قربان کلاچی

حیاتی او حشر کیتن

حشر دی گالھ بھل گئی ہے.

خداوندا ساڈے کولوں بیا برداش نئیں تھیندی...

کلتھوں کر کٹھے ٹکڑے بیٹھی ہک ماء پٹیندی ہئی

میکوں آہدن ایہے چا ونج

مکمل لاش نئیں تھیندی

تاج گوپانگ دا قربان کلاچی دے بارے مضون

سرائیکی وطن دا نمائندہ شاعر جیندی ست اسمانیں دے سنگ رہ ویندی اے جنگ کوئی اٹھواں اسمان جے ہوندا تاں خان کلاچی ہوندے اتے وی بھا نا بلن ڈیندا شاعری دے امام کوٹ وچ بہ تے عرش کوں ہکلاں ڈیندے اللہ سئیں دے نال جھیڑا لیندے رب سچے دے نال بے تکلفی کریندے گال شروع کرنی ہئی جیھڑے ویلے شاعر سٹیج تے اندے اساں ورقہ بھل تے پچھوں کھولے اتناں بھلیکا نئی تھیا او ہیل قال سئیں سخی قربان دی ہئی اے قصہ وی قربان دے سطریں دا ہے سٹیج سیکٹری قربان دا ناں چاوے تاں مشاعرے وچ مجمع نہال تھی ویندے خوشی دی لہر آ ویندی ہے درخت ہمہ تن گوش تھی ویندن پرندے آنہڑیں وچ اپنڑیں بچیں کوں پریں ہیٹ لکا تے شریف سامعین بنڑ باہندن مجمع ڈر کنوں ساہ نئیں گھندا متاں مصرع چکے زندگی ساری پھٹ ناں ملے پاکستان دیاں ایجنسیاں قربان دا پیرا چئی راہندن قربان زمین تے کھڑ تے مائیک تے ٹھنگا مارے تاں زمین اسمان دے خفیا ادرے بے چین ہوندن جو قربان دے کلام دی فوٹو کاپی ہوے ڈوجھا عرشی فرشی زمین زمن سندھ پچادھ دی خیر ھوے تمام بیورو کریسی زمینی نوری مخلوق آفاقی سارے قربان کوں شوق نال سنڑردن ایں واستے ایندی رپورٹ تے ہتھ ہولا رکھدن قربان صاحب جیویں لکھدے جیویں پڑھدے جیھڑے اکھر جوڑتے نظم ٹھہیندے ول اوندے وچ دلیل تے برہان دی چٹان نال اسریندے اوکوں اج توڑیں کوئی ہلا نئیں سگدا کلام سنڑو تاں پی ایچ ڈی لگدے اویں تعلیم واجبی ہس زیرک ذہیین فطین مانڑو ہے خدا بچا گدے جے سائنس پڑھدا تاں ہنڑ تونڑیں 999 ایٹم بم بنڑائی بیٹھا ہووے ہا اللہ سیں دی خاص عطا ہس لفظیں دی سلطنت دا راجکمار ہے.

قربان صاحب دی زبان زم زم دھوتی خاص الخاص سرائیکی، مصرع ایویں ڈیندے جیویں ضعیف زاہد نمازی غازی دی تسبیح دا مڑکا جیڑھے ویلے پیرا گراف مکمل تھیندے نظم آبشار بنڑ ویندی یے عجیب شاعر قربان کلاچی بے خوف نڈر لاتک شاعر ھے قلم چلیندے بیت بنڑیندے ھنجوں دے سنگ اپنڑے تن دا لہو مکس کریندے جیئں ویلے نظماں پکھیاں وانگون پر واز کرن پیر فرید دی وا پورب دینظمیں دے راہیں رقص کرن حضرت اقبال مزار دے وچوں جھات کرے تے آکھے دل سے جو بات نکلتی ہے اثر رکھتی ہے پر نہیں طاقت پرواز مگر رکھتی ہے قربان دا قصہ ڈھیر وسیع ہے فیس بک دے پنے مک ویسن قربان دے اکھر نا مکسن ایں واستے میں اپنڑے دوست خالد نیازی دے حکم تے یو ٹیوب توں قربان سیئں دا کلام گول آیاں پیش کرینداں حیاتی او حشر کیتے حشر دی گال بھل گئی ہے خداوند آ ساڈےکولوںبیا برداش نئیں تھیندی کلتھوں کر ٹکڑے بیٹھی ہک ما پٹیندی ہئی میکوں آہدن ایھے چاونج مکمل لاش نئی تھیندی حیاتی نال انڑ بنڑ رہ گئی ہے ایں جھیڑے دے وچ جیندے ودے ہیں ساڈیاں سوچا ھنڑپ کھادی ویندا ہے ظلل دا زہر وی پیندے ودے ہیں مسیتیں وچ مساواتاں نئی ملدیاں فقط فتوے اتے بہتان رہ گئے اے بھویں بندے دی ملکیت ہے ساری خدا سئیں دا فقط اسمان رہ گئے طبقات دے وچ تقسیم جو تھئے انسان دی عظمت گھٹ تھی گئی او سجدہ کر سیئں نئی تھئے سجدے دی ریت الٹ تھی گئی ھا کن دا کھیل خلیفے دا کمزور تے آ کے کک تھی گئی کہیں حال حیاتی راس نئیں ائی تیڈی آس تے عمراں چٹ تھی گئی.

صوفی تاج گوپانگ