Ism nns iga t Musa Habbun, ɣ tudrt n umdyas is ism n Yuba li igan ism n yan zɣ igllidn n tmurt n tamzɣa.
Talult d tudertn ɣ mẓẓi
Ilul ɣ 1968 ɣ Dcayra, yat yan uduwar mqqurn gr Ugadir d inzggan ɣ tama n iɣrm n Ugadir. ḍin nit aɣ iẓri mẓẓi nns wala tiɣrins. Idda yuba, immli ɣ tmazirt nns wali tin wiyyad aylli yas ikfan yan usmmaql yadnin i tudrt.
Tudrt n unaẓur
Lliɣ n imqqur s imik, ittut zund kigan n ayt tmazirtns s usurs amazdar n idlsns, idls amaziɣ. Mkan af yusi afrak ar isiggil man taɣarast as rad yaws ɣ ussfrkns, immaɣ f tussna tunsîbt s uğug ad amzwaru n tmagit tanamurt n Lmrruk. Issnti ar ittara amarg s tmaziɣt afa d iml tayrins i idls ad, urta iga azêmmazlns izwarn ɣ ubaraz n uzawan.
Ifls mas iga uzawan yan imis isugrn ɣ ubrid n tamaɣt, isnti ar ikkit idinann n tgitart yaws ɣ tlalit n yat trabbut n umarg. Mqqar fllasn tqqn tnbâdt abrid n isuyas, iɣi Yuba ad iskr mnnaw imddrzn ɣ kigan d tmdinin n Mrruk ississan anaw n umargns gr tuggt n imarayn n umarg amaziɣ. Azawanns ard ittagwm ɣ idlsns azayku, ɣ usala ns idran, mac Yuba ihâbbl tarmiwin n wiyyâd, ihîyl i inmuggar d idlsan n umadâl. Snat tsffifin lli d idî Yuba ar mmalant tafssa ns f ad isflujju amarg issackid iwaliwn isnmili azawan.
Tamdyazt d imasn nu amarg
Ɣ 2000, tasffiftns izwarn tawargit lli yura, iga s tiyt, yirirt tssen aɣaras s ulawn ggutnin ɣ Mrruk. Ɣ 2005 issufɣ d tis snat ngr Mrruk d Uliman ig as Itran Azal nttat aɣ isatig imasn iqburn n darsn zund lutar, ahjhuj, amzâd (rribab), ganga, tallunt, tiqrqawin, nnaqus d wiyyâd. Asml tudrt ad imla yaɣ yan Yuba yadnin, Yuba izêdârn ad if tudrt yadnin i imasn imaziɣn imzwura, amzâd nɣ rribab lli ilan aɣ ar yan udinan, iggammi ad lli an izri igran n Sus, igwdl f imzgan ur isslfldn i tamaziɣt. Yuba imla rribab i willi t ur issn, tasffift igwran n Yuba tga tamɣra ngr imassn n idls amaziɣ d imasn n umadâl. S tugga n mnnaw infran, amarg n umdyazn nɣ aàzri ikkisd amarg amaziɣ n rways d win uhêwac ɣ tfulklurit d tatut isls as timlsit tamaynut igt d isli ngr izawann n wiyyaḍ.
Azawan d tamagit
Asml urt igi iktr s taɣlaɣalt n tagnawit, amarg n tgnawit yusin tabratt urd tagnawit aɣar i tgnawit, ɣ wanaw ad ɣ uzawan Yuba issimɣur willi izzîdêrn i tissumga « isggurad ufgan tissumga, idîd assudn ufus d ays ntbndaq, d ays nttini sidi mqart ur igi».
This article uses material from the Wikipedia Taclḥit article Yuba, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.