Tasguri taɣzurant n izrfan n ufgan nɣ Lbriḥ amaḍlan n izrfan ufgan (s tnglizt: Universal Declaration of Human Rights, s tfransist: Déclaration universelle des droits de l'homme, s tɛrabt: الإعلان العالمي لحقوق الإنسان) tga yan amla agraɣlan nɣ zɛma iga win middn umaḍal kullu tn, llan gis kraḍ id mraw n imlan ar sawaln f izrfan n ufgan.
|
Iffuɣ d ɣ usggʷas n 1948 ɣ tasut ad lliɣ nlla, tawingimt n usuɣl n tsguri ad s tamaziɣt taclḥit tlul ɣ dar imslayn n tamsmunt tamaynut n tawsna d isfalkitn umadan ɣ dujanbir 1989.
lliɣ tga tukza n ullalu n kraygat yan ɣ tawja tanafgant d umgiddi n izrfan nnsn tirsal n tdrfit d tzrft d ufra ɣ umaḍal.
tg tamttawt n izrfan n ufgan ad ittawin tugtt n mad ihrcn ar isfafa afrak n ufgan, afad ad yili yan umaḍal nna ɣ ttili dar ufgan tadrfit n wawal d usgd, yanf i asdidi d tammara.
d lliɣ iga ufrag n izrfann n umdan yan ufggag n yan ungraw n izrfann afad afgan ad ur isti, g tyira, aɣwwɣ mgal n tdnka d uẓlag; d lliɣ iqqan ad tdus tmrniwt n tuqqniwin n tiddukla ngr n tmtta,
d lliɣ illa g tnttamt id igdudn n tmtta imunn nnan diɣ taflst nnsn g izrfann ifggagn n ufgan, d tizi d watig n wudm anfgan, d umgiddi n izrfann n irgazn d twtmin, rnun nnan is ran ad smɣurn alay anamun d tfadiwin iɣudan n tudrt g tlla tdrfit imqqurn,
d lliɣ msuckan iwankn igmamn, s twsin n tmaddast n tmtta imunn, afad ad yili wzrak amaḍlan amskar n tdrfiyin d izrfan ifggagn n ufgan,
d lliɣ iga ufrak s izrfan d tdrfit askkin akswat fadd ad ittug usuɣn ad,
issafɣ d ugraw amatay alɣu amaḍlan n izrfan n ufgan ad, fad ayg yan uswir nna s ilaq ad nn awḍn akʷ igdudn d tmtta fadd akʷ middn d ifrdisn n wamun, ikttin alɣu ad, ad dusn, s usslmd d usgmi, sbuɣlun d uzrak n izrfann d tdrfiyin, afad, s tɣtasin izdin tinamurin d timaḍlanin, ad ttyakʷzn gin imskarn imaḍlann, ngr n imzdaɣ n iwankn igmamn nɣ ngr ikalln nna illan ddaw n tnaḍt nnsn.
Ar d ttlalan middn gan ilellitn mgaddan ɣ waddur d izrfan, yili akʷ darsn unlli d ufrak, illa flla sn ad ttmyawasn ngratsn s tagmat.
Ku yan illa dars uzrf ɣ tudrt d tdrfit d tnfrut tanimant.
Awd yan ur izḍar ad dars ilin ismagn , ula ad izznza ar issaɣ afgan.
Ur d iqqan ad yili asrfufn n awd yan, ula timskrt ixʷcnn lli issmẓẓiyn addur n ufgan.
Ku yan illa dars uzrf n tukza n iman ns azrfan ɣ kraygat adɣa
Mgaddan akʷ middn mnid n ulugn yili darsn uzrf n uḥṭṭu n ulugn amr asnuḥyu, ɣiklli darsn illa uzrf ɣ uḥṭṭu imgaddan mnid n asnuḥyu nna d ur imcuckin d ulɣu yad.
Ku yan illa dars uzrf ad iftu s tinfgarin tinamurin iɣ illa kra uzggal ɣ izrfan nns lli yas ifka ulugn.
Ittukkas ad ittyimiẓ ufgan nɣ ad ittukraf nɣ ad tizzug yan amr alug.
Gaddan akʷ middn ɣ uzrf, n adzrin ɣ umnid n tanfgart tasimant tarawsant, nna ittggan taɣtast, iẓlin s izrfan nns nɣ izuccln nns, nɣ tilawt n uynna as ittusbabban g igr n izggaln izrfann.
Ur ixṣṣa ad yili kra ukccm ixccn ɣ tudrt iẓlin s kra n yan nɣd tin twja nns nɣd azdduɣ nns nɣd imyawaḍn nns nɣd addur nns. yili dar ku yan uzrf n uḥṭṭu n ulugn ɣ zund akccum ad.
Ku yan illa dars uzrf n g tdrfit n uswingm d tin tannayt, d tin usgd ɣilla illa uzrf ad isnf asgɣnns, yilli dars awd uzrf n twnnit tanfrut s kra igat anaw nns.
Ku yan illa dars uzrf n tdrfit n tannayt d twnnit, ad ittikṣuḍ f tannayin nns ula arzzu nns ad yamẓ nɣ ad izuzzr, abla iwtta, inɣmisn d twngimin s akʷ imassn n usussn.
Ku yan illa, ɣiklli iga yan ufrdis ɣ wamun, dars azrf ɣ unfru anamun :azrf ad ibdda f ḥma ad tili tumrt n izrfan idamsann, inamunn d idlsann iẓlin s addur nns d usbuɣlu n wudm nns, ayad s tdusi tanamurt d twisi tagraɣlant, nna isnndn f usnmala d isugim n ku tamurt.
Ku yan illa dars uzrf n ussunfu, ɣ tizi lli ixwan, d mnck n tsragin n twuri d ussnfu imun d tɣrad.
Ku yan illa dars uzrf ad isfayd ɣ uɣawas anamun agraɣlan lliɣ llan izrfan d tdrfiyin lli d yuckan ɣ alɣu ad.
Ur illi ɣ ulɣu ad kra n uḍṛiṣ afad ad ismdya kra n uwank nɣd kra n ugdud nɣd ufgan s ɣiklli ira d ur dars kra n uzrf afad iskr tawri nna ira lli ittrẓẓan izrfan d tdrfyin lli d yiwi ɣ ulɣu ad.
This article uses material from the Wikipedia Taclḥit article Tasguri taɣzurant n izrfan n ufgan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.