သျီႇဝူၺ်ႉၸိုဝ်ဝ်း

ၸဵမ်မိူဝ်ႈပဵၼ်ပၢၼ်လုၵ်ႈဢွၼ်ႇၼၼ်ႉ သျီႇ ၼႆႉ လႆႈလဵပ်ႈႁဵၼ်းမႃး ပၢႆးမွၼ်းလၢႆမဵဝ်းလၢႆဢၼ် ဢိၵ်ႇပႃး လွင်ႈၵႃႈ၊ လွင်ႈႁွင်ႉၵႂၢမ်း၊ လွင်ႈတႅမ်ႈၵႂၢမ်း လႄႈ လွင်ႈႁႆႇတိုင်ႈ ပိူင်လူင်မၼ်းပဵၼ် လဵတ်းတိင်ႇယဝ်ႉ။ မၼ်းလႆႈလဵပ်ႈႁဵၼ်း တၢင်းၵႃႈ လႅတ်ႇတိၼ်ႇမႃး တၢင်းႁိုင်သိပ်းပီပၢႆသေ မၼ်းလႆႈၶႅပ်းသူးၶမ်းတီႈ Imperial Society of Teachers of Dancing (ISTD) မႃးယဝ်ႉ။ တီႈႁူင်းႁဵၼ်းၸၼ်ႉသုင်ၼၼ်ႉ သျီႇၼႆႉ တင်းဢူၺ်းၵေႃႉႁူင်းႁဵၼ်းမၼ်းသေ လႆႈတႄႇတင်ႈ ၸုမ်းႁႆႇတိုင်ႈရွၵ်ႉၶ် သွင်ၸုမ်း ဢၼ်လႆႈၸိုဝ်ႈဝႃႈ "EggAche" သေ ဢၼ်ပဵၼ်ၸုမ်းတွႆႇတိုင်ႈ metal rock ၼၼ်ႉ ပဵၼ် "PROME" သေ မၼ်းပဵၼ် ႁူဝ်ၼႃႈ ၵူၼ်းလဵတ်ႈတိင်ႇယဝ်ႉ။ "PROME" ၼၼ်ႉ လႆႈဢွင်ႇပႄႉ ပၢင်ၶႄႉၶဵင်ႇ ၸုမ်းတွႆႇတိုင်ႈ ႁူင်းႁဵၼ်းၸၼ်ႉသုင် တီႈ သျၢၼ်ႇႁၢႆးယဝ်ႉ။ လိူဝ်သေၼၼ်ႉဢမ်ႇၵႃး မၼ်းလႄႈ ဢိၵ်ႇတင်း ၸုမ်းတွႆႇတိုင်ႈ မၼ်း လႆႈၶပ်းၶိုင်ၸတ်းႁဵတ်း ပၢင်ပွႆးၽဵင်းၵႂၢမ်းၶၢဝ်းၵတ်း တီႈ သျၢၼ်ႇႁၢႆးသေ လွင်ႈၼၼ်ႉ ထုၵ်ႇတႅမ်ႈပႃးမႃးၼႂ်း လိၵ်ႈပိုၼ်ၶၢဝ်ႇပိုၼ်ႉတီႈယဝ်ႉ။ သျီႇၼႆႉ လႆႈသုတ်းႁဵၼ်းတီႈ Shanghai Theatre Academy ယဝ်ႉ။ ၶၢဝ်းၶိုၼ်းၶေႃးလဵၵ်ႉတႄႉ မၼ်းၵႂႃႇၶိုၼ်ႈ National Academy of Chinese Theatre Arts တီႈ ပေႇၸိင်း သေ လႆႈသုတ်းႁဵၼ်း ၼႂ်း လိူၼ်မေႇ 2017 ယဝ်ႉ။

2015–2016: လွင်ႈတႄႇၼႃႈၶွင်, Addicted လႄႈ ၸိုဝ်ႈလိုဝ်းလင်မႃး

ၽွင်းတိုၵ်ႉၶိုၼ်ႈၶေႃးလဵၵ်ႉယူႇၼၼ်ႉ သျီႇႇ လႆႈဢွၵ်ႇၼႃႈတီႈၼႂ်း ငဝ်းတူင်ႉပွတ်း ဢၼ်ႁွင်ႉဝႃႈ Gaming Madness ၼႂ်းၵႃႈႁူဝ်ထႅၼ်ႈ ဢၼ်ၼိုင်ႈ တႃႇ ဢွၵ်ႇထူဝ်ႇပႃႇ 2015 ၼၼ်ႉယဝ်ႉ။ မၼ်းၶဝ်ႈပႃးတူင်ႉၼိုင်ပၼ်တီႈ ထႆႇၶႅပ်းႁၢင်ႈ လၢႆဢၼ် တေႃႇမၼ်းပေႃး ထုၵ်ႇသွၵ်ႈႁႃႁၼ် ႁႂ်ႈပေႃးပဵၼ် ၽူႈဢွၼ်ၼႃႈပိူင်လူင် တီႈၼႂ်း ဝႅပ်ႉသီးရီး ဢၼ်ႁွင်ႉဝႃး Addicted, ဢၼ်ပိုၼ်ၼႄ တီႈၼႂ်း ၸၼ်ႇဝႃႇရီႇ 2016 ၼၼ်ႉယဝ်ႉ။ မၼ်ႊထုၵ်ႇလိူၵ်ႈ တႃႇတႅမ်ႈ တႃႇႁွင်ႉ ၵႂၢမ်းပိုတ်ႇ ၵႂၢမ်းလူပ်းလင်တႃႇ Addictedယဝ်ႉ။ ဝၢႆးလင်မႃး ငဝ်းတူင်ႉဢၼ်တဵမ်ထူၼ်မၼ်းၼၼ်ႉ လႆႈတၢင်ႇဝႆႉပၼ်တီႈၼိူဝ် YouTube ဢၼ်ႁဵတ်းႁႂ်ႈ ၵူၼ်းတူင်ႉၼိုင်ၼႂ်းငဝ်းၼၼ်ႉ ပေႃးၸိုဝ်ႈလိုဝ်းလင်ၵႂႃႇ တီႈၼႂ်း ပိုၼ်ႉတီႈ လႄႈ ၵူႈၸိုင်ႈမိူင်းၼၼ်ႉယဝ်ႉ။ ဝၢႆးသေၼၼ်ႉ သျီႇၼႆႉ လႆႈတႄႇ ၽင်ၸႂ်တီႈၼိူဝ် ၼႃႈၶွင်ၽဵင်းၵႂၢမ်းမၼ်းသေ ၼႂ်း ပီ 2016, မေႇ 1 ဝၼ်းၼၼ်ႉ မၼ်းလႆႈပိုၼ်ဢွၵ်ႇ ၶႅပ်းၵႂၢမ်းဢႄႇလ်ပမ်ႇမၼ်း ဢၼ်လႆႈၸိုဝ်ႈဝႃး Light သေ လႆႈတႄႇ ပၢင်ပွႆးႁွင်ႉၵႂၢမ်းမၼ်း တီႈၼႂ်း ဢေးသျႃးၼႆႉ တႄႇဢဝ် လိူၼ်ၵျုၼ်ႇတေႃႇ ဢေႃးၵၢတ်ႉ 2016 ယဝ်ႉ။

သျီႇၼႆႉ မၼ်းလႆႈၶဝ်ႈပႃးတူင်ႉၼိုင်တီးၼႂ်း လွင်ႈထႆႇၶႅပ်းႁၢင်ႈတႃႇ မႅၵ်ႉၵၸိၼ်းၾႅတ်ႉသျိၼ်ႇ လၢႆဢၼ်ယဝ်ႉ။ ဝၢႆးလင်မႃး မၼ်းယုၵ်ႉၸိုဝ်ႈသဵင်မၼ်း ၶိုၼ်ႈမႃးသုင်သေ လႆႈႁပ်ႉသူး "Best New Artist" ယဝ်ႉ။ လုၵ်ႉတီႈ တေႇတႃႇသႅၼ်ႇတႃႇ သိင်းလၢင်ႉ ဝူၺ်ပူဝ် သေ လႆႈဢဝ်ၸိုဝ်ႈမၼ်း သႂ်ႇၼႂ်းသဵၼ်ႈမၢႆ ၽူႈၸိုဝ်ႈယႂ်ႇသဵင်လူင် 20 ၵေႃႉ တီႈ ဝူၺ်ပူဝ် သေ မၼ်းႁပ်ႉလႆႈ ထႅင်ႈႁူဝ်ၶေႃႈ "New Trend Idol of the year" တီႈ Star Magazine ယဝ်ႉ။ လိူဝ်သေၼၼ်ႉဢမ်ႇၵႃး ယွၼ်ႉၵူၼ်းလႆႈၸႂ်မၼ်း ၼမ်မႃးလႄႈ တီႈပၼ်ၵၢင်ၸႂ်ၵမ်ႉၼမ်ၼႆႉ မၼ်းလႆႈ တီႈၼိုင်ႈမႃးယဝ်ႉ။ မၼ်းထုၵ်ႇၽိတ်ႈမွၵ်ႇ ပဵၼ်ၶႅၵ်ႇၶိုၼ်ႈႁွတ်ႈတီႈ ပွႆးသျူဝ်းရေႇတီႇယူဝ်ႇ မိူၼ်ၼင်ႇ Billboard Radio China TofuPOP Radio - BEC Tero Radio တီႈမိူင်းထႆး, Yang Lan 8 p.m. Show, Hongdou Live Interview, FM 101.7 Music Kaleidoscope, လႄႈ NetEase Cloud Music (Xu Weizhou Cold Jokes), ၸဵမ် web shows လႄႈ live streaming events ၸိူဝ်းၼႆႉယဝ်ႉ။

တီႇသႅမ်ႇပႃႇ 8 မႃး မၼ်းပိုၼ်ဢွၵ်ႇ ၶႅပ်းၵႂၢမ်းၵေႃႉလဵဝ် "Fun" ဢၼ်ဢဝ်ထၢၼ်ႈတီႈၼိုင်ႈဝႆႉတီႈ လွၵ်းသဵၼ်ႈလၢႆဢၼ်ၼၼ်ႉယဝ်ႉ။ ဢၼ်ပဵၼ် ငဝ်းတူင်ႉၽဵင်း ပဵၼ်တၢင်းၵၢၼ်မၼ်းတႄႉ လႆႈပိုၼ်ဢွၵ်ႇ မိူဝ်ႈ တီႇသႅမ်ႇပႃႇ 15 ဝၼ်းၼၼ်ႉယဝ်ႉ။ လွင်ႈၸိုဝ်ႈလိုဝ်းလင်မၼ်းၼႆႉ ထုၵ်ႇဢဝ်မၼ်းတၢင်ႇထၢၼ်ႈ ထိုင်ဢွင်ႈတီႈ 37 တီႈ ၼႂ်း ၵူၼ်းၸိုဝ်ႈလိုဝ်းလင် လႄႈ ၽူႈႁူမ်ႇငမ်းပၢႆးမၢၵ်ႈမီး ၼႂ်းၽူႈၸိုဝ်ႈလိုဝ်းလင် မိူင်းၶႄႇ 50 ၵေႃႉ ဢၼ် Data Win လႆႈႁဵတ်းသဵၼ်ႈမၢႆဝႆႉၼၼ်ႉယဝ်ႉ။

2017: သျူဝ်းႁူဝ်ႁႅၵ်ႇတင်းၼမ် လႄႈ လွင်ႈတူင်ႉၼိုင် ပွတ်းပိတ်း

ပွတ်းလႃႈ ၸၼ်ႇဝႃႇရီႇၼၼ်ႉ သျီႇႇလႆႈၼႄ ပဵၼ်တၢင်းၵၢၼ် လွင်ႈ Intangible Her,ၵူႈမဵဝ်းမဵဝ်း ဢၼ်ပိုၼ်ၼႄ တီႈ Tencent Videoၼၼ်ႉယဝ်ႉ။ လွင်ႈဢွင်ႇမၢၼ် သျူဝ်းၵူႈမဵဝ်းမဵဝ်း ၸိူဝ်းမၼ်းၼႄမႃးၼၼ်ႉသေ ၼႂ်းၵႃႈ ၵူၼ်းၸိုဝ်ႈလိုဝ်းလင် ၵူႈၽၢႆႇၽၢႆႇၵူႈမဵဝ်းမဵဝ်း 10 ၵေႃႉၼၼ်ႉ ၼႂ်းၶိုင်ႈပီၼၼ်ႉၵူၺ်း မၼ်းႁွတ်ႈၽႅဝ်ထိုင် ဢွင်ႈတီႈ 5 ယဝ်ႉ။ ပွတ်ႈလႃႈ လိူၼ်မၢတ်ႉၶျ်မႃး သျီႇလႆႈႁွင်ႉၵႂၢမ်း "The Heroes" ၽၢႆႇၶႄႇ ဢၼ်ပဵၼ်ၵႂၢမ်းငဝ်းတူင်ႉ ၶၼေႇတီႇယႅၼ်ႇ Snowtime! ဢၼ် Simple Plan ၵေႃႉႁဵတ်းမႃးၼၼ်ႉသေ မၼ်းလႆႈၽႅဝ်တီႈၸိၵ်း Billboard China V chart လႄႈ Mandarin chart ၼႂ်းဝူင်ႈလဵဝ်ႈၵၼ် ပဵၼ်ထူၼ်ႈၵမ်းသွင်ယဝ်ႉ။ လိူၼ်မၢတ်ႉၶျ် 4 ဝၼ်းမႃး မၼ်းလႆႈႁဵတ်းသၢင်ႈ ၵႂၢမ်း Live တင်း ၸုမ်းတွႆႇတိုင်ႈ ရွၵ်ႉၶ် တီႈ ပေႇၵျိင်းယဝ်ႉ။ ၼၼ်ႉသေဢမ်ႇၵႃး ၽွင်းႁဵတ်းပၢင်ၸႅင်ႈၶၢဝ်ႇ ငဝ်းတူင်ႉလုၵ်ႈဢွၼ်ႇၼၼ်ႉ လုၵ်ႉတီႈ လုမ်းၽွင်းမိူင်း ၶၼေႇတီႇယႅတ်ႇ လႄႈ ၸုမ်းငဝ်းတူင်ႉလုၵ်ႈဢွၼ်ႇ ၶဝ် မၼ်ႈၸႂ်ပၼ်မၼ်း သူးၽွင်းမိူင်း တႃႇ "လွင်ႈလႅၵ်ႈလၢႆႈ ၽိင်ႈငႄႈ ၶႄႇ-ၶၼေႇတီႇယႅၼ်ႇ" လႄႈ "လွင်ႈယုၵ်ႉယွင်ႈ ငဝ်းတူင်ႉလုၵ်ႈဢွၼ်ႇ" ၼၼ်ႉယဝ်ႉ။

ဢေႇပရႄႇ 1 ဝၼ်းၼၼ်ႉ သျီႇလႆႈ ၶိုၼ်ႈႁွတ်ႈ ၼင်ႇ ၶႅၵ်ႇ တီႈ သျူဝ်းၽဵင်းၵႂၢမ်း Global Chinese Music Chart (ဢၼ်တိုၵ်ႉ ၼႄဝႆႉယူႇတီႈ CCTV15) ၼၼ်ႉသေ မၼ်းလႆႈ ႁွင်ႉၵႂၢမ်းမၼ်း ဢၼ်ပဵၼ် "Fun" ၼၼ်ႉယဝ်ႉ။ မၼ်းထုၵ်ႇလိူၵ်ႈ တႃႇႁွင်ႉၵႂၢမ်း "Screaming Night" ဢၼ်ပဵၼ် ၽဵင်း တွၼ်ႈတႃႇ ပၢင်ပွႆး ၵၢင်ၶမ်ႈ iQIYI 2017 တီႈ ဢၼ်မၼ်းပိုၼ်ဢွၵ်ႇ ငဝ်းႁၢင်ႈသဵင်ၽဵင်းၵႂၢမ်းမၼ်းၼၼ်ႉယဝ်ႉ။

ၼႂ်းလိူၼ်မေႇ၊ မၼ်းလႆႈထုၵ်ႇ ဢၢပ်ပဵၼ် ၽွင်းတၢင် "Starlight" သေ မၼ်းပဵၼ် ၸဝ်ႈပၢႆးမွၼ်းမိူင်းၶႄႇလူင် ၵေႃႉထူၼ်ႈၼိုင်ႈ ဢၼ်ထုၵ်ႇၽိတ်ႈမွၵ်ႇၸူး Billboard Music Awards တီႈ လၢတ်ႉ ဝီးၵႅတ်ႉယဝ်ႉ။ ဝၢႆးသေၼၼ်ႉ မၼ်းလႆႈ လဵၼ်ႈၸိူင်း ပဵၼ်တူဝ်ၸိူင်းပိူင်လူင် တွၼ်ႈတႃႇ ၵၢၼ်ငဝ်းတူင်ႉ Vogue ဢၼ်ႁွင်ႉဝႃႈ Seize the Moment ဢၼ်ပဵၼ် ငဝ်းတူင်ႉပွတ်း ဢၼ်တႄႇပိုၼ်းဢွၵ်ႇ တီႈ Cannes Film Festival ၼၼ်ႉယဝ်ႉ။

ဝၢႆးသေ လွင်ႈဢွင်ႇမၢၼ် Light ယဝ်ႉသေ မၼ်းပိုၼ်ဢွၵ်ႇ first quarter ၶႅပ်းဢႄႇလ်ပမ်ႇၵေႃႉလဵဝ် ဢၼ်ပၼ်ႁူဝ်ၶေႃႈဝႆႉဝႃႈ The Time မိူဝ်ႈဝၼ်းတီႈ ဢေႃးၵၢတ်ႉ 10 ဝၼ်း ဢၼ်လႆႈၶၢႆ ၶႅပ်း 450,000 သေ ထုၵ်ႇၼႄႉၼွၼ်းပဵၼ် double platinum ၼၼ်ႉယဝ်ႉ။ ဢၼ်ပဵၼ် second quarter မၼ်းတႄႉ မၼ်းလႆႈ ပိုၼ်ဢွၵ်ႇတီႈၼိူဝ် ဢွၼ်ႇလၢႆး ပဵၼ် ၾရီး မိူဝ်ႈ ဢွၵ်ႇထူဝ်ႇပႃႇ 20 တီႈ ဝၼ်းၵိူတ်ႇ ထူၼ်ႈ 23 ၶူပ်ႇ သေ ဢၼ်ပဵၼ် third quarter မၼ်း လႆႈပိုၼ်ဢွၵ်ႇ မိူဝ်ႈ တီႇသႅမ်ႇပႃႇ 12 ၼၼ်ႉယဝ်ႉ။ မၼ်းထုၵ်ႇလိူၵ်ႈတႃႇ ႁွင်ႉၵႂၢမ်းၵိုၵ်းငဝ်းတူင်ႉ ဢၼ်ပဵၼ် တွၼ်ႈတႃႇ ငဝ်းတူင်ႉ ဢႅတ်ႉသျိၼ်ႇ ဢိင်းၵလဵတ်ႈ-ၶႄႇ S.M.A.R.T. Chase ဢၼ်ပၼ်ႁူဝ်ၶေႃႈဝႆႉဝႃႈ "Ruins of Time" မိူဝ်ႈ ဢေႃးၵၢတ်ႉ 23 ၼၼ်ႉသေ ၵႂၢမ်းၼၼ်ႉ ဢၼ်ပဵၼ် ၽူႈႁွင်ႉၵႂၢမ်းၸိုဝ်ႈသဵင်ယႂ်ႇ Jay Chou ၵေႃႉတႅမ်ႈဝႆႉၼၼ်ႉယဝ်ႉ။ ၵႂၢမ်းမၼ်း ဢၼ်ပဵၼ် "So What", "Leave Me Alone", လႄႈ "Ruins of Time" ၼႆႉ လႆႈမီးၼႂ်း ၸၼ်ႉ ၼိုင်ႈ တေႃႇ သၢမ် တီႈၼိူဝ် YinYueTai China V Chart တွၼ်ႈတႃႇ ငဝ်းတူင်ႉၽဵင်းၵႂၢမ်း ဢၼ်ၵူၼ်းတူၺ်းၼမ်သေပိူၼ်ႈ တႃႇ ဝူင်ႈထူၼ်ႈ 38 လႄႈ 39 ထပ်းၵၼ်ၼၼ်ႉယဝ်ႉ။

သႅပ်ႇထႅမ်ႇပႃႇ 1 ဝၼ်းၼၼ်ႉ မၼ်းလႆႈ ပိုၼ်ဢွၵ်ႇ ပပ်ႉၶႅပ်းႁၢင်ႈမၼ်း ဢၼ်ပဵၼ် ပွၵ်ႈၵမ်းဢွၼ်တၢင်းသုတ်း ဢၼ်ပၼ်ႁူဝ်ၶေႃႈဝႆႉဝႃႈ “This is Timmy” ဢၼ်လုၵ်ႉတီႈ Jingdong ၵေႃႉပိုၼ်ဢွၵ်ႇၼၼ်ႉယဝ်ႉ။ ဝၢႆးလင်မႃး လုၵ်ႉတီႈ CCTV လႆႈပိုၼ်ၽၢဝ်ႇပဵၼ်တၢင်းၵၢၼ်ဝႃႈ သျီႇၼႆႉ ၶဝ်ႈပႃးၼႂ်း ၽူႈႁွင်ႉၵႂၢမ်းပၢၵ်ႇၵေႃႉ ဢၼ်တႃႇႁွင်ႉၵႂၢမ်း "ၶႄႇ" ဢၼ်ပဵၼ် ၵႂၢမ်း တွၼ်ႈတႃႇယုၵ်ႉယွင်ႈ လွင်ႈၶိုၼ်းၽွတ်ႈႁႅင်းမိူင်းၶႄႇ ထူၼ်ႈတဵမ် 40 ပီၼၼ်ႉယဝ်ႉ။ မၼ်းလႆႈၶိုၼ်ႈႁွတ်ႈပႃး ပၢင်ပၼ်သူး Anhui TV Drama မိူဝ်ႈ တီႇသႅမ်ႇပႃႇ 16 ဝၼ်းၼၼ်ႉယဝ်ႉ။

လုၵ်ႉတီႈ သိင်းလၢင်ႉ ဝူၺ်ပူဝ် လႆႈဢွၵ်ႇၼႄ သဵၼ်ႈမၢႆ "လၢဝ်ၸိုဝ်ႈလိုဝ်းလင် 2017" ၼၼ်ႉ သျီႇၼႆႉ ၼႂ်းၵႃႈလၢဝ်ထႅၼ်ႈ 10 ၵေႃႉၼၼ်ႉ မၼ်းပဵၼ် ၵေႃႉထူၼ်ႈ 10 သေ ၵူၼ်းၸိူဝ်းၶိုၼ်းပိုၼ်ၽႄႈၽူတ်ႉၼၼ်ႉ မီးယူႇ 65.99 လၢၼ်ႉယဝ်ႉ။ ၽူတ်ႉမၼ်း တီႈ Sanya ၼၼ်ႉၵေႃႈ လႆႈထုၵ်ႇႁွတ်ႈထိုင် တီႈ 10 ၼႂ်းၵႃႈ ၽူတ်ႉ 10 ဢၼ် ဢၼ်ၸိုဝ်ႈလိုဝ်းလင်သေပိူၼ်ႈ သေ ၵူၼ်းသိုပ်ႇၽႄႈမၼ်းမီးၵႂႃႇ 6.69 လၢၼ်ႉယဝ်ႉ။ လိူဝ်သေၼၼ်ႉဢမ်ႇၵႃး ဢၼ်ပဵၼ် ၽဵင်းၵႂၢမ်း မၼ်း 15 Minutes for Craziness ၼၼ်ႉၵေႃႈ လႆႈႁွတ်ႈထိုင်တီႈ ထူၼ်ႈ သီႇ ၼႂ်းၵႃႈ ထႅၼ်ႈၽဵင်းၵႂၢမ်း 10 ႁူဝ်ၼၼ်ႉသေ ၵူၼ်းတူၺ်းမၼ်း မီးယူႇ 380 လၢၼ်ႉယဝ်ႉ။ ဢၼ်ပဵၼ် ငဝ်းတူင်ႉၽဵင်းမၼ်း "The Heroes" ဢၼ်ထုၵ်ႇတၢင်ႇၽူတ်ႉတီႈ ၽဵင်း Sina ၼၼ်ႉၵေႃႈ လႆႈႁွတ်ႈထိုင်တီႈ ထူၼ်ႈ သီ ၼႂ်းၵႃႈ ထႅၼ်ႈၽဵင်းၵႂၢမ်း 10 ႁူဝ်းသေ ၵူၼ်းလႆႈၸၼ်/ၵူၼ်းသိုပ်ႇၽႄႈ/ၵူၼ်းပၼ်ၶွမ်းမႅၼ်း မီးၵႂႃႇ 0.6 လၢၼ်ႉယဝ်ႉ။

2018: ပွႆးဢွၵ်ႇၼႃႈႁူဝ်ႁႅၵ်ႇ TV drama

လုၵ်ႉတီႈ 20th Century Fox လႆႈပိုၼ်ၽၢဝ်ႇဝႃႈ သျီႇၼႆႉ ထုၵ်ႇလိူၵ်ႈ တႃႇႁွင်ႉၵႂၢမ်းပရူဝ်ႇမူဝ်းသျိၼ်းၶႄႇ "Maze" ဢၼ် Harvey Mason Jr. ၵေႃႉႁဵတ်းဢွၵ်ႇ တႃႇ ငဝ်းတူင်ႉဢမေႇရိၵၢၼ်ႇ Maze Runner: The Death Cureၼၼ်ႉယဝ်ႉ။ မၼ်းလႆႈထုၵ်ႇ ၽိတ်ႈမွၵ်ႇ တႃႇၶဝ်ႈႁူမ်ႈတီႈ ပၢင်ပွႆး Galas ၶၢဝ်းမႆႈၶႄႇ တီႈ ႁူင်းပွႆႇငဝ်းႁၢင်ႈသဵင် ၸိုဝ်ႈသဵင်ယႂ်ႇသၢမ်ဢၼ် Dragon Television, Anhui Television, လႄႈ Beijing Television ၸိူဝ်းၼႆႉယဝ်ႉ။ ၸၼ်ႇဝႃႇရီႇ 31 မႃး မၼ်းလႆႈ ပိုၼ်ဢွၵ်ႇသၢမ်လိူၼ်ထူၼ်ႈသီႇ ၸိူဝ်းပဵၼ်ႁင်း The Time, "15 Minutes for Fantasy" ၼၼ်ႉယဝ်ႉ။ ဝၢႆးသေၼၼ်ႉ The Time ၼႆႉ လႆႈပိုၼ်ဢွၵ်ႇတီႈၼိူဝ် ဢွၼ်ႇလၢႆးတဵမ်တဵမ်ထူၼ်ႈထူၼ်ႈသေ မၼ်းလႆႈၸတ်းႁဵတ်း ပၢင်ၸႅင်ႈၶၢဝ်ႇ တွၼ်ႈတႃႇ ၶႅပ်းဢႄႇလ်ပမ်ႇ တီႈ ထၢႆႇဝၢၼ်း မိူဝ်ႈ ၾႅပ်ႇဝႃႇရီႇ 3 ဝၼ်းၼၼ်ႉယဝ်ႉ။

ၼႂ်းလိူၼ်ဢေႇပရႄႇၼၼ်ႉ လႆႈၶဝ်ႈႁူမ်ႈတီႈ ပရေႃးၵျႅၵ်ႉ SuperdrySounds ဢၼ်ပဵၼ်လွင်ႈလဝ်ႇမူၼ်ႈ ပႃႇတီႇၵမ်ႇၽႃႇ ဢၼ်ႁဵတ်းတီႈ လၼ်ႇတၼ်ႇ လႄႈ တီႈပၢင်ပွႆးၽဵင်းၵႂၢမ်းၸတေႃႇပႄႇရီႇ တီႈ သျင်ႇႁၢႆး ၼႂ်းလိူၼ်ၼၼ်ႉၼင်ႇၵဝ်ႇယဝ်ႉ။ ဢေႇပရႄႇ 16 ၼၼ်ႉ သျီႇတႄႇထႆႇငဝ်းတူင်ႉ တရႃႇမႃႇသီးရီး ဢၼ်မႂ်ႇ My Girlfriend ၼၼ်ႉယဝ်ႉ။

ၼႂ်းလိူၼ်မေႇ, သျီႇ ၼႆႉ မၼ်းလႆႈတႄႇၶဝ်ႈပႃးၼင်ႇၶႅၵ်ႇ တီႈ Give Me Five တီႈ Zhejiang TV တႃႇ သွင်တွၼ်ႈယဝ်ႉ။ ဝၢႆးလင်ၼၼ်ႉ ဢၼ်ပဵၼ်ဝႃးသျိၼ်းတီႇၵျိတ်ႇတႄႇ ၶွင် TheTime'ၼၼ်ႉ လႆႈပိုၼ်ဢွၵ်ႇပဵၼ်တၢင်းၵၢၼ် တီႈ မိူင်းထႆးသေ ၼႂ်း လိူၼ်မေႇ 16 တီႈ iTunes ၼၼ်ႉ ၸၼ်ႉမၼ်းထိုင်တီႈၼိုင်ႈယဝ်ႉ။ လိူၼ်မေႇ 26၊ သျီႇ ႁဵတ်းပၢင်ပွႆး တီႈ မိူင်းၵွၵ်ႇ ဢၼ်ပဵၼ် ၶၢဝ်းတၢင်းဢေးသျႃးပွၵ်ႈၵမ်းသွင်ၼၼ်ႉယဝ်ႉ။ တီႈ မေႇ 28၊ Tencent ပိုၼ်ၽၢဝ်ႇဝႃႈ သျီႇၼႆႉ ပဵၼ် ၽူႈမီးသုၼ်ႇလၢတ်ႈၶဝ် တွၼ်ႈတႃႇ ဢႅပ်ႉငဝ်းတူင်ႉပွတ်း Weishi ၼၼ်ႉ ၼႆယဝ်ႉ။

ၼႂ်းလိူၼ်ၵျုၼ်ႇ၊ ၼႂ်းသဵၼ်ႈမၢႆ ဢေးသျၢၼ်း ဢၼ်ၸၼ်ႁူဝ်ၸႂ် 100 ၵေႃႉ ဢၼ် Starmometer ပၼ်ထၢၼ်ႈ ၼၼ်ႉ သျီႇ ၽႅဝ်ဝႆႉတီႈ ထူၼ်ႈသၢမ်ယဝ်ႉ။

ၼႂ်းလိူၼ်ၵျူႇလၢႆႇၼၼ်ႉ သျီႇ လႆႈၶဝ်ႈႁူမ်ႈပႃးတီႈ Shake It Up သျူဝ်းတၢင်းၵႃႈ တီႈ Shanghai TVသေ တီႈပၢင်ၶႄႉၶဵင်ႇ ၸုပ်ႈလိုၼ်းသုတ်းၼၼ်ႉ လႆႈဢွင်ႇပႄႉ တီႈသွင်ယဝ်ႉ။ မိူဝ်ႈ ၵျူႇလၢႆႇ 5ၼၼ်ႉ လႆႈလုၵ်ႉတီႈ JD.com သေ လႆႈတႄႇၶၢႆထႃႈ ဢၼ်ပဵၼ်ၶႅပ်းၵႂၢမ်း The Time ၼၼ်ႉသေ ၼႂ်းၶၢဝ်းတၢင်း ၼိုင်ႈၸူဝ်ႈမူင်းၵူၺ်း လႆႈၶၢႆ ၼမ်လိူဝ် 13,000 ၶႅပ်းယဝ်ႉ။ ၵျူႇလၢႆႇ 10 ဝၼ်းမႃး ဢၼ်ပဵၼ် ၶႅပ်း The Time ဢၼ်ပဵၼ် ဝႃးသျိၼ်းထၢႆႇဝၢၼ်းၼၼ်ႉ လႆႈတႄႇၶၢႆထႃႈသေ တီႈၼႂ်းလွၵ်းသဵၼ်ႈၶၢႆၼၼ်ႉ မၼ်းၵိုင်ႉၵၢင်ႉႁွတ်ႈထိုင်ၵႂႃႇ တီႈၼိုင်ႈယဝ်ႉ။ ဝၢႆးလင်မႃး လုၵ်ႉတီႈ Entertainment Star Business လႆႈပိုၼ်ဢွၵ်ႇ သဵၼ်ႈမၢႆ ၽူႈၸိုဝ်ႈလိုဝ်းလင် ဢၼ်မီးၵႃႈၶၼ်ပၢႆးမၢၵ်ႈမီး တႃႇ 2018 ၼၼ်ႉ သျီႇၼႆႉ လႆႈမီးတီႈ ၸၼ်ႉထူၼ်ႈၼိုင်ႈ တီႈၼႂ်း ၸဝ်ႈပၢႆးမွၼ်း ဢၼ်မီးတိုဝ်းတၢင်းၸိၵ်းၸွမ်ၼၼ်ႉယဝ်ႉ။ မိူဝ်ႈ 2018 ၼၼ်ႉၵေႃႈ မၼ်းထုၵ်ႇမၵ်းမၢႆ ၸၼ်ႉ တီႈ Forbes 30 ၼႂ်းသဵၼ်ႈမၢႆ ၸဝ်ႈပၢႆးမွၼ်းၶႄႇ ဢၼ်ဢႃႇယု 30 လူင်းတႂ်ႈၼၼ်ႉယဝ်ႉ။

ၼႂ်း ဢွၵ်ႇထူဝ်ႇပႃႇၼၼ်ႉ သျီႇ လႆႈၶိုၼ်ႈႁွတ်ႈ ပၢင်ၵႅဝ်ႈလူပ်းလင် တီႈ ပွႆး Silk Road International Film ပွၵ်ႈထူၼ်ႈ 5 သေ လႆႈ လဝ်ႇမူၼ်ႈ တင်းၵႂၢမ်းမၼ်း ဢၼ်ပဵၼ် "Glory"ၼၼ်ႉယဝ်ႉ။ ၼႂ်းဢွၵ်ႇထူဝ်ႇပႃႇ 20 မၼ်းႁဵတ်းပၢင်ပွႆး ဢၼ်ဢမ်ႇလႆႈပၼ်ၵႃႈမၼ်း တီႈ ဝၼ်းၵိူတ်ႇမၼ်း ထူၼ်ႈ 24 ၶူပ်ႇ ၵႃးတီႈ Olympic Sports Center Gymnasium တီႈ ပေႇၵျိင်း သေ လႆႈပိုၼ်ဢွၵ်ႇပႃး ၵႂၢမ်းဢၼ်မႂ်ႇ "Everything About You" တွၼ်ႈတႃႇ ၽူႈပၼ်ႁႅင်းမၼ်းယဝ်ႉ။ မၼ်းထုၵ်ႇမၵ်းမၢႆၸၼ်ႉ ထူၼ်ႈ 70 ၼႂ်းၵႃႈ ၽူႈၸိုဝ်ႈလိုဝ်းလင်ပၢႆးမၢၵ်ႈမီးၵႃႈၶၼ်ၶႄႇ ထႅၼ်ႈ 100 ၵေႃႉၼၼ်ႉယဝ်ႉ။

ၼူဝ်ႇဝႅမ်ႇပႃႇ 19 ဝၼ်း လႆႈပိုၼ်ၽၢဝ်ႇဝႃႈ သျီႇၼႆႉ လႆႈၶဝ်ႈပႃးတူင်ႉၼိုင်ၼႂ်း တရႃႇမႃႇလဵၼ်ႈႁႅင်း ဢၼ်လႆႈၸိုဝ်ႈဝႃႈ Ping Pong ၼၼ်ႉယဝ်ႉ။ ဝၢႆးလင်ၼၼ်ႉ မၼ်းလႆႈထုၵ်ႇလိူၵ်ႈ တႃႇႁွင်ႉၵႂၢမ်းပိူင်လူင် တွၼ်ႈတႃႇ ၸုမ်းၵူၼ်းၼုၼ် ၶွမ်ႇမျူႇၼိတ်ႉၶႄႇ လႄႈ ပွႆးယုၵ်ႉယွင်ႈ ၶိုၼ်းၵေႃႇသၢင်ႈ မိူင်းၶႄႇ တဵမ် 40 ပီ ၼၼ်ႉယဝ်ႉ။ ၼႂ်းတီႇသႅမ်ႇပႃႇ မၼ်းၶိုၼ်ႈႁွတ်ႈ New Year Global Gala 2019 ၶွင် Beijing Televisionၼၼ်ႉယဝ်ႉ။

2019 – တေႃႇယၢမ်းလဵဝ်: ငဝ်းတူင်ႉႁူဝ်ႁႅၵ်ႈ

ၼႂ်း ဢေႇပရႄႇ၊ သျီႇ လႆႈတႄႇထႆႇငဝ်းတူင်ႉ တွၼ်ႈတႃႇ ထီႇဝီႇသီးရီးဢၼ်မႂ်ႇ ဢၼ်လႆႈၸိုဝ်ႈဝႃး Dear Mayang Streetၼၼ်ႉယဝ်ႉ။ ဝၢႆးလင်မႃး မၼ်းထုၵ်ႇလိူၵ်ႈ တႃႇႁွင်ႉၵႂၢမ်းပိူင်လူင် တႃႇ ပႆႇၺႃႇသမႃႇထိၵူၼ်းၼုမ်ၶႄႇယဝ်ႉ။

ၼႂ်းလိူၼ်မေႇ၊ သျီႇလႆႈ တၢင်တူဝ်ၸၢႆးငဝ်းၼၢင်းငဝ်းၼုမ်ႇၵတ်ႉၶႅၼ်ႇသေ လႆႈၶိုၼ်ႈႁွတ်ႈ Hunan TV Gala တွၼ်ႈတႃႇ တီႈမၢႆတွင်း ထူၼ်ႈ 100 ပီ ႁင်း လွင်ႈတူင်ႈၼိုင်မေႇထူၼ်ႈသီႇၼၼ်ႉယဝ်ႉ။ လိူဝ်သေၼၼ်ႉဢမ်ႇၵႃး မၼ်းလႆႈပဵၼ် ၽွင်းတၢင်ၶဝ်သေ လႆႈၶိုၼ်ႈႁွတ်ႈ ပွႆး Beijing Winter Olympics Countdown 1,000 ဝၼ်းၼၼ်ႉယဝ်ႉ။ ဢၼ်ၼႆႉမၼ်းပဵၼ် ပွၵ်ႈဢွၼ်တၢင်းသုတ်း ဢၼ်သျီႇ လႆႈႁဵတ်း MCတႃႇ ပၢင်ပွႆး သေ မၼ်းလႆႈဢဝ်ၵႂၢမ်းမၼ်း "Glory" လဝ်ႇမူၼ်ႈတီႈၼိူဝ် ၶဵင်ႇယူႇယဝ်ႉ။

ၼႂ်းလိူၼ်ၵျုၼ်ႇ၊ မၼ်းထုၵ်ႇယိုၼ်ႈဢၢပ်ႈပဵၼ် ၽွင်းတၢင် Youth Film A ၶွင် Shanghai International Film Festival ၼၼ်ႉယူႇ။

2016

ၼႂ်း ပီ 2016 ၼၼ်ႉ သျီႇ လႆႈထုၵ်ႇၽိတ်ႈမွၵ်ႇပဵၼ် ၶႅၵ်ႇ တႃႇၶိုၼ်ႈႁွတ်ႈ တီႈ ပၢင်ပွႆးၾႅတ်ႇသျိၼ်ႇလၢႆဢၼ် ဢၼ်ၸတ်းႁဵတ်း တီႈမိူင်းၶႄႇ ၶဝ်ႈပႃး ၸိူဝ်းပဵၼ် Madame Figaro ဢၼ်ပဵၼ် French Excellence Awards၊ ၶွပ်ႈၶူပ်ႇသီႇပီ ၶွင် OK! Magazine Awards၊ ပွႆးပႃႇတီႇၶဝ်ႈၶမ်ႈ ႁင်း Damiani၊ ထူင် Versace 7 ထူင် တႃႇ ပၢင်ပွႆး 7 ဝဵင်း၊ iFeng Fashion Choice Awards၊ ပွႆးၾႅတ်ႇသျိၼ်ႇ PEACEBIRD Woman 2017 S/S၊ ၶမ်ႈၾႅတ်ႇသျိၼ်ႇ ႁင်း L'Officiel'၊ ပွႆး GEM DREAM BVLGARI x Vogue၊ ပွႆးၶွပ်ႈၶူပ်ႇ 11 ပီ ႁင်း Vogue၊ ပွႆးၽူႈပၼ်ႁႅင်း Sina Weibo၊ ၵေႃႉၸၢႆး တႃႇၼိုင်ႈပီ ႁင်း Bazaar၊ ပၢင်ပွႆးသူးၶႅမ်ႉသူး ႁင်းမၼ်း တီႈ ၵေႃႉၸၢႆး Esquire ထူၼ်ႈ 13၊ ပၢင်ပွႆးပၼ်သူး Trendshealth၊ ပၢင်ပွႆးပၼ်သူး သတၢႆႇ ELLE လႄႈ ပၢင်ပွႆး Shanghai Divine Michelangelo ၸိူဝ်းၼႆႉယဝ်ႉ။

ၼႂ်းလိူၼ်ၵျူႇလၢႆႇ လုၵ်ႉတီႈ China Luxury, Beauty လႄႈ Fashion Insights လႆႈပိုၼ်ဢွၵ်ႇ ထႅၼ်ႈ ၽူႈႁူမ်ႇငမ်းလႆႈ တီႈၽၢႆႇ ၾႅတ်ႇသျိၼ်ႇဢၼ်မီးၵႃႈၶၼ်သေပိူၼ်ႈ တႃႇ 100 ၵေႃႉ ဢၼ်ဢိင်ၼိူဝ် Key Opinion Leader Index (KOLs) ၼၼ်ႉသေ မၼ်းလႆႈထုၵ်ႇ မၵ်းမၢႆၸၼ်ႉထူၼ်ႈသီႇ တီႈ ၵၼ် ၽူႈၸိုဝ်ႈလိုဝ်းလင် တီႈ ဝူၺ်ပူဝ် ၼၼ်ႉယဝ်ႉ။ လိူဝ်သေၼၼ်ႉဢမ်ႇၵႃး ဢၼ်ပဵၼ် ၵႅဝ်ႈတႃ Timmy Xu Limited Edition ဢၼ်လုၵ်ႉတီႈ INMIX ပိုၼ်ဢွၵ်ႇ ၼၼ်ႉၵေႃႈ လႆႈပဵၼ်သွႆႉ ဢၼ်ၶၢႆလီသုတ်းသေ လႆႈၶၢႆမႃး 4,672 ဢၼ်ယဝ်ႉ။

2017

ၼႂ်းပီ 2017၊ သျီႇလႆႈထုၵ်ႇၼႄႁၢင်ႈတီႈ ၼႃႈသိူဝ်ႈဢွၼ်တၢင်းသုတ်း တီႈ “Men's Uno Young” ဢၼ်ပဵၼ် မႅၵ်ႉၵၸိၼ်းဢၼ်မႂ်ႇ တႃႇ ၼေႃႇတႅၼ်းၶိူဝ်းၶႄႇ ၸိူဝ်းၵိူတ်ႇဝၢႆးလင် ပီ 1990 ၼၼ်ႉယဝ်ႉ။ ၶႅပ်းႁၢင်ႈမၼ်းၼႆႉ လႆႈထုၵ်ႇပိုၼ်ဢွၵ်ႇတီႈ Men's Uno ထၢႆႇဝၢၼ်း limited edition ၼၼ်ႉယဝ်ႉ။ ဝၢႆးသေၼၼ်ႉ မၼ်းထုၵ်ႇ ၽိတ်ႈမွၵ်ႇၸူး ပွႆး Condé Nast Centuryႁင်း Vogue၊ ပၢင်ၵႅဝ်ႈပိုတ်ႇၽုၺ်ႇ Kenzo ႁွင်းၵွင်း၊ Longines Global Champions Tour သျင်ႇႁၢႆး ပႃႇတီႇပွတ်းၶမ်ႈ Tiffany & Co ၊ , ပၢင်ပွႆး Fendi PEEKABOO ၊ ပွႆးၼႄငဝ်းတူင် Vogue ၊ ပွႆးပႃႇတီႇၽဵင်း လၼ်ႇတၼ်ႇ Superdry ၊ Valentino's I Love Spike ၊ ပွႆး ႁင်း Mika Ninagawa ၊ ပွႆးပၼ်သူးၶႅမ်ႉသုတ်း ၸၢႆး Esquire ၶွပ်ႈၶူပ်ႇ 14 ပီ ၊ ပွႆးတၢင်ႉႁႅင်းၾႅတ်ႇသျိၼ်ႇၸွမ်းတၢင်း Grazia ၶွပ်ႈၶူပ်ႇ 60 ပီ ၊ ၶမ်ႈၾႅတ်ႇသျိၼ်ႇ ႁင်း L'Officiel ၊ ပွႆးပႃႇတီႇၶွပ်ႈၶူပ်ႇ ၵူၼ်းၼုမ်ႇ Men's Uno လႄႈ ပွႆးၶွပ်ႈၶူပ်ႇ 150 ပီ ႁင်း Bazaar ၸိူဝ်းၼႆႉယဝ်ႉ။

လိူဝ်သေၼၼ်ႉဢမ်ႇၵႃး မၼ်းထုၵ်ႇ Givenchy ၽိတ်ႈမွၵ်ႇ မၼ်းပဵၼ်ၼင်ႇၶႅၵ်ႇ တႃႇၶိုၼ်ႈႁွတ်ႈ F/W 2017 Men's Paris Fashion Week တီႈ ၾရၢင်ႇသဵတ်ႈယဝ်ႉ။ တီႈၸိၵ်းပၢႆၼၼ်ႉ ဢၼ်ပဵၼ် ငဝ်းတူင်ႉတီႇၵျိတ်ႇတႄႇ ၾႅတ်ႇသျိၼ်ႇမၼ်းၼၼ်ႉ ပဵၼ်ႁူဝ်ၶေႃႈ ဢၼ်လိုဝ်းလင်မႃး ၽွင်းၶၢဝ်းယၢမ်းၼၼ်ႉယူႇ။ ၽူတ်ႉ လႄႈ တူၺ်း တီႈသူဝ်ႇသျႄႇၼၼ်ႉၵေႃႈ မၼ်းလႆႈပူၼ်ႉလၵ်းမၢႆတွင်း သေ ၵၼူ်းတူၺ်းမၼ်း ၵူၼ်းလူဢၢၼ်ႇမၼ်းမီးၼမ်လိူဝ် 500 လၢၼ်ႉယဝ်ႉ။ တီႈ လိူၼ်မၢတ်ႉၶျ် 8 ဝၼ်းၼၼ်ႉ မၼ်းလႆႈ ထုၵ်ႇ Moncler Gamme Rouge လႄႈ Louis Vuitton ၶဝ် ၽိတ်ႈမွၵ်ႇ တႃႇၶိုၼ်ႈႁွတ်ႈ F/W 2017 Women's Paris Fashion Week ၼၼ်ႉယဝ်ႉ။

ၼႂ်းလိူၼ်ဢေႇပရႄႇၼၼ်ႉ မၼ်းထုၵ်ႇပိုၼ်ၽၢဝ်ႇပဵၼ်တၢင်းၵၢၼ် ၼင်ႇ ၽွင်းတၢင်တူဝ် တႃႇ Men's Health ၶွပ်ႈၶူပ်ႇ 14 ပီ လႄႈ Italian luxury brand Fendi ၼႂ်းၵျုၼ်ႇသေ လႆႈပဵၼ်ၼင်ႇ ၽွင်းတၢင်တူဝ် မိၵ်ႈမၢႆ တၢင်ႉႁႅင်း ဢၼ်မႂ်ႇယဝ်ႉ။ ဝၢႆးလင်မႃး Givenchy လႆႈတႅပ်းတတ်း တႃႇ လိူၵ်ႈမၼ်း၊ KOLs ဢၼ်ၸိုဝ်ႈသဵင်လိုဝ်းလင် တီႈၼႂ်းၵႄႈ သၢႆသိုပ်ႇ Gen Y ၼၼ်ႉသေ ပဵၼ်တွၼ်ႈတႃႇ ပၢင်သူၼ်းတုမ် ဝၼ်းမႄႈ ၶႄႇ Chinese Mother's Day ၼၼ်ႉယဝ်ႉ။ မၼ်းထုၵ်ႇတၢင်ႇသဵၼ်ႈမၢႆ ၼင်ႇ ၼႃႈဢၼ်ၸိုဝ်ႈလိုဝ်းလင် တီႈၼႂ်း လွၵ်းၵၢတ်ႇသိူဝ်ႈၶူဝ်းမိူင်းၶႄႇ လႄႈ ပဵၼ်ၵေႃႉဢၼ်ၶဝ်ႈပႃးၵေႃႉၼိုင် တီႈၼႂ်း ၽူႈၸိုဝ်ႈလိုဝ်းလင် ၾႅတ်ႇသျိၼ်ႇ ၼႂ်းလွၵ်းၵၢတ်ႇၶူဝ်းၶိုၵ်ႉတွၼ်း ဢၼ် New York Digital Marketing Agency ၵေႃႉႁဵတ်းၼၼ်ႉယဝ်ႉ။ ဝၢႆးသေၼၼ်ႉ INMIX ဢၼ်ပဵၼ် မိၵ်ႈမၢႆၶူဝ်းၶိူင်ႈတိုဝ်းတႃ လႆႈပိုၼ်ဢွၵ်ႇႁၢင်ႈလူၼ်ႉထိမ်ႇမီႇ ဢၼ်လႆႈသုၼ်ႇၶိုၵ်ႉတွၼ်းတီႈ Emoji® ၼၼ်ႉယဝ်ႉ။ ၽွၼ်းလင်မၼ်းတႄႉ မၼ်းထုၵ်ႇၽိတ်ႈမွၵ်ႇထိုင် Louis Vuitton S/S 2018 Men's Paris Fashion Week တီႈ လိူၼ်ၵျုၼ်ႇ 22 ဝၼ်း ၊ the Coach S/S 2018 Women's New York Fashion Week တီႈ သႅပ်ႇထႅမ်ႇပႃႇ 12 ဝၼ်း ၊ လႄႈ Givenchy S/S 2018 Women's Paris Fashion Week တီႈ ဢွၵ်ႇထူဝ်ႇပႃႇ 1 ဝၼ်းၼၼ်ႉယဝ်ႉ။

မၼ်းၼႆႉပဵၼ် ၸၢႆးငဝ်းၶႄႇဢၼ်ၸိုဝ်ႈလိုဝ်းလင် ၵေႃႉဢွၼ်တၢင်းသုတ်း ဢၼ်ပဵၼ်မႃး ၼႃႈတႃ ႁင်း မိၵ်ႈမၢႆၶူဝ်းႁၢင်ႈၶိူင်ႈ ၵၢဝ်းလီၸၢၼ်း Laneige တီႈၼႂ်းမိူင်းၶႄႇၼၼ်ႉယဝ်ႉ။ လိူဝ်သေၼၼ်ႉဢမ်ႇၵႃး ၼႂ်းၵႃႈ ၶိုင်ႈပီ ပီ 2017 ၼၼ်ႉ ဢၼ်ပဵၼ် Key Opinion Leader Index (KOLs) ႁင်း Bomoda China ၼၼ်ႉ သျီႇၼႆႉ ၼႂ်းၵႃႈ ထႅၼ်ႈၵူၼ်းၸိုဝ်ႈလိုဝ်းလင် 30 လႄႈ ၼႂ်းၵႃႈ ထႅၼ်ႈၽူႈသိုဝ်ႉၸႂ်ႉၶူဝ်းၶွင်လွၵ်းၵၢတ်ႇၶႄႇ 10 တီႈၼၼ်ႉ လႆႈမီးတီႈ ထူၼ်ႈသီႇ ၼႆယဝ်ႉ။ ဢွၵ်ႇထူဝ်ႇပႃႇ 23 ၼၼ်ႉ သျီႇ လႄႈ တင်း ၸိူဝ်းပဵၼ် Dunhill လႄႈ Esquire ၶွင်ၶႄႇ လႆႈပိုၼ်ဢွၵ်ႇ ငဝ်းတူင်ႉၾႅတ်ႉသျိၼ်ႇဢၼ်ပွတ်းဢၼ်ၼိုင်ႈ ဢၼ်ႁွင်ႉၸိုဝ်ႈဝႃႈ "Urban Symphony" ဢၼ်ထႆႇတီႈ ႁၢင်ႇၵေႇရီႇ ၼၼ်ႉယဝ်ႉ။ ၸွမ်းလူၺ်ႈ ၶေႃႈပိုၼ်ဢွၵ်ႇၵူႈပီ တီ လွၵ်းၵၢတ်ႇ ၵႅဝ်ႈသႅင်ငိုၼ်းၶမ်း ဢၼ် L2's Digital IQ Index : Luxury China ႁဵတ်းၼၼ်ႉ လႆႈၼႄဝႆႉဝႃႈ ယွၼ်ႉ သျီႇယုၵ်ႉပၼ် ႁႅင်းၶၢႆတီႈဢွၼ်ႇလၢႆး ဢၼ်ႁဵတ်းတီႈဝူၺ်ပူဝ်ၼၼ်ႉသေ ႁႅင်းၶၢႆ Tiffany & Co ၼႆႉ လႆႈၶိုၼ်ႈသုင်မႃးၼႆယဝ်ႉ။

ၼူဝ်ႇဝႅမ်ႇပႃႇ 20 ၊ မၼ်းထုၵ်ႇၽိတ်ႈမွၵ်ႇ ၼင်ႇ ၶႅၵ်ႇၶိုၵ်ႉတွၼ်း တႃႇၶိုၼ်ႈႁွတ်ႈ ၶွပ်ႈၶူပ်ႇ Victoria's Secret Fashion Show ဢၼ်ၸတ်းႁဵတ်းတီႈ သျင်ႇႁၢႆး သေ မၼ်းထုၵ်ႇသႂ်ႇတီႈၼႂ်း သဵၼ်ႈမၢႆ ၵေႃႉၸၢႆး 10 ၵေႃႉ ဢၼ်ၼုင်ႈၶူဝ်းလဝ်းလႅတ်းလီ ၼႂ်းၵမ်ႇၽႃႇ ဢၼ်ပဵၼ်ႁင်း British GQ' ၼၼ်ႉယဝ်ႉ။ ၼႂ်း တီႇသႅမ်ႇပႃႇ ၊ သျီႇ ထုၵ်ႇပိုၼ်ၽၢဝ်ႇဝႃႈ မၼ်းၼႆႉ ပဵၼ် ၸဝ်ႈပၢႆးမွၼ်းတီႈ မိူင်းလူင် ဢၼ်ပဵၼ် ၵေႃႉၵမ်းဢွၼ်တၢင်းသုတ်း ဢၼ်တႃႇ ၶဝ်ႈႁူမ်ႈပရေႃးၵျႅတ်ႉ တင်း မိၵ်ႈမၢႆသိူဝ်ႈၶူဝ်းဢိင်းၵလဵတ်ႈၵူႈၸိုင်ႈမိူင်း Superdry ၼၼ်ႉယဝ်ႉ။ ဢၼ်ပဵၼ် limited collection ၶဝ်တီႈ Tmall ၼၼ်ႉ လႆႈၶၢႆမူတ်းၵႂႃႇ ၼႂ်းၶၢဝ်းတၢင်း 100 လဵတ်း (100 seconds) ထႅင်ႈ သွင်ၸူဝ်ႈမူင်းၸမ်ႉ ၸိူဝ်းပဵၼ် လၢၼ်ႉ တီႈ ပေႇၵျိင်း၊ သျင်ႇႁၢႆး လႄႈ ၶျႅၼ်ႇတူး ၸိူဝ်းၼႆႉၵေႃႈ လႆႈၶၢႆမူတ်းသဵင်ႈသဵင်ႈယဝ်ႉ။ လွင်ႈဢွၵ်ႇႁၢင်ႈမၼ်း တီႈ ၼႃႈသိူဝ်ႈ Men's Uno ၼၼ်ႉ ၼႂ်းၵႃႈ ႁၢင်ႈၼႃႈသိူဝ်ႈ မႅၵ်ႉၵၸိၼ်းၵူၼ်းၸၢႆး ထႅၼ်ႈ 10 ဢၼ် ဢၼ် ပလွၵ်ႉၾႅတ်ႉသျိၼ်ႇၸိုဝ်ႈလိုဝ်းလၼ် FashionModels ၵေႃႉႁဵတ်းဝႆႉၼၼ်ႉ မၼ်းထုၵ်ႇသႂ်ႇ တီႈသဵၼ်ႈမၢႆ ထူၼ်ႈၵဝ်ႇ ယဝ်ႉ။

2018

ၼႂ်းပီ 2018၊ မိူဝ်ႈ ၸၼ်ႇဝႃႇရီႇ 4 ဝၼ်းၼၼ်ႉ ဢၼ်ပဵၼ် COACH ၶွင်ၶႄႇ လႆႈယိုၼ်ႈဢၢပ်ႈမၼ်းပဵၼ် ၽူႈမွၵ်ႇလၢတ်ႈၶူးလၢႆးၸၢႆး ၵေႃႉဢွၼ်တၢင်းသုတ်းယဝ်ႉ။ ဝၢႆးလင်ၼၼ်ႉ သျီႇ လႆႈပဵၼ်ၼင်ႇ ၽူႈတၢင်တူဝ်မိၵ်ႈမၢႆၶူဝ်းၶွင် တၢင်ႉႁႅင်းမႂ်ႇ ၶွင် Fendi သေ လႆႈၶိုၼ်ႈႁွတ်ႈ Fendi's F/W 2018 Men's Milan Fashion Weekယဝ်ႉ။ ယဝ်ႉၵေႃႈ မၼ်း လႆႈၶိုၼ်ႈႁွတ်ႈ Alexander McQueen's F/W 2018 Men's Paris Fashion Week ၼင်ႇ ၸဝ်ႈပၢႆးမွၼ်းၸၢႆး ၶႄႇ ၵေႃႉၵမ်းဢွၼ်တၢင်းသုတ်း ဢၼ်ထုၵ်ႇၽိတ်ႈမွၵ်ႇၼၼ်ႉယဝ်ႉ။ ဝၢႆးၼၼ် မၼ်းထုၵ်ႇပိုၼ်ၽၢဝ်ႇပဵၼ်တၢင်းၵၢၼ် ၼင်ႇ ၽူႈတၢင်တူဝ် မိၵ်ႈမၢႆၶူဝ်းၶွင်ႇသတၢႆႇဢၼ်မႂ်ႇ တွၼ်ႈတႃႇ Tiffany & Co. ၊ လႄႈ ၽူႈလၢတ်ႈၵႂၢမ်းၵမ်ႇၽႃႇ တွၼ်ႈတႃႇ မိၵ်ႈမၢႆၶူဝ်းၶွင်ဢိင်းၵလဵတ်ႈ Superdryၼၼ်ႉယဝ်ႉ။

မၼ်းထုၵ်ႇၽိတ်ႈမွၵ်ႇၸူး Laneige's Cushion Dream Factory Night, the Fendi Newsstand event, ပွႆးပႃႇတီႇ သဵင် Superdry ၶွင် သျင်ႇႁၢႆး ၊ Daniel Wellington's My Classic Night Out, the Coach x Disney Dark Fairytale, Vogue's film premier ၊ ပၢင်ပွႆး လဵၼ်ႈႁႅင်း the Men's Uno ၊ ပွႆးပႃႇတီႇၶွပ်ႈၶူပ်ႇ ႁင်း Nylon ၊ ပွႆးၶွပ်ႈၶူပ်ႇ 30 ပီ ႁင်း Elle ၊ the Laneige x Line Friends event ၊ ပွႆးပႃႇတီႇ မွၵ်ႇၸႄႈTiffany & Co. ၶွင် သျင်ႇႁၢႆး လႄႈ ပၢင်ပွႆး Roberto Cavalli ၶွင် ႁွင်းၵွင်း ၸိူဝ်းၼႆႉယဝ်ႉ။ ဢေႇပရႄႇ 11 ဝၼ်းၼၼ်ႉ မၼ်းၶိုၼ်ႈႁွတ်ႈ ပွႆးပႃႇတီႇၵမ်ႇၽႃႇ သဵင် Superdry တီႈ လၼ်ႇတၼ်ႇ ၼင်ႇ ပဵၼ် ၽူႈတၢင်တူဝ်မိၵ်ႈမၢႆၵမ်ႇၽႃႇၼၼ်ႉယဝ်ႉ။ မေႇ 3 ဝၼ်းမႃး မၼ်းဢွၵ်ႇၼႄႁၢင်ႈတီႈ Tiffany & Co. flagship store တီႈ Fifth Avenue, New York တွၼ်ႈတႃႇ ၶိုၼ်ႈႁွတ်ႈ ပွႆးမွၵ်ႇၸႄႈ Tiffany ၼင်ႇပဵၼ် ၽူႈတၢင်တူဝ်သတၢႆႇမိၵ်ႈမၢႆ ယဝ်ႉ။ မေႇ 19 ဝၼ်း သျီႇ လႆႈၶိုၼ်ႈႁွတ်ႈ ပၢင်ၵႅဝ်ႈပိုတ်ႇၽုၺ်ႇ Libert'aime ဢၼ် Forevermark ၵေႃႉႁဵတ်းၼင်ႇ ႁၢင်ႈႁိင်ႈထူၼ်ႈၼိုင် ၶွင် မိၵ်ႈမၢႆၶူဝ်းၶွင်ၼၼ်ႉယဝ်ႉ။ ဢၼ်ပဵၼ် ၶူဝ်းၶွင် limited "Le Light x Xu Weizhou" ၼၼ်ႉၵေႃႈ လူင်ႈၼႃႈၶၢႆတီႈၼိူဝ် ဢွၼ်ႇလၢႆးသေ လႆႈမူတ်းၵႂႃႇၽႂ်းၽႂ်းယူႇယဝ်ႉ။ လိူၼ်ၵျုၼ်ႇ 24 ၼၼ်ႉ သျီႇ လႆႈၶိုၼ်ႈႁွတ်ႈ ၾႅတ်ႇသျိၼ်ႇသျူဝ်း Dunhill 2019 S/S တီႈ ၽႄးရိတ်ႉၼၼ်ႉယဝ်ႉ။

သျီႇလႆႈ ထႆႇႁၢင်ႈ တႃႇ ၼႃႈသိူဝ်ႈ Elle Men Hong Kong တႃႇ လိူၼ်ၵျုၼ်ႇ/ၵျူႇလၢႆႇ၊ ဢၼ်ထႆႇႁၢင်ႈၼႃႈသိူဝ်ႈ မႅၵ်ႉၵၸိၼ်းၼႆႉ ၼႂ်းၵႃႈၶၢဝ်းတၢင်းသၢမ်ပီၼၼ်ႉ ပဵၼ် ပွၵ်ႈၵမ်းသၢမ်ယဝ်ႉ။ မၼ်းထုၵ်ႇသႂ်ႇၼႂ်းသဵၼ်ႈမၢႆ "ထႅၼ်ႈ ၸၢႆးငဝ်းဢေးသျႃး 10 ၵေႃႉ ဢၼ်ဢဝ်တီႈယူႇမႃးတီႈ တူင်ႇဝူင်းၾႅတ်ႇသျိၼ်ႇ ၼၼ်ႉယဝ်ႉ။ ၸွမ်းၼင်ႇ L2 ၏ Digital IQ Index 2018 ဝႃႈ Laneige ၼႆႉ ၼႂ်းၵႃႈ ၸၼ်ႉထၢၼ်ႈထႅၼ်ႈမိၵ်ႈမၢႆၶူဝ်းႁၢင်ႈၶိူင်ႈမိူင်းၶႄႇ 10 ဢၼ်ၼၼ်ႉ မၼ်းမီးတီႈ ၸၼ်ႉ 7 ၊ ၶဝ်ႈပႃး COACH လႄႈ Valentino ဢၼ်မီးတီႈ ၸၼ်ႉ သီႇ လႄႈ ၸၼ်ႉပႅတ်ႇ ၊ ၼၼ်ႉ ယွၼ်ႉပိူဝ်ႈ ၼမ်ႉၵတ်ႉလွင်ႈႁဵတ်းသၢင်ႈ သျီႇ ဢၼ်ႁဵတ်းသၢင်ႈပတီႈ ဝူၺ်ပူဝ်ၼၼ်ႉယဝ်ႉ။ မၼ်းၼႆႉ ပဵၼ်ၸဝ်ႈပၢႆးမွၼ်းၸၢႆး ၵေႃႉဢွၼ်တၢင်းသုတ်း ဢၼ်ၼႄႁၢင်ႈပၼ်တီး ၼႃႈသိူဝ်ႈ မႅၵ်ႉၵၸိၼ်းဢမႂ်ႇမႂ်ႇ GQ Sport လႄႈ NewOne။

ၼႂ်း သႅပ်ႇထႅမ်ႇပႃႇ ဢၼ်ပဵၼ် မိၵ်ႈမၢႆၶူဝ်းၶွင် ၶူဝ်းၼုင်ၵၢၼ်လဵၼ်ႈႁႅင်း လႄႈ ၶိူင်ႈၶူဝ်းတိုဝ်းတိၼ်ၶႄႇ ၸိုဝ်ႈသဵင်ယႂ်ႇ Belle International လႆႈပိုၼ်ၽၢဝ်ႇ သျီႇ ပဵၼ် ၽွင်းတၢင်တူဝ်မႂ်ႇၶဝ်ယဝ်ႉ။ သႅပ်ႇထႅမ်ႇပႃႇ 20 ၼၼ်ႉ သျီႇလႆႈၶိုၼ်ႈႁွတ်ႈ Balmain S/S 2019 Women's Paris Fashion Week ယဝ်ႉ။ ဢၼ်ပဵၼ် မႅၵ်ႉၵၸိၼ်းၶႄႇ ၸိုဝ်ႈသဵင်ယႂ်ႇ Bella ဝႃႈ ဢၼ်ပဵၼ် ၼႃႈသိူဝ်ႈ Xu Weizhou ၼၼ်ႉ ၼႂ်းပီ 2018 ၼၼ်ႉ ပဵၼ်ဢၼ်ၶၢႆလီသေပိူၼ်ႈ တီႈၼိူဝ်ဢွၼ်ႇလၢႆး ဝႃႈၼႆယဝ်ႉ။

2019

ၼႂ်း 2019 ၼၼ်ႉ Annual China Entertainment ၸိၼႄ ၸွမ်းလူၺ်ႈ ၶေႃႈမုၼ်း AI Man ဝႃႈ ၼႂ်းၵႃႈ သဵၼ်ႈမၢႆၸဝ်ႈပၢႆးမွၼ်းၸၢႆး ၾႅတ်ႇသျိၼ်ႇ ဢၼ်ႁူမ်ႇငမ်းပိူၼ်ႈလႆႈ ထႅၼ်ႈ 10 ၵေႃႉၼၼ်ႉ သျီႇၼႆႉ မီးတီႈ ၸၼ်ႉ ႁႃႈ ၼႆယဝ်ႉ။ ၸၼ်ႇဝႃႇရီ 27 သျီႇၼႆႉ လႆႈထုၵ်ႇမီးတီႈ ၸၼ်ႉ သီႇ လႄႈ ၸၼ်ႉၵဝ်ႈ တွၼ်ႈတႃႇ COACH လႄႈ Tiffany & Co တီႈ ၽူႈၵမ်ႉထႅမ်မိၵ်ႈမၢႆၵုၼ်ႇဢၼ်ၸိုဝ်ႈသဵင်ယႂ်ႇသေပိူၼ်ႈ 20 ၵေႃႉ တႃႇ ပီ 2018 ၼၼ်ႉၼႆယဝ်ႉ။ လိူၼ်ဢေႇပရႄႇ၊ လုၵ်ႉတီႈ I-MAGAZINE လႆႈမွၵ်ႇလၢတ်ႈဝႃႈ ၼႂ်း သူးၼႃႈၾႅတ်ႇသျိၼ်ႇ ၶႅမ်ႉသေပိူၼ်ႈ တႃႇပီ 2018 ၼၼ်ႉ သျီႇၼႆႉ လႆႈမီးတီႈၸၼ်ႉ 50 ၼႆယဝ်ႉ။ မၼ်းလႆႈပၼ်တီႈ သဵၼ်ႈတၢင်းပႆႇ Fendi F/W 2019–2020 Women's လႄႈ Men's Collection Show ဢၼ်ၸတ်းႁဵတ်းတီႈ သျင်ႇႁၢႆးသေ မၼ်းလႆႈပဵၼ် ၽူႈမွၵ်ႇလၢတ်ႈမႂ်ႇ တႃႇ Fendi S/S 2020 Men's Milan Fashion Week ယဝ်ႉ။ ၵျုၼ်ႇ 18၊ Fendi လႆႈပိုၼ်ၽၢဝ်ႇပဵၼ်တၢင်းၵၢၼ်ဝႃႈ သျီႇၼႆႉ ပဵၼ် ၽူႈမွၵ်ႇလၢတ်ႈ Peekaboo တီႈ မိူင်းၶႄႇ ၵေႃႉဢွၼ်တၢင်းသုတ်း ၼႆယဝ်ႉ။

2016

ၼႂ်းပီ 2016 ၼၼ်ႉ သျီႇၼႆႉ လႆႈထုၵ်ႇ ယိုၼ်ႈဢၢပ်ႈပဵၼ် ၽွင်းတၢင်တူဝ်ၸိုင်ႈမိူင်း လွင်ႈၸွႆႈထႅမ် ၸိူဝ်းၶဝ်ႈပႃး "Against Domestic Violence", "Rio Run", "Animal Welfare Charities" ႁင်း Cabbeen, "Lucky Cat Welfare Organizations", "Hope For Home For Children" ႁင်း ၾွင်ႇတေးသျိၼ်းၵမ်ႉထွၵ်ႈၸွႆႈထႅမ်ၶႄႇ တႃႇလုၵ်ႈဢွၼ်ႇ ၊ "Moon bear protecting" ႁင်း Animals Asia Foundation (AAF), "1,000 rabbits look up at the moon" ႁင်း the China Social Welfare Foundation, "Adopt pets instead of purchasing" ႁင်း the Beijing Non-profit Adoption organizations, "Charity Stars: Love can touch" ႁင်း Harper's Bazaar, လႄႈ "Door of charity" ႁင်း the China Children and Teenagers' Fund (CCTF) ၼၼ်ႉယဝ်ႉ။

မၼ်းၼႆႉ ပဵၼ်ပႃး ၽူႈတႄႇတင်ႈ "Light of love for the blind", and "10.20 km run to the light for the blind".ၼၼ်ႉယဝ်ႉ။ လိူဝ်သေၼၼ်ႉဢမ်ႇၵႃး မၼ်းၶဝ်ႈႁူမ်ႈပႃး တီႈပၢင်သူၼ်းတုမ် ႁင်း Kering Foundation ဢၼ်သၢၼ်ၶတ်း လွင်ႈႁဵတ်းႁၢႆႉပူၼ်ႉပႅၼ် ၼိူဝ်ၼၢင်းယိင်းၼၼ်ႉယဝ်ႉ။

2017

ၼႂ်း 2017 ၼၼ်ႉ မၼ်းလႆႈ ၶဝ်ႈပႃးတီႈ "Wuxi Marathon" ႁင်း Men's Health, "amfAR", "World Book Day - Read to Lead" by the Xinhua News Agency, "Love the Earth" ႁင်း the New Media Exhibition of Global Sustainable Development, "Youth Attitudes - One Hundred Thousand Young People" ဢၼ် NetEase, "Child Welfare & Protection Week" ဢၼ် the China Ministry of Civil Affairs လႄႈ UNICEF, "Release An Aquatic Animal to Protect Natural Resources" ဢၼ် ၾွင်ႇတေးသျိၼ်း Alibaba , "Caring for People with A Spinal Cord Injury" ဢၼ် WeiboFit, ၾွင်ႇတေးသျိၼ်းၶႄႇ တႃႇၵူၼ်းလၵ်ႉၶၼႃႇဢမ်ႇတဵမ်ထူၼ်ႈ လႄႈ ဢေႇၵျႅၼ်ႇၸီႇ ၶၢဝ်ႇ သိၼ်ႇႁႂႃႇ ၊ "Make A Promise - Lockit Series" ဢၼ် Louis Vuitton လႄႈ UNICEF, လႄႈ "Cat & Dog Daily - Adopt pets" ဢၼ် NetEase သေၵေႃႈ လႆႈ မၼ်းသိုပ်ႇႁဵတ်းသၢင်ႈ လွင်ႈသႂ်ႇႁႅင်းၼိူဝ် ၵၢၼ်ၵမ်ႉထွၵ်ႈၸွႆႈထႅမ်မႃးယဝ်ႉ။

လိူဝ်သေၼၼ်ႉဢမ်ႇၵႃး မၼ်းယၢမ်ႈပဵၼ်မႃး ၽွင်းတၢင်တူဝ် တႃႇ "Adopt A Green Plant for Green Earth" ဢၼ် Campus Public Welfare Foundation ၊ "Caring for Disabled Children" ဢၼ် ၾွင်ႇတေးသျိၼ်းသျင်ႇႁၢႆး တႃႇၵူၼ်းလၵ်ႉၶၼႃႇဢမ်ႇတဵမ်ထူၼ်ႈ ၊ "Caring for Blind Children" ဢၼ် Sina Micro-Philanthropy, "Boiling Point Public Welfare" ဢၼ် Baidu, လႄႈ "I want to go to school" ဢၼ် ရေႇတီႇယူဝ်ႇ ၽဵင်းၵႂၢမ်း - China National Radio (CNR) လႄႈ the China Children and Teenagers' Fund (CCTF) ၸိူဝ်းၼႆႉယဝ်ႉ။

ဝၢႆးလင် ၵျူႇလၢႆႇၼၼ်ႉ လုၵ်ႉတီႈ China Charities Aid Foundation for Children လႆႈပိုၼ်ၽၢဝ် လွင်ႈယိုၼ်ႈဢၢပ်ႇ သျီႇ ပဵၼ်ၼင်ႇ ၽွင်းတၢင်တူဝ် ၵၢၼ်ၵမ်ႉထွၵ်ႈၸွႆႈထႅမ် တႃႇ ပရေႃးၵျႅတ်ႉ "Hope For Home For Children" တႃႇၶၢဝ်းတၢင်းသွင်ပီ ၼႆယဝ်ႉ။ ဢွၵ်ႇထူဝ်ႇပႃႇ 20 ၊ လုၵ်ႉတီႈ ႁွင်ႈၵၢၼ်လူင် ၽၢႆႇၵႅတ်ႇၵင်ႈၽေးၽႆး သျင်ႇႁၢႆး လႆႈယိုၼ်ႈဢၢပ်ႈမၼ်းပဵၼ် ၽွင်းတၢင်တူဝ် ၵူၼ်းၵႅတ်ႇၵင်ႈၽေးၽႆး ပဵၼ်တၢင်းၵၢၼ်သေ တႃႇႁႂ်ႈယုင်ႈယွင်ႈပၼ် ၵၢၼ်တူင်ႉၼိုင်ႈၽၢႆႇၼွၵ်ႈ လႄႈ ၵၢၼ်ၸွႆႈသၢင်ႈၶဝ်ၼၼ်ႉယဝ်ႉ။

ၼႂ်းၼူဝ်ႇဝႅမ်ႇပႃႇ၊ မၼ်းလႆႈထုၵ်ႇ ယိုၼ်ႈဢၢပ်ႈပဵၼ် ၽွင်းတၢင်တူဝ် Ice and Snow တွၼ်ႈတႃႇ ၶွင်ႉသွၼ်ၵၢၼ်လဵၼ်ႈႁႅင်း SINA ယဝ်ႉ။ လိူဝ်သေၼၼ်ႉဢမ်ႇၵႃး Sina Weibo လႆႈပိုၼ်ၽၢဝ်ႇမွၵ်ႇလၢတ်ႈဝႃႈ လွင်ႈတူင်ႉၼိုင် ၵၢၼ်ၸွႆႈထႅမ်လူႇတၢၼ်း ဢၼ်သျီႇႁဵတ်းၼၼ်ႉ လႆႈပဵၼ်မႃး ႁူဝ်ၶေႃႈ ဢၼ်ႁူမ်ႈငမ်းလွင်ႈၵၢၼ်ၸွႆႈထႅမ်သေပိူၼ်ႈ ၼႂ်းၵႃႈ ထႅၼ်ႈ 10 ဢၼ် ၼႂ်းပီ 2017 ၼၼ်ႉ ၼႆယဝ်ႉ။

2018

ၼႂ်းပီ 2018 ၼၼ်ႉ သျီႇ ပဵၼ် ၽွင်းတၢင်တူဝ်သေ လႆႈၶဝ်ႈႁူမ်ႈတင်း ၶပ်ႉမၢႆလွင်ႈလူႇတၢၼ်း ၶွင် Netease တွၼ်ႈတႃႇ ပရေႃးၵျႅတ်ႉ လူႇတၢၼ်းပပ်ႉ တႃႇ လုၵ်ႈဢွၼ်ႇ ၸိူဝ်းမီးတီႈ ဝၢၼ်ႈၼွၵ်ႈၼႃးပၢင်ႇၼၼ်ႉယဝ်ႉ။ ၼႂ်းလိူၼ်ဢေႃးၵၢတ်ႉၼၼ်ႉ မၼ်းထုၵ်ႇယိုၼ်ႈဢၢပ်ႈပဵၼ် ၽွင်းတၢင်တူဝ် ပဵၼ်တၢင်းၵၢၼ် တႃႇယုၵ်ႉယွင်ႈ ၵၢၼ်လဵၼ်ႈႁႅင်းၶၢဝ်းၵတ်းၸိုင်ႈမိူင်း တွၼ်ႈတႃႇ 2022 Winter Olympics တီႈ ပေႇၵျိင်းၼၼ်ႉယဝ်ႉ။

ၼႂ်းတီႇသႅမ်ႇပႃႇ၊ သျီႇ လႆႈပဵၼ်မႃး ၽွင်းတၢင်တူဝ် Pink ribbon ၶွင် TRENDSHEALTH သေ ပဵၼ်တွၼ်ႈတႃႇ ႁႂ်ႈဝႆႉသတိၽၢင်ႉမႅၼ်ႈၺႃး ၶႅၼ်ႇသႃႇၼူမ်း ၼၼ်ႉယဝ်ႉ။ ၼႂ်းလိူၼ်ဢွၵ်ႇထူဝ်ႇပႃႇ ၼၼ်ႉ မၼ်းထုၵ်ႇ The European Travel Commission (ETC) ဢၼ် European Union ၶဝ်တႄႇတင်ႈဝႆႉၼၼ်ႉ ယိုၼ်ႈဢၢပ်ႈမၼ်းပဵၼ် ၽွင်းတၢင်တူဝ် ပီထွင်ႈတဵဝ်း ဢီးယူႇ-မိူင်းၶႄႇ တွၼ်ႈတႃႇယုၵ်ႉယွင်ႈ ၵၢၼ်ထွင်ႈတဵဝ်း တီႈ EU ၼႆယဝ်ႉ။

2019

ၼႂ်းပီ 2019 ၼၼ်ႉ ၸွမ်းၼင်ႇ Annual China Entertainment Index သေ ၼႂ်းၵႃႈ သဵၼ်ႈမၢႆ ထႅၼ်ႈၸဝ်ႈပၢႆးမွၼ်းၸၢႆး 10 ၵေႃႉ ဢၼ်မီးလွင်ႈႁူမ်ႇငမ်းၼိူဝ် ၵၢၼ်ၸွႆႈထႅမ်ၵူၼ်းတင်းၼမ် တႃႇ ပီ 2018 ၼၼ်ႉ သျီႇၼႆႉ လႆႈမီးတီႈ ၸၼ်ႉ သီႇယဝ်ႉ။ လိူၼ်မၢတ်ႉၶျ် 18၊ သျီႇ ထုၵ်ႇယိုၼ်ႈဢၢပ်ႈပဵၼ် ၽွင်းတၢင်တူဝ် China's science fiction တွၼ်ႈတႃႇ လွင်ႈၸိုဝ်ႈလိုဝ်းလင် ပၢႆးသၢႆးယႅၼ်ႉၸိုင်ႈမိူင်းၼၼ်ႉယဝ်ႉ။ မၢတ်ႉၶျ် 30 ၼၼ်ႉ မၼ်းၶိုၼ်ႈႁွတ်ႈ Lights-Out of Earth Hour ဢၼ်ပဵၼ် ၶပ်ႉမၢႆလွင်ႈၵွင်ႉသိုပ်ႇၵမ်ႇၽႃႇလူႇတၢၼ်း တွၼ်ႈတႃႇ ယုၵ်ႉယွင်ႈ လွင်ႈၵႅတ်ႇၵင်ႈ သိူင်ႇဝႅတ်ႉလွမ်ႉၼၼ်ႉယဝ်ႉ။ ၼႂ်းလိူၼ်မေႇၼၼ်ႉ မၼ်းထုၵ်ႇလိူၵ်ႈတႃႇပဵၼ် ၽွင်းတၢင်တူဝ် ႁင်း "Sunshine of Love" ဢၼ်ပဵၼ် ပရေႃးၵျႅတ်ႉ တႃႇၵူၼ်းၸိူဝ်းပဵၼ်တုၵ်ႉၶိတ တီႈၼႂ်းမိူင်းၶႄႇၼၼ်ႉယဝ်ႉ။

Films

Television series

Documentary

သျူဝ်း ၵူႈမဵဝ်းမဵဝ်း