Fagerholm paasij kieldân aassâđ.

2000-lovvoost

Čuávuváá roomaan čälimân monnii kuttâ ive. Kyevtiuásásii rááiđu vuossâmuš kirje Den amerikanska flickan almostui ive 2005. Fagerholm finnij kirjestis ruátálâš August-palhâšume, Ruotâ kirjálâšvuođâservi Suomâst -palhâšume, Aniara-palhâšume já Göteborgs-Posten -kirjálâšvuotâpalhâšume. Ton lasseen roomaan lâi iävtukkâssân Tave-enâmij rääđi kirjálâšvuotâpalhâšume uážžon.

Ruotâst vuábdojii 150 000 kirjed. Ive 2006 roomaan elleekove filmimvuoigâdvuođah vuábdojii. Romanist láá rahtum teatterversioh-uv: Tuurku ruátálâš teatterân ive 2007 já Teatter Takomon ive 2012.

Fagerholm niäljád roomaan Glitterscenen almostui ive 2009. Roomaan lii jiečânâs jotkâuási kiirján Den amerikanska flickan. Tot lâi iävtukkâssân ive 2010 Runeberg-palhâšume uážžon, mut tom vuoitij Kari Hotakainen kirjestis Ihmisen osa. Čohčuv 2009 Fagerholmân mieđettui staatâ viiđâihásâš taaidârišeruttâ.

2010-lovvoost

Fagerholm čuávuvâš kirje lâi ive 2012 almostum roomaan Lola uppochner. Taan kirjeest Fagerholm finnij tuše oovtâ palhâšume, ive 2013 Granberg-Sumeliuska -palhâšume. Kirjeest kuittâg rahtui ive 2016 siämmáánommâsâš TV-miniráiđu.

Ive 2019 almostum romanist Vem dödade bambi? kietâdâllojeh juávkkuilláástem čuávumušah uhreest já illáásteijein. Ton lasseen kirjeest kietâdâlloo, maht uccâ sijdâ reagist sijjân já rikosân. Taan kirjeest sun finnij ive 2020 sehe Tollander-palhâšume já Tave-enâmij rääđi kirjálâšvuotâpalhâšume. Roomaan lâi meid iävtukkâssân ive 2019 Finlandia-palhâšume uážžon.

Palhâšumeh já tubdâstâsah

Pargo

  • 1987 – Sham
  • 1990 – Patricia
  • 1994 – Underbara kvinnor vid vatten
  • 1998 – Diva
  • 2005 – Den amerikanska flickan
  • 2009 – Glitterscenen
  • 2012 – Havet
  • 2012 – Lolauppochner
  • 2019 – Vem dödade bambi?

Fáádást eres soojijn

Käldeeh

Tags:

Monika Fagerholm EellimMonika Fagerholm KarrieerMonika Fagerholm Palhâšumeh já tubdâstâsahMonika Fagerholm PargoMonika Fagerholm Fáádást eres soojijnMonika Fagerholm KäldeehMonika Fagerholm1961HelsigKuovâmáánu 26.RuotâkielâSuomâ

🔥 Trending searches on Wiki Anarâškielâ:

1835ČielgitávtáliihAnarâškielâHiraganaCuáŋuimáánu 14.Bosnia-HercegovinaUđđâ-SeelandSkammâmáánu 11.1975Montenegro1979PortugalkielâCuáŋuimáánu 5.Áillohaš-muusikpalhâšumeUđđâivemáánu 15.Cuáŋuimáánu 30.UđđâivemáánuEennâmpálluMaadâ-AmerikPorgemáánu 13.The Star-Spangled BannerIslandkielâAlbert EinsteinNjuhčâmáánu 20.Uđđâivemáánu 29.Skammâmáánu 1.Ovtâstum kunâgâskoddeSorvâMélanie LaurentKatarina BarrukNavajokielâNjuhčâmáánu 5.PPorgemáánu 9.Eennâm áimukerdi942Njuhčâmáánu 12.Sofia JannokHermann HesseVuáskueennâmČohčâmáánu 1.Juovlâmáánu 14.1949Syeinimáánu 13.Listo albumijn, moh pessii listo njunošân ive 2006 (Irland)OsloČohčâmáánu 14.KuubaThaieennâmPittáámsämikielâSyeinimáánu 30.Los AngelesČohčâmáánu 12.Čohčâmáánu 13.1787Juovlâmáánu 3.Lou ReedSyeinimáánu 23.BaselKierinkiSyeinimáánu 24.Roovvâdmáánu 31.TšekkiUkrainakielâListo Honduras tullâvaarijnDonald TrumpUŋgarKoskokko9761640🡆 More