مچھی ہک پاݨی دا جانور ہے۔ ایں کوں لوک خوشی نال کھاندن۔ مچھیاں فقاری آبی جانور ہن، جنہاں کوں تھن٘ڈے خون آلا جانور وی اہدن۔ ۔ چھلڑاں نال ڈھکا ہویا اتے پاݨی وچ ترݨ کیتے بݨے خصوصی کھنبھ اتے گلپھڑیاں نال لیس۔ مچھیاں کھلے سمندر، تازے پاݨی، دریاواں،جھیلاں، پہاڑی جھرنیاں تے سمندر دی گہرائیاں تائیں ہوندیاں ہن۔ مچھی دنیا بھر وچ انساناں ای سمندری غذائی ضرورت پورا کرݨ کیتے نہایت اہم ڳݨی ویندی ہے، بھان٘ویں او سمندراں یا کھلے آبی مقاماں توں شکار کیتی ون٘ڄن یا اُنہاں دی پرورش انسان دے بݨائے ہوئے ماہی خانیاں وچ کیتی ون٘جے، جیویں جو ککڑیاں کیتے مرغی خانے بݨائے ویندن تے بنھاں زناوراں کیتے بھاݨے ۔
مچھیاں دا شکار یا افزائش تفریحء طبع یا چساں چاوݨ کیتے وی کیتا ویندا ہے، جیویں جو شوقین لوکاں دا ڈنڈیاں تے ڈور لا تے مچھی دا شکار کرݨ یا لوکاں دا گھراں اے باغیچے وچ تالاباں یا مہمان خانیاں وچ شیشے نال بݨے ماہی پروری دے وݙے مچھی گھر (Aquarium) رکھݨ، جہڑے عموماً لوکاں کوں ݙکھاوݨ اتے محظوظ کرݨ کیتے ہوندن۔ مچھی مختلف ثقافتاں اتے تہذیبوں وچ وی صدیاں کنوں ݙاڈھی اہمیت دی حامل ہے، دیوتاواں کنوں گھن کر اہیں مذہبی علامات، کتاباں دے موضوعات کنوں گھن کراہیں فلماں تائیں ہر جاء تے مچھی دا کردار تے ذکر نظر آندا ہے۔
مچھی دریا، سمندر، ندی نالیاں، رودکوہیاں، جھیلاں، تلاواں تے کاریزاں تو گھن کے سمندراں تک بے شمار اقسام تے ہر قسم دے چھوٹے توں چھوٹے تے وݙے سائز وچ پاتی ویندی اے. ایندے کجھ اہم قسماں اے ہن:-
آرہ مچھلی یا سافش(Sawfish) کوں درکھاݨ یا کارپینٹر مچھلی وی آکھا ویندا ہے۔ ایہ مچھلی سا شارک توں الگ قسم دی ہوندی ہے.
This article uses material from the Wikipedia سرائیکی article مچھی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.