6°55′30″N 79°52′09″E / 6.92500°N 79.86917°E / 6.92500; 79.86917
ඉසිපතන විදුහල ශ්රී ලංකාවේ වාණිජ අගනගරයේ (කොළඹ ) පිහිටි ජනප්රිය පාසල් අතරින් එකකි.
වර්ෂ 1952 දී (Greenlands) (ග්රීන්ලන්ඩ්ස්) යන නාමයෙන් ඇරඹි ඉසිපතන විදුහල පසුව "ඉසිපතන විදුහල" ලෙසට වෙනස් කෙරිණ. එමෙන්ම අද වනවිට එය සිංහල, ඉංග්රීසි හා දමිළ යන භාෂා ත්රිත්වයෙන්ම අධ්යාපනය ලබාදෙන අතළොස්සක් වූ පාසල් අතර කේන්ද්රස්තානයකි. බී.ඒ.කුරුප්පු මහතා එහි ආරම්භක විදුහල්පතිවරයා වූ අතර පාසල් ලාංඡනය හ නිවාස ඇති කිරීමද ඔහු අතින් සිදුවිය. හාරදහසකට අධික සිසු කැලකට සිප් සතර ලබදෙන 200 කට ආසන්න ආචර්ය්ය මඩුල්ලකින් යුත් පාසලෙහි අධ්යපන පසුබිම, ලාංකීය පාසල් අධ්යපනයෙහි ඉසිපතන ලකුණ නිරතුරු ඔපවත් කර ඇත.
ඉසිපතන යන්න බෞද්ධාගමික පසුබිමකින් බිඳී ආ නාමයකි. "සෘෂි වරුන්ගෙන් ගහණ වූ භූමිය" යන්න එහි අරුතයි. පෙරදවස එය බරණැස් පුර පිහිටි අහිංසක මුව පොව්වන්ගෙන් ගැවසීගත් බිමකි. ශාන්ත පරිසරයකින් හෙබි උයනකි. බුදු රදුන් වැඩ හුන් පුණ්ය භූමියකි.
මුලින් සඳහන් කළ පරිදි ඉසිපතනය අද වනවිට දහස් සංඛ්යත සිසු දරු කැලකට අධ්යපනය ලබදෙන තෝතැන්නකි. අසමසම තක්සලාවකි. පාසල තුල ඔවුහු මුව පැටවුන් සේ ලෝකය පිලිබඳ උගනිති. සිප් සතර හදාරති. පාසලින් පිටස්තර ලෝකයට බිහිකරනුයේ ගුණ-නැණ පිරි මිනිසත්කමින් සපිරි මිනිස් පරපුරකි. ඔවුහු ලෝකයට සැබෑ සෘෂිවරු වෙත්.
කුරුප්පු විදුහල්පතිතුමන්ගේ අදහසක් මත ආරම්භයේ පටන්ම පාසල තුල ක්රීඩා නිවාස හතරක් ක්රියාත්මක වේ. ලෝ ප්රකට කවීන් සතර දෙනෙකුගේ නම් ඒ සඳහා භාවිතා කර ඇත. සියලු ජාතීන් කෙරේ පාසල දක්වන සමානාත්මතාවද ඉන් අදහස් කෙරේ.
=== ශිෂ්යත්ව සහ ත්යාග =ඉසිපතන විදුහලෙ ශිශෙත්වය දෙස බ
සැරදේ මාතා ඉසිපතනය අප දස දෙස ජය හඬ නංවා...
බරණැස ඉසිපතනේ මිගදා
මුණිඳුන් දෙසු ඒ දහම් එදා
පෙරදැරි කොට ගුණ-නැණ විහිදා
පෙරමුණ ගනිමූ ලක් පොලවේ
සැරදේ මාතා ඉසිපතනය අප දස දෙස ජය හඬ නංවා... //
විදු පහනින් මොහඳුර දුරලා
අත සිත ගත වත ඔප දමලා
දෙස බස රැස රැකුමට පේවී
වීර පුතුන් වෙමු ලක් පොලවේ
සැරදේ මාතා ඉසිපතනය අප දස දෙස ජය හඬ නංවා... //
සැරදේ.! සැරදේ..!! සැරදේ...!!!
ඉසිපතනය සැරදේ.!
ඉසිපතනය කී පමණින් රගර් - රගර් කී පමණින් ඉසිපතනය...... එපමණටම ඉසිපතනය හා රගර් යනු එකට බැඳී පවතින්නක්.
රගර් තරම් ඉසිපතන සිසුන්ගේ රුධිරය දක්වා කිඳා බැස අති ක්රීඩාවක් ඔවුනට නැති තරම්ය . ඉඳහිටක නොවන්නට දශක ගණනාවක පටන් ඔවුහු පාසල් රගර් කිරුළ සියතින් ගිලිහී යන්නට නොදෙති. ඉසිපතනුවන්ගේ අභිමානය එයයි.
බොහෝ ජනප්රිය පාසල් වල මෙන්ම ඉසිපතන සිසුන්ගේද ප්රීතිමත්ම සමය "තර්ස්ටන්-ඉසිපතන" ක්රිකට් ගැටුම පවතින සමයයි. තර්ස්ටන් විදුහල සමඟ දෙදින ටෙස්ට් ක්රිකට් තරඟයක් එක් දින ඕවර 50 තරඟයක් හා පන්දු වාර 20 20 තරඟයක් මීට අතුලත් වේ. ඉසිපතන මෑණියන් ශ්රි ලංකා ජාතික කන්ඩායමට බිහිකළ ක්රීඩකයන් ගනනද සුළු පටු නොවේ. (මතකයේ රැඳි සිසුන් කොටස බලන්න.)
"ශිෂ්ය නායක සංසදය" යනු ඉසිපතනය තුල තවත් එක් වඩාත් ක්රියාකාරී ඒකකයකි.
ශිෂ්ය නායක වගකීම් අතර පහත කරුණු මූලික කර දැක්විය හැක.
1. ප්රධාන ලෙසම ශිෂ්ය විනය සීමා ආරක්ෂා කිරීම.
2. උදෑසන පාසල තුලට ඇතුල් වන සිසුන්ගේ අනන්යතාවය තහවුරු කිරීම හා නිළ ඇඳුම් ක්රමවත්දැයි පිරික්සීම.
3. උදෑසන පාසල තුල සහ පන්ති තුල පිරිසිදු කිරීම් නිරීක්ෂනය.
4. පාසල් ප්රධාන රැස්වීම් හා සෙසු රැස්වීම් තුල ශිෂ්ය පාලනය.
5. ගුරු රස්වීම් පවතින කාලය තුල පාසල තුල විනයානුකූල නිහඬභාවය රැකීම.
6. ශිෂ්යයින්ට විවිධාකර කටයුතු වලදී උපකාර කිරීම.
7. ශිෂ්ය පරිපාලනයේදී ආචර්ය්ය මණ්ඩලයට සහාය වීම.
8. නිවාසාන්තර ක්රීඩා උලෙළ හා අනෙකුත් එවන් කටයුතු වලදී සවිධායක කටයුතු හැසිරවීම.
9. ශිෂ්යයින් හා ගුරුවරු අතර සහ සම්බන්ධය ඇතිකිරීම.
10.ශිෂ්යයින් තුල නායකත්ව කුසලතා වර්ධනය කිරීම හා පූර්වාදර්ශ සැපයීම.
මේ හැරුණු කොට ශිෂ්ය නායකයකු පිරිසිදු ඇඳුම් (සුදු කලිසම හා පාසල් ලාංජනය මසා ඇති සුදු කමිසය ) හැඳ දිස්නයෙන් යුත් පිරිසිදු සපත්තු (කලු වර්ණ ) පැළඳ සෑම විටම ප්රසන්න ලෙස තමුනට අදාළ ඕනෑම කටයුත්තකට සූදානමින් සිටිය යුතුය. ශිෂ්ය නායකයා සෑම විටම ආදර්ශමත් විය යුතුය.
This article uses material from the Wikipedia සිංහල article ඉසිපතන විදුහල, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.