کھیݙ

دورہ 2020 میزمان پاکستان:

سال ڈو ھزار ویھ وچ ساؤتھ افریقہ دی ٹیم پاکستان دا دورہ کیتا جئیں وچ ٹیسٹ، ون ڈے اتے ٹوئنٹی ٹوئنٹی میچ کھیڈے گئے۔ کرکٹ دے انہاں ترینھی میدانیں وچ پاکستان دی جیت تھئی اتے اساڈے کھلاڑئیں بہوں چنگا کھیڈ پیش کیتا۔ ایھ دورہ ایں سانگے وی بہوں اہم ھا کیوں جو پاکستان وچ کرکٹ دے میدان ویران ھن اتے دنیا دیاں ٹیماں اتھاں آوݨ تے راضی ناں ھن۔ ساؤتھ افریقہ کوں شابس ڈیوݨی پوسی کے انہاں دل وڈا کیتا اتے سیکیورٹی دے خدشات دی پرواہ نہ کریندے ہویاں پاکستان ٹر آئے تے ساڈا ماݨ ودھایا۔

دورہ 2021 میزمان ساؤتھ افریقہ:

ساؤتھ افریقہ نے پاکستان دے مشکل وچ اساڈا ساتھ ڈتا ساڈے دیس ٹر آئے ساڈا ماݨ ودھایا۔ ھݨ پاکستان دی واری ھئی کہ محبت دا جواب محبت نال ڈیوے۔ بے شک ایں ویلے کرونا وائرس جیہی ڈاڈھی بیماری نے دنیا کوں قابو کیتا ہویا ھ پر پاکستان کیونکہ وفاداریں نال وفا نبھیندے ایں سانگے ایں اوکھے ویلے وی ساؤتھ افریقہ دے دورے کوں ترجیح ڈیتی۔ پاکستان ایں دورے وچ ترائے

پاکستان اتے بھارت دی کرکٹ

بھارت اتے پاکستان کرکٹ دی دنیا دے ڈو وڈے ملک ھن۔ انگریزیں دے برصغیر وچ آوݨ توں بعد ایشیاء وچ ہندوستان دی پہلی ٹیم ھئی جئیں وچ مسلمان، سکھ اتے ہندو کٹھے کھیڈدے ھن۔ سن 1947 توں بعد جڈݨ ہندوستان تقسیم تھیاء، ول پاکستان اتے بھارت آپݨی آپݨی ٹیم دھار دھار بݨا گیدھی۔ وقت تیزی نال گزردا ریھا ڈوھیں ٹیماں دنیا وچ آپݨا آپݨا ناں بݨڑیندیاں رہ گئیاں۔ ایں توں بعد آپس وچ وی کئی سیریز کھیڈیاں گئیاں جئیں وچ پاکستانی کرکٹ ٹیم نے ہمیشہ بھارت کوں رت رووایا۔ ڈوھیں ٹیماں دا مقابلہ ایجھا شاندار ھوندا ھا کے چھڑے پاکستانی تے ہندوستانی کیا پوری دنیا انہاں ڈوھیں ٹیماں دے مقابلے شونق نال ڈیکھدے رہ ویندے ھن۔ انگلینڈ اتے آسٹریلیا دی ٹیماں وچ کھیڈی ونجݨ آلی سیریز ایشیز بہوں مشہور ھئی پر پاک بھارت ٹیمیں دی سیریز ایشیز کوں وی پچھی تے چھوڑ ڈتا۔

ایشیاء وچ پاک، بھارت توں بعد بنگلہ دیش، سری لنکا اتے افغانستان، یو اے ای، ہانگ کانگ جیہاں ٹیماں وی آ گئیاں۔ جئیں دی وجہ نال ایشیاء کپ دا انعقاد کیتا گئیا۔ ایں کپ کو کرکٹ دے شوقینیں بہوں پسند کیتا اتے ایھ مقابلہ حالی تئیں مشہور ھ پیاء۔ بھارت دی کرکٹ ٹیم نے ہمیشہ حکومتی سیاست نال وفا کیتی اتے امن دے ایں کھیڈ کوں وی سیاست دی نذر کر ڈیتا۔ ایہو وجہ ھ کہ اج کل اساں کوں اے دلچسپ مقابلے ڈیکھݨ کوں نئیں ملدے۔ بھارت سیریز دی لالچ ڈے تے آپݨا ذاتی مفاد ڈیکھدے جیکر پاکستان بھارت دے نال کرکٹ ناں کھیڈن دے باوجود دنیا وچ ھک تکڑی ٹیم ھ۔

ڈوھیں ملکیں کوں چہیدے جو کھیڈ کوں کھیڈ دی حد تک رکھیا ونجے ایں وچ سیاست کوں ناں شامل کیتا ونجے تاکہ ایں کھیڈ دے بہانے تھی سگدے اساڈے آپس دے تعلقات بحال تھی ونجن تاں رل مل پیار محبت نال رھݨ لگ ونجوں۔

لکھاری: مظفر حسین بھارہ