جیوݨ خان جسکاݨی 1942ء کوں بھکر دے گرانہہ سیال وچ پیدا تھئے۔ آپ دے والد دا نام قلب علی خان ہئی جیہڑے موضع سیال دے چنگے وݙے زمینداراں وچوں ہن۔ جیوݨ خان نے اپݨی ابتدائی تعلیم گورنمنٹ پرائمری سکول سیال توں حاصل کیتی، بھکر توں میٹرک دی تعلیم مکمل کیتی تے بعد اچ آپ نے ایف اے اسمعٰیل کالج بھکر توں مکمل کیتی۔ اوندے بعد مزید تعلیم کیتے لیے آپ لاھور چلے ڳئے، 1968ء وچ آپ نے بی ایڈ کیتا، پنجاب یونیورسٹی توں، 1974ء وچ پنجاب یونیورسٹی توں ہی ایم اے فارسی کیتا تے گولڈ میڈل حاصل کیتا، ایم اے اردو وی پنجاب یونیورسٹی توں کیتی۔ تعلیمی سفر مکمل کرݨ دے بعد جیوݨ خان جسکاݨی نے ایم سی ہائی سکول بھکر توں تدریسی زندگی دا آغاز کیتا۔ طویل عرصے تک ایم سی ہائی سکول وچ خدمات سر انجام ݙیوݨ دے بعد 1984ء میں بطور اے ای او ترقی پا کے دریاخان تعینات تھئے۔ 1988ء وچ گݙولہ ہائی سکول وچ بطور ایس ایس ٹی تعینات تھئے تے بعد اچ اوہ ڈی ڈی او تحصیل بھکر رہیے۔ آپ ہیڈ ماسٹر گورنمنٹ ہائی سکول میاں پنجہ تے آخر وچ ہیڈ ماسٹر گورنمنٹ ہائی سکول سیال تعینات تھئے جتھوں آپ 2001ء وچ ریٹائر تھئے۔ آپ فارسی تے انگریزی زبان تے مہارت رکھدے ہن۔ آپ دورانِ تعلیم لاھور وچ ڈاکٹر شجاع ناموس دے شاگرد بھی رہیے، ڈاکٹر شجاع، علامہ محمد اقبال دے قریبی رفقاء وچوں ہن۔ جیوݨ خان جسکاݨی 30 جنوری 2010ء کوں ایں جہانِ فانی توں رخصت تھئے۔
This article uses material from the Wikipedia سرائیکی article جیوݨ خان جسکاݨی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.