Joanne Rowling (š.
Joanne Rowling | |
---|---|
Šoddâm | 31. syeinimáánu 1965 Yate, Gloucestershire, Eŋland |
Pargo | |
Áámmát | kirječällee |
Noomah | J. K. Rowling Robert Galbraith |
Kirjálâšvuođâ šlaajâ | fantasia, draama, nuorâikirjálâšvuotâ, tragikomedia, rikoskirjálâšvuotâ |
Kielâ | eŋgâlâskielâ |
Peerâ | |
Vanhimeh | Peter John Rowling Anne Rowling (Volant) |
Pelikyeimi | Jorge Arantes (vihkâm 1992; iäránâm 1995) Neil Murray (vihkâm 2001) |
Párnááh | Jessica (š.1993) David (š. 2003) Mackenzie (š.2005) |
Lasetiäđuh | |
Nommâčáálus | |
Päikkisijđo | jkrowling.com |
syeinimáánu 31. peeivi 1965, Yate, Gloucestershire, Eŋland) lii eŋlandlâš kirječällee. Sun šoodâi tobdosin Harry Potter -fantasiakirjerááiđust.
Rowling šoodâi Yate General Hospitalist alda Bristol. Pärnivuođâ sun aasâi Gloucestershirest, Eŋlandist já Chepstowist, Gwentist, Walesist. Suu eeči, Peter, lâi kirdemmaašininsinöör já enni, Anne, tieđâteknikkár. Rowlingist lii ohtâ nuorâb uábbi, Dianne.
Joanne čaalij jo pärnin kuhes mainâsijd. Idea Harry Potterist kuittâg šoodâi ko sun čokkái maŋanâm junást Manchesterist Lontoo King's Cross sajâttâhân ive 1990. Ko kietâčaalâ valmâštui, te sun vuolgâttij tom maaŋgâ kuástideijei, mutâ kihheen ij huolâm tom. Loppâ loopâst toos kuittâg kavnui kuástideijee já Bloomsbury Children’s Books almostitij tom kesimáánust 1997 J.K. Rowling noomáin. "K" puátá suu ááhu noomâst, Kathleen. Tot lasettui kuástideijee táttumist, ko sun lâi ton uáivilist, ete kaandah iä haalijd luuhâđ nissoončällee kiirjijd. Tast maŋa almostui vala kuttâ Harry Potter -kirje, main puohah lijjii miänástusah. Ive 2001 Warner Bros. almostitij vuossâmuu Harry Potter -elleekove, mon maŋa almostuvvii vala 7 elleekovveed lase.
Harry Potter -kiirjij lasseen Rowling lii čáállám ovdâmerkkân The Casual Vacancy (2012), mii lâi suu vuosmuš kirje rävisulmuid. Sun meid čáálá Robert Galbraith pseudonyymijn rikosromaanijd.
This article uses material from the Wikipedia Anarâškielâ article J. K. Rowling, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.