ملالہ یوسفزئی

ملالہ ١٢ جولائی، ١٩٩٧ء کُوں پاکستان دے شمال مغربی صوبے خیبر پختونخوا دے ضلع سوات وِچ ڄَمّی ہئی۔ ملالہ دا تعلق سنی مسلم ٹَٻَّر نال ہِے جیڑھے پشتون نسل نال تعلق رکھین٘دے ہِن۔

سکول تُوں بے دخلی

طالبان دے چھوہِرِیں دی تعلیم تے پابندی دے بعد اُنّھاں نے چھوہِرِیں دے سکول تباہ کرݨ دا سلسلہ جاری رکھیا۔ پنڄ ݙیہاڑیاں بعد ملالہ نے اپݨے بلاگ وِچ لِکھیا جو "میں ہالی وی اپݨے امتحاناں دی تیاری کرین٘دی پئی ہاں جو چُھٹّیاں دے بعد ہِن، ڄیکر طالبان نے چھوہِرِیں کُوں سکول ون٘ڄݨ دی اجازت ݙِتّی تاں اَساکُوں امتحان دے سلسلے وِچ متعلقہ ابواب دا ݙَسایا ڳیا ہِے ڄاں جو میݙا دِل پھڑݨ کُوں نئیں چاہن٘دا۔ این٘ویں لڳدے جو درجناں سکولاں دی تباہی اَتے سین٘کڑاں دی بندش دے بعد فوج کوں کارروائی دا وِچار آیا ہِے۔ ڄیکر اُوہ پہلے کارروائی کر گِھندے تاں نوبت اِیہ تئیں ناں پُڄّے ہا۔

سکول دا وَلا کُھلَّݨ

٢٥ فروری کُوں ملالہ نے لکھیا جو "اساں پہلاں آلی کار جماعت وِچ ٻہوں کھیݙے اَتے وݙی چَس آئی۔" یکم مارچ کُوں ٢٧ وِچُوں ١٩ طالبات حاضر ہَن۔ تاہم طالبان وی علاقے وِچ ٻہوں متحرک ݙکھالی ݙین٘دے پئے ہَن۔ گولہ باری جاری ہئی اَتے عام لوکاں دی مدد کُوں آوݨ آلی امدادی شئیں لُٹ گِھدّیاں ڳئیاں ہَن۔ ݙو ݙیہاڑیاں بعد ملالہ نے لِکھیا جو فوج اَتے طالبان دے وِچالے جھڑپاں جاری ہِن اَتے گولہ باری اَواز سُݨین٘دی پئی ہِے۔ "لوک ݙرے ہوئے ہِن جو شَئیت امن وَدھ ویلے تئیں برقرار ناں رہ سڳے۔ کئی لوک آکھدے پئے ہِن جو امن معاہدہ عارضی طور تے لڑائی وِچ وِتّھی ہِے۔"

ابتدائی سیاسی کردار اَتے سرگرمیاں

ملالہ لکھین٘دی ہِے "میکُوں یقین ہِے جو سوشلزم ای کَلّھا حل ہِے اَتے میں اپݨے سبھے ٻیلیاں تُوں آہْدی ہاں جو اِیکُوں کامیابی توں ہمکنار کراوِن۔ اِیں طرح اَساں عدم برداشت اَتے عدم تحفظ تُوں اَزاد تِھی سڳدے ہِسے۔

ہِک کتاب وی ملالہ دے ناں نال انگریزی وِچ جاری کِیتی ڳئی۔ جِین٘داں ناں "میں ملالہ ہوں" رکھا ڳیا۔

ملالہ دا نکاح نومبر 2021ء وِچ عصر ملک دے نال تِھیا۔

• http://www.nytimes.com/video/2012/10/09/world/asia/100000001835296/class-dismissed.html (2009ء "نیویارک ٹائمز" دی ملالہ دے بارے وِچ ہِک انگریزی دستاویزی فلم)
• طالبان دے بعد: سوات دے زنانیاں دی حیاتی بدلدی پئی ہِے ( بی بی سی اُتے ملالہ یوسف زئی دا مدونہ)
• نوبل اِنام جِتَّݨ دے باوجود ملالہ کوں پاکستان وِچ نفرت دا سامھݨاں۔ روزنامہ جنگ