Ana Tijoux: Chilelâš-ranskalâš ráppájeijee, hiphop-musikkár, feminist já aktivist

Anamaría Tijoux Merino
Persovntiäđuh
Šoddâm	kesimáánu 12. peeivi 1977 (ahe 46)
Šoddâmsaje	Lille, Ranska
Aalmugjeessânvuotâ	Chile já Ranska
Musikkár
Artistnommâ	Ana Tijoux Anita Tijoux
Aktiivlâžžân	1997–
Genreh	pooliitlâš ráp, trip hop, R&B, urban contemporary
Skiärrufinnodâh	Nacional Records
Palhâšumeh
BBC 100 nisonid (2020)
Peerâ
Vaanhimeh	María Emilia Tijoux Roberto Merino Jorquera
Pelikyeimi	Jon Grandcamp (kuovâmáánu 2019 rääjist)
Párnááh	2
Lasetiäđuh
Päikkisijđo	https://anatijoux.bandcamp.com/

kesimáánu 12. peeivi 1977, Lille, Ranska) lii chilelâš-ranskalâš ráppájeijee, hiphop-musikkár, feminist já aktivist.

Anamaria Tijoux šoodâi kesimáánu 12. peeivi 1977 Lillest, Ranskaast, kuus suu vaanhimeh láin patârâm Chilest Augusto Pinochet jiešvääldi tiet ive 1976. Suu eeči lâi Douglas Olivares, já suu enni lii sosiologia professor já totkee María Emilia Tijoux. Suu vaanhimeh iäránáin, ko Tijoux lâi páárnáš. Maŋeláá suu enni naajâi perruu ustev já chilelâš patâreijee Roberto Merino Jorquerain, kiäst maŋeláá šoodâi Anamaria eeči meid virgálávt.

Ive 1982 sij värrejii pargo tiet Lillest Pariisin, kost sij assii Bellevillest já Saint Mauricest. Ive 1983 vaanhimeh vuolgâttáin 6-ihásâš Tijoux ohtuu kirdemmašináin Ranskaast Chilen teivâđ ááhus, äijihis já eres huolhijdis, kiäh lijjii pááccám toho. Tot lâi vuossâmuš kerdi, ko Tijoux ooinij Chile já suuvâs. Tijoux kiirdij toho ohtuu tondiet ko suu vaanhimeh iävá puáhtám vyelgiđ fáárun, tastko Pinochet lâi vala staatâhovdân.

Ko Tijoux lâi 12-ihásâš, suu eeči surmij jieijâs.

Kuovâmáánust 2019 Tijoux naajâi ranskalâš musikkár Jon Grandcamp Jráin.

Ana Tijoux kuulâi Makiza-nommâsii juávkun. Tot lâi chilelâš hiphop-juávkku, mii vuáđudui ive 1997. Ana lasseen juávhust lijjii kulmâ eres jeessân. Juávkku lii almostittâm ohtsis nelji album, main vuossâmuš almostui ive 1998 já majemuš ive 2005.

Ive 2006 Ana algâttij soolokarrieeris. Suu vuossâmuš album almostui ive 2007, já nubbe ive 2010. Vuossâmuš album lii ollásávt espanjakielân. Nube albumist vist Ana ráppáá sehe espanja- já ranskakielân.

Ive 2020 BBC valjij Tijoux 100 nisonid -liiston.

Grammy Awards

Latin Grammy Awards

 

Makiza-juávhust

• 1998 – Vida Salvaje
• 1999 – Aerolíneas Makiza
• 2004 – Vida Salvaje (remaster)
• 2005 – Casino Royal

Sooloskiäruh

• Kaos (2007)
• 1977 (2010)
• Elefant Mixtape (2011)
• La Bala (2011)
• Vengo (2014)
• Vida (2023)

Singleh

• "Calaveritas" (oovtâst Celso Piñain) (2016)
• "Luchín" (2016)
• "Cacerolazo" (2019)
• "Libertad" (2020)
• "Antifa Dance" (2020)
• "No estamos solas" (2020)
• "Pa que" (2020)
• "Rebelión de octubre" (oovtâst MC Millarayin) (2020)
• "Mal" (2021)
• "Niñx" (2023)

•   Wiki Commonsist láá koveh teikkâ eres tiätuvuárháh fáádást Ana Tijoux.

• Ana Tijoux virgáliih nettisiijđoh