رام چندر
ہندواں دے اعتقاد دے مطابق رام، وشنو دا ستواں اوتار ہے۔ ہندواں دی مقدس کتاب رامائن دے مطابق شمالی ہند دی ہک ریاست ایودھیا (اودھ) تے سورج بنسی خاندان دا ایک کھتری راجا دشرتھ راج کریندا ہئی۔ اوندے تریے بیویاں ہن تے چار بیٹے؛ رام چندر، لکشمن، شتروگھن تے بھرت ہن۔ رام چندر جی اپݨی شہ زوری، دلیری تے نیک دلی دے سبب پرجا وچ بہت ہر دل عزیز ہن۔ انہاں دی شادی متھلا پوری (موجودہ جنک پور واقع نیپال) دے راجا جنک دی بیٹی سیتا نال تھئی ۔ راجا دسرتھ دی چھوٹی راݨی کیکئی نے کہیں جنگ وچ راجا دی جان بچائی ہئی جیندے تے راجا نے وعدہ کیتا ہئی کہ ایندے بدلے وچ اوہ اوندی ہک خواہش پوری کریسی۔
تفصیل
راجا دشرتھ لب گور تھیا تاں اوں نے رام چندر کوں اپݨا جانشین بݨاوݨا چاہا۔ لیکن کیکیئی نے اونکوں اپݨا عہد یاد ݙوایا کہ اوہ بھرت کوں اپݨا ولی عہد نامزد کرے تے رام چندر جی کوں چوݙاں سال دا بن باس ݙے ݙتا ونڄے۔ راجا نے رام چندر جی کوں کیکئی دی خواہش تے اپݨے عہد نال آگاہ کیتا تاں سعادت مند تے وفا کیش پتر نے سر تسلیم خم کر ݙتا تے جنوبی ہند دے جنگلاں وچ چلا ڳیا۔ اوں برے وقت وچ اوندی بیوی سیتا تے بھائی لکشمن نے اوندا ساتھ ݙتا۔
ہک ݙینہ لنکا دے بدقماش راجا، راوݨ دا اوں جنگل توں گزر تھیا تے او سیتا کوں چا کے گھن ڳیا۔ رام چندر نے باندراں دے راجا سکریو دی فوج ، جیندا سپہ سالار ہنومان ہئی دی مدد نال لنکا تے چرھائی کیتی تے راوݨ کوں ہلاک کرکے سیتا کوں رہا کرایا۔ دشہرا دا تہوار ایہیں فتح دی یاد وچ منایا ویندا ہے۔ ایں عرصے وچ 14 سال پورے تھی ڳئے ہن۔ رام چندر جی، سیتا تے لکشمن دے ہمراہ ایودھیا واپس آ ڳئے۔ جتھاں انہاں دا مترایا لیکن نیک نہاد بھرا بھرت انہاں دے کھڑاویں تخت تے رکھ کے انہاں دے ناں نال راج کریندا پیا ہئی۔ انہاں دی آمد دی خوشی وچ گھر گھر چراغاں کیتا ڳیا۔ ہولی دا تہوار ایں واقعے دی یادگار ہے۔ ہندو، رام چندر کوں وشنو بھگوان دا ستواں اوتار منیندن۔ محقیقین تا حال انہاں دے زمانے دا تعین نی کر سڳے۔
حوالے
This article uses material from the Wikipedia سرائیکی article رام چندر, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.