جے جے تھامسن

جوزف جوہن تھامسن (18 دسمبر، 1856ء تا 30 اگست، 1940ء ) ہک برطانوی طبعیات دان ہئی۔ اوہ برطانیہ دی رائل سوسائٹی دا ممبر ہئی ۔ 1884ء وچ اونکوں کیمبرج یونیورسٹی وچ واقع کیونڈش لیبارٹری وچ تجرباتی طبیعیات دا پروفیسر مقرر کیتا ڳیا۔ 1897ء وچ جوزف تھامسن نے ایہ ثابت کیتا کہ کیتھوڈ شعاعواں دراصل غیر دریافت شدہ انتہائی باریک ذرات ہن۔ جنہاں دی کمیت تے جسامت انتہائی گھٹ ہے تے انہاں تے منفی برقی چارج موجود ہے۔ انہاں ذرات کوں الیکٹران دا ناں ݙتا ڳیا ۔ایں طرح تھامسن نے پہلا ایٹمی ذرہ دریافت کیتا تے اوں دور وچ رائج ایہ نظریہ کہ ایٹم ناقابل تقسیم ہے کوں غلط ثابت کیتا۔