Tga Taruct zɣ tamsgza n imrmidn.
Ar ittuẓla umudr ad s kigan n isnnan imsadn zun-d win insi (bumḥnd) macc win taruct ɣzzifn uggar d tfkka ns ttugr tin insi, ar tn tswwuri afadd a ttmzaɣ f ixf nns zɣ imudar yaḍni. Tamurt ns taẓuṛant tlla ɣ Timrikiyyin, Asya, Tafriqt, Urupa. Tga tiss kṛaḍt imqqurn ɣ wanaw n imrmidn dffir n ilf n waman d wanẓiḍ n waman. Ar tlkkm tiɣzi n taruct gr 64 d 91 cm, d tiɣzi n ucṭṭab ns gr 20 d 25 cm, d ar tlkkm tiɣzi n isnnan nns gr 60 d 70 cm , d taẓḍuyt ns gr 5,4 ar 15 kg. Aklu n taruct illa ɣ udmman (awras - aqhwi) d ublbac d usggan d idrus ma ɣ ayttgga umlil.
Taruct tga zɣ imudar infradn, ar tctta ifrawn n waddagn d tuga d iẓlan d immɣayn izgzawn zun-d akrus d ɣ tagrst ar tctta tifli. D tga zɣ imudar ittmussun ɣ yiḍ (ḍyyḍ) macc kra n tikkal ar ttmussu ula ɣ taylgi afadd attcubbu s tutca ns.
Amnni ad iga amud, imẓẓiy sul. Aws i Wikipidya s usnfl nns, tssimɣurt t.
This article uses material from the Wikipedia Taclḥit article Taruct, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.