බණ්ඩාරනායක මොණරවිල කැප්පෙටිපොළ හෝ සරලව වීර මොණරවිල කැප්පෙටිපොළ ලෙස ප්රසිද්ධව හඳුන්වන මොහු ශ්රී වික්රම රාජසිංහ රජුගේ සහ පසුව බ්රිතාන්ය පරිපාලනය යටතේ මහ දිසාව තනතුර දැරූවෙකි.
මොහු 1818 ඌව නිදහස් අරගලය මැඩපැවැත්වීමට බ්රිතාන්යයන් විසින් යවනු ලැබීමෙන් පසු බ්රිතාන්ය පිළ හැරදා අරගලකරුවන් හා එකතු වූ අතර එහි ප්රධාන පෙළේ නායකයෙකු බවටද පත්විය.
වීර රාජපක්ෂ වික්රමසේකර මුදියන්සේලාගේ බණ්ඩාරනායක මොණරවිල කැප්පෙටිපොළ | |
---|---|
උපත | රාජපක්ෂ වික්රමසේකර මුදියන්සේලාගේ බණ්ඩාරනායක මොණරවිල කැප්පෙටිපොළ |
මියගිය දිනය | ක්රි.ව. 1818 නොවැ 25 |
මිය යාමට හේතුව | හිසගසා ඝාතනය කිරීම |
සතපවන ලද තැන | ශ්රී ලංකාව |
නිවහන | මහනුවර, සිංහලේ |
වෙනත් නම් | කැප්පෙටිපොළ දිසාව |
පුරවැසිබව | සිංහල |
රැකියාව | දිසාව (මාතලේ සහ ඌව) |
ප්රසිද්ධව ඇත්තේ | 1818 ඌව-වෙල්ලස්ස නිදහස් අරගලය මෙහෙයවීම |
උපන් නගරය | මාතලේ, සිංහලේ |
කලත්රයා(යන්) | දෙල්වල එතනහාමි |
දරුවන් | පුතුන් දෙදෙනෙක් |
දෙමව්පියන් |
|
බ්රිතාන්යයන් විසින් අරගලය පරාජය කළ අතර කැප්පෙටිපොළ දිසාව ඇතුළු අනෙක් අරගල නායකයන් රැසක් අත් අඩංගුවට ගෙන රාජද්රෝහී වීම සම්බන්ධයෙන් චෝදනා එල්ල කර මරණ දණ්ඩනය පනවන ලදී. වර්ෂ 1818 නොවැම්බර් මස 26 වැනි දින කන්ද උඩරට බෝගම්බර දී රාජද්රෝහියකු වශයෙන් හංවඩු ගසන ලද කැප්පෙටිපොළ රාජපක්ෂ වික්රමසේකර බණ්ඩාරනායක නොහොත් කැප්පෙටිපොළ මහ නිලමේ ජාතිය වෙනුවෙන් දිවි පිදූහ. මොනරවිල කැප්පෙටිපොළ දිසාව සිය මරණ දඬුවම ක්රියාත්මක අවස්ථාවේ පෑ අසාමාන්ය ධෛර්යය නිසා වඩාත් ප්රසිද්ධ වී ඇති අතර එතුමා සිංහලේ රාජ්යයේ වීරයෙකු ලෙස සැලකේ. මෙතුමාගේ අවසන් ඉල්ලීම වූයේ තම ගෙල එක කඩු පහරින් ගසා දමන ලෙසයි .කැප්පෙටිපොල නමින් ශ්රී ලංකාවේ ප්රථම මධ්ය විද්යාලය වන අකුරම්බොඩ මධ්ය විද්යාලය වීර කැප්පෙටිපොල මධ්ය විද්යාලය නමින් නම්කර ඇති අතර එය කැප්පෙටිපොල උපන් ගම් ප්රදේශය වන මාතලේ දිස්ත්රික්කයේ පල්ලේපොල ප්රාදේශීය ලේකම් කොටිඨාසයේ මොනරවිල ග්රාමයට ආසන්නයේ පිහිටා ඇත.
This article uses material from the Wikipedia සිංහල article මොණරවිල කැප්පෙටිපොළ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.